Genesis 41:20 - Ohiatonhseratokénti

²⁰ Ne ionatí꞉wenʼs tánon ne kontihétkenʼs tiohnhónskwaronʼs waʼkonwatiʼwá꞉rake ne tiotihén꞉ton tsá꞉ta nikón꞉ti ionáreʼsenʼs tiohnhónskwaronʼs,

Genesis 41:20 ပူးပေါင်းရင်းမြစ်များ

Genesis 34:19

Tánon ne kenʼ nithoión꞉ha kwáh iáh tehotenʼniskwáhton nahonwaʼwahrakwé꞉taron, tiorí꞉wa tsi nihshakonón꞉wesʼkwe ne Jacob shakoièn꞉ʼa. Ó꞉nen kíʼ ne Shechem raonhá꞉ʼa né kwáh tronkweʼtowá꞉nen tsi nihahwatsí꞉ra.

Genesis 41:19

Eʼthó꞉ne shé꞉kon tsá꞉ta nikón꞉ti tontakonteʼskó꞉ko naotihná꞉ken, iotí꞉ten, kontihétkenʼs, tshiewé꞉ne ne tsi iotinaʼahtarónnion tsi niionatí꞉wenh. Iáh nonwén꞉ton tekhé꞉ken neh nakontihetkèn꞉take ne tsi ionhontsá꞉ien ne Egypt.

Genesis 41:21

ók nó꞉nen shaʼkonwatiʼwahráksi iáh ónhka teiakoterienʼtará꞉ʼon tsi kiʼ wahakotiwá꞉rahke, asé꞉ken shé꞉kon kwáh eʼthó nikonhtihét꞉kenskwe tsi kíʼ nitiohtón꞉ne. Ethó꞉ne nonsátie.

Genesis 41:3

Sók shé꞉kon ó꞉ia tsá꞉tak nikón꞉ti tiohnhnónskwaronʼs tontakonteʼskó꞉ko, kontihétkenʼs nakonwatí꞉ken, tánon ionatí꞉wenʼs, kontiiaʼtákta nonátiaʼkes tiohnhónskwaronʼs nón꞉we naʼtkontí꞉taʼne ne kaniatarákta ne Nile.