Genesis 40:19 - Ohiatonhseratokénti

¹⁹ ne náhsen nenwenhniserakéhaton ne Pharaoh enhianontsistóhskare tánon tsi ioròn꞉tote enhiaiaʼtihá꞉ren; tánon otsiʼtenʼokón꞉ʼahs enhatiʼwá꞉rake ne saieròn꞉ta.”

Genesis 40:19 ပူးပေါင်းရင်းမြစ်များ

Genesis 40:13

nahsénhaton nenwenhniserá꞉teke ne Pharaoh enhshiahnhontón꞉ko, enhshiaʼnikóhnrhenʼse, tánon enhshiarihón꞉ten tsi nitisaioʼtenhseroʼtén꞉ne; entéhtshon ne Pharaoh ne raótshe teionthnekontáhkhwah, kwáh kiʼ tsi nihshiéhrhahkwe ne ní꞉se sihtshioʼtenhséhahkwe.

Genesis 40:17

Ne kwáh è꞉neken iekáhere ná꞉there kwáh niaʼté꞉kon tsi ní꞉ioht tsi kakhonniánion ne Pharaoh raorihwá꞉ke, tánon notsiʼtenʼokón꞉ʼahs thóh teionatskaʼhontie naʼthé꞉rakon ne kenontsí꞉ne waʼtherahrátie.”

Genesis 40:18

Tánon waʼtharihwaʼserá꞉ko ne Só꞉se, “Kenh kiʼ nahó꞉ten kén꞉tons: ne áhsen niwaʼthé꞉rakeʼs ne ne áhsen niwenhniserá꞉keʼs;

Genesis 40:20

Nasénhaton siwenhniserakéhaton, thóh sikahá꞉wi tsi niehsháhehskwe ne Pharaoh, wahshakokhwahéhrhahse ratikwé꞉kon ne raonkweʼtaʼshón꞉ʼahs, sahohnhotón꞉ko nohén꞉ton ié꞉rate ne ráhahs ne teiontnekontáhkhwa tánon nohén꞉ton ié꞉rate ranaʼtarón꞉ni ne skatne rón꞉neʼskwe ne raohnhaʼtsheraʼó꞉konʼs.

Genesis 40:22

ók wahohniá꞉terenke nenʼ ne ne ohén꞉ton ié꞉rate ranaʼtarón꞉ni, kwáh tsi kiʼ nihshakoʼnikonhraientahtén꞉ni ne Só꞉se.

Genesis 41:13

Tánon tsi nahshonkeniʼnikonhraientáhten, tho kiʼ naʼá꞉wenʼne; saionkerihón꞉ten tsi nitewakaterihón꞉tahkwe, tánon ne ranaʼtarón꞉ni wahonwahniá꞉terenke nenʼ ne ʼeh.”

2 Samuel 21:10

Ehʼthóhʼne ne Saul tenihiá꞉sene Rizpah, ne ne sakoiénha ne Aiah, káiare iaká꞉hawe ne ahontrenhósthakwe thóh ostenrá꞉ke tsi nón꞉we natewehionthó꞉taro, tánon thóh kenteronhtá꞉kwe kwáh tsi nontontásawen naieietʼtwá꞉ko tsi niió꞉re ne ienkahnenhnákene nenhtsiokenhnoréhseron. Ne tsi niwenhní꞉seres kwáh iáh tahiakoríhon notsitenokónhas ne kenhniakotí꞉iere noieróntas, tánon nokaʼrasné꞉ha kontírhios nenhné꞉e iakotekwáhtha.

2 Samuel 21:6

áhnion ne tsá꞉ta nihonekenteronhtseráien ontionhá꞉ke tasheiaténiet, tánon í꞉i enhiakiniatérenke raohén꞉ton ne Roiá꞉ner ne Gibeon nón꞉we tsi thotenontáhere ne Roiá꞉ner.” Tánon ne ronnontí꞉io wahén꞉ron, “Kwáh kiʼ ienkeiát꞉kawe.”

