Genesis 40:15 - Ohiatonhseratokénti

¹⁵ Aseʼkénh, tiontiaʼtanènhskwen tsi thononhontsá꞉ien ne Hebrews; tánon ó꞉ni ne kwáh kén꞉ʼen kwáh iáh oh thé꞉non thaʼtewakatèn꞉tshon naionkehnhó꞉tonke.”

Genesis 40:15 ပူးပေါင်းရင်းမြစ်များ

Genesis 14:13

Eʼthó꞉ne tsi niká꞉ien né shoʼniakén꞉ʼen tontá꞉re tánon sahoró꞉ri ne Hebrew Abram, thóh neʼ nón꞉we nihotatoʼhseró꞉tahkwe ákta tsi iorón꞉tote ne karíhton, ne ne Mamre Amorʼró꞉non raorontaʼkénhen. Mamre tánon ne rontatekenʼokón꞉ʼa ne ne Eshcol tánon né Aner ne ne Abram thonatenrohón꞉ne.

Genesis 39:20

Tánon né Só꞉se róhnaʼs wahaténhnhaʼne nahonwaié꞉na ne Só꞉se tánon thóh nón꞉we iehonwahnhó꞉ton tsi nón꞉we ne ronnontí꞉io iehshakohnhó꞉tonhskwe, tánon thóh nón꞉we iahonwahnhó꞉ton.

Genesis 40:16

Nó꞉nen nohén꞉ton ié꞉rahte ranaʼtarón꞉ni shahothón꞉teʼne tsi niiaweriénʼtí꞉ioht tsi ní꞉ioht tsi wahaʼnikonhraièn꞉tahte, wahawènhahse ne Só꞉se, “Í꞉i ó꞉ni wakatetshèn꞉ʼen: áhsen naʼtekaiaʼserónnion iekareʼtsheraráhkwah á꞉there kenontsí꞉ne káhere.

Genesis 41:12

Hebrew nithoión꞉ha neh nón꞉we iakwakwé꞉konhkwe, roioʼtenhséhahkwe nohén꞉ton ié꞉rate ne shakoʼnikón꞉rare. Nó꞉nen sahshakwahró꞉ri, ráonha wahaʼnikonhraién꞉tahte nontiatetshènhsera, wahshonkeniