Genesis 41:2 - Ohiatonhseratokénti

² tánon thóh takonteʼskó꞉ko ne Nile tsá꞉tak nikón꞉ti tiohnhónskwaronʼs kwáh í꞉ken tsi kontiiaʼtí꞉ioʼs tánon ionáreʼsenʼs, tánon ohión꞉wi waʼkontihón꞉take.

Genesis 41:2 ပူးပေါင်းရင်းမြစ်များ

Genesis 41:1

Ne sontóhetsteʼ ne kwáh kaná꞉non ne teiohserá꞉ke, ne Pharaoh wahotétshen kaniatarákta ne Nile í꞉rate,

Genesis 41:18

tánon tsá꞉ta nikón꞉ti tiohnhónskwaronʼs, ionáreʼsenʼs, takonteʼskó꞉ko ne Nile kaniataratátie tánon ne tsi iothontón꞉ni ne ohión꞉wi waʼkontihón꞉take.

Genesis 41:3

Sók shé꞉kon ó꞉ia tsá꞉tak nikón꞉ti tiohnhnónskwaronʼs tontakonteʼskó꞉ko, kontihétkenʼs nakonwatí꞉ken, tánon ionatí꞉wenʼs, kontiiaʼtákta nonátiaʼkes tiohnhónskwaronʼs nón꞉we naʼtkontí꞉taʼne ne kaniatarákta ne Nile.

Job Tánon ne Raoronhiakensera 8:11

“Akakwé꞉ni ken ne onó꞉ta nahontón꞉ni ne iáh otiawenhtserá꞉ke tè꞉ken? Akakwé꞉ni ken nonó꞉ta ahiohianerásthen tsi nón꞉we ne iáh tekané꞉ko?

Isaiah 19:6

né tsi kanahtseratátie kwáh enwenhseraksénhake, tánon né ionatónhtons ne kahhionhaténions ne Nile né Egypt kwáh kí enwáton tánon enwasthátʼthen, ohiónʼwi tánon onhó꞉ta kwáh kí enwát꞉kente.

Isaiah 19:7

Né thóh nón꞉we kwáh atenatóskonk thenkénhaʼke ákta ne Nile, ne tsi naʼteiotshahrakarákwen ne Nile; tánon akwékon tsi niʼkaientʼthóhserons ne atsiakʼtonhties ne Nile kwáh kí enwastátʼthen, èhren enkahawítonhke, tánon iáh othènon tahonsakénhake.