Proverbs 30:17

Tókaʼ thentshié꞉ron ne iaʼníha tókaʼ ó꞉ni enhshéhswen saʼnisténha nó꞉nen eniontiaʼtísa, kwáh orihwà꞉ke wenheión꞉taks én꞉wake tsi sónhnhe tókaʼ ó꞉ni tsokaweʼkó꞉wa aiesakahratàhko.

Ezekiel 39:4

Ne Gog ó꞉ni ne rahonkwetashón꞉ʼás ronhterí꞉ios ó꞉ni ne thonwaríwahwase kwáh tsi ionhnonhtáhere ne Israel nónhwe nenhonhníheie, tánon enkheríhon ne otsitenhokónhas ó꞉ni ne konhtírhios ahonthekhónhniaʼthe ne rahotihieronhtashónha.

Acts 20:27

Asèken iáh thènen theʼtewakathotʼtákwen tsi wakerihowanhá꞉thon noriwakwékon tsi nihotenikonrónni ne Rawenni꞉io.

Galatians 3:13

Nók tsi wetewatʼrewáthakwe Kerístos sahshonkwahiatáko tsi niʼiakorewátha tsi nitkáhas ne kaianerénsera. Nónen ne kaiasáke sahonwahiatiháren, rahónha wahtathatékwase ne karewathátsera tsi naʼtehionkwaterientawénrie. Asèken noriwatokénti wáton, “Nónka neh iakohiaténton ne karontáke neh tsi Rawenni꞉io sakorewáthon.”

Joshua 10:26

Ethò꞉ne ne Joshua washakononhwariaʼkónhnion ne ronhtinonhtí꞉ios tánon wísk nikarónhthakes tsi washakohiaʼtí꞉haren, thóh nón꞉we nihiorenhthónhakwe ne rahothiierónhtas tsi nió꞉re iahoʼkárawe.

Joshua 8:29

Wahonwanonhwarià꞉khon ne ronhnonhtí꞉io ne Ai tánon karonhtà꞉ke wahonwahiaʼtiháren tsi nió꞉re iahokárawe. Ne shiakarahkwénhne ne Joshua washakò꞉nahne ne rahoierónhta nahonshahatinihiontá꞉ko ne karonhtà꞉ke, tánon thóh nón꞉we iahonáhti ne tsi iehionthawehiaʼthákwa ne kaná꞉takon iotenhenrahkáronhthe. Ne wahatiroróksthe ne tehiotenonhianì꞉ton onénhia wahatitsthokó꞉ten, ki nón꞉wa nikahá꞉wi shé꞉kon é꞉tho ní꞉ioht tsi wè꞉ne.

1 Samuel 17:44

Ne Philistiaró꞉non wahawénhaʼse ne Táwit, “Káts tiatákʼta nontáse, tánon ní꞉i kwáh ne tsi sónnhe otsitenʼokón꞉ahs ne tsi ioweráhre enkhé꞉nonte tánon ne kontírhios kontitshénens ne kahentahkésons kónhnes.”

1 Samuel 17:46

Kwáh nón꞉wa wenhniseráte ne Roiá꞉ner kwáh entʼiátʼkawe thóh katiá꞉nake, tánon ní꞉i kwáh enkonhiatiénenhte tánon enkonhnontsístsiaʼke; tánon kwáh ne entekhéhion notsitenhó꞉kons ne tsi ioweráhre kontítses ne ronenhé꞉ions raonenheiónhtas ne Philistiaró꞉nons ronterí꞉ios ne ne kwáh nón꞉wa wenhniseráte ó꞉ni ne kontírios kontitshénen ne tsi ionwenhtsá꞉te, ne ká꞉ti nohontsakwékon aiá꞉wens ahonateriéntahrane thóh nón꞉we Israeronónke tsi Rotiniʼioseraiénhse,