Genesis 41:14 - Ohiatonhseratokénti

¹⁴ Eʼthó꞉ne ne Pharaoh iahshakotó꞉ri ne raonkweʼtaʼshón꞉a nahonwehnónksa ne Só꞉se, tánon waʼthotisteríhen tsi tahonwaiaʼtínekenhwe ne tsi iontatehnhotónhkwa. Nó꞉nen shahatkonhstón꞉riaʼke ó꞉ni tonsahatá꞉ton ne raotsherónnia, raohén꞉ton ne Pharaoh niahá꞉re.

Genesis 41:14 ပူးပေါင်းရင်းမြစ်များ

2 Samuel 19:24

Ne Mephibosheth ne roteré꞉ʼa ne Saul tá꞉re ne tahiatátken ne ronnontí꞉io; iáh nenhʼné꞉e teorashiʼtóhare, khéhs nahotkonstonhrhiákon, khéhs nahotenoháreke ne raotserónhniat, thóh tsiotásawe ne tewenhniserá꞉tekwe ne ronnontí꞉io éhren sárete tsi niʼió꞉re né wenhniserá꞉tekwe shonsárawe kwáh skénnonk thí꞉ken.

2 Kings 25:29

Ká꞉ti ne Jehoiachin wahonwaríhon ne tahonsahathataʼkwénion tánon ronnontí꞉io rahotekwáhrahʼne tehatskahónsheʼke né꞉ne tsi nen ronnhéshonʼke.

Esther 5:1

Ahsénhaton shiwenhniserà꞉te tsi iakaontontiéhton Esther ne wá꞉ʼontste tsi niwahkwenió꞉ten ne iakonontiioʼnéha tánon eʼthó iaʼtié꞉taʼne raoteʼèn꞉rakon ohén꞉ton ne tsi ieiontaweiaʼtáhkhwa tsi nón꞉we naʼtehontatkénʼs nonkwehshón꞉ʼa ne ronontí꞉io. Ronontí꞉io thentskwáhere raonitskwahráhne ohén꞉ton tsi ieiontaweiaʼtáhkhwa.

Exodus 10:16

Ethòne kíʼ ne ronhnonhtí꞉io kasteríhenke tsi iasakóʼnonhke ne Mahís ó꞉ni ne Aaron tánon wahénron, “Wakeriwá꞉neren tsi nókwah ne Roiá꞉ner ó꞉ni nisèhke.

Isaiah 61:10

Kwáh í꞉ken tsi kowá꞉nen enkatonnháren rahonháke ne Roiá꞉ner, kwáh akatonnhetsherakwékon iaʼtetsokétoʼte tsi enwatonnháren rahonháke nakeʼNí꞉io; asèken né ratseronhniáton naoʼtsherónh꞉niat ne kaienawaséhtshera, né rakerorókston né wakóses atiátawi ne aterihwakwahrihshón꞉tsheras í꞉ken, tsi ní꞉ioht né roniák꞉khe waharáseste wahatʼtatsitsaráh꞉raʼke, tánon tsi ní꞉ioht ne ioniát꞉khe wakará꞉seste né ionsthá꞉nion naowistanoroshónhas.

Isaiah 61:3

né nahontakheʼhiatʼkáwenh tsi nihá꞉ti ne ronatʼtiónhnion né Zion nón꞉we— nahontakhéhion ne otsítsa kakahkwenhtonniáton tsi ní꞉ioht né꞉ne akénhake ne wakenrontákwen okénhra, né꞉ne kénhie ne atsenhnonniátshera í꞉ken tsi ní꞉ioht né꞉ne akénhake nahiakhotiónhnionke, né nateweiárah ne kanonhweratónhtshera tsi ní꞉ioht né꞉ne akénhake ne kanikonhraksénhtshera. Né enhonwatinatónhkwahke karíhton karónh꞉ta né꞉ne karihwaʼkwahrihshiónhtshera í꞉ken, tsi roiéntʼthon ne Roiá꞉ner, né naré꞉neste ne raoʼiatanerakwáhtshera.

Daniel 2:25

Kwáh katiʼ óksaʼk ne Arioch iahoiaʼténhawe ne Daniel raohén꞉ton ne ronnontí꞉io Nebuchadnezzar tánon wahohró꞉ri né ronnontí꞉io, “Shaià꞉ta shakwaié꞉nen Sitaeró꞉non né kí꞉ken enhakwé꞉ni aʼhathró꞉ri Sanontí꞉io tsi nahò꞉ten kéntonhs ne satetshénhsera.”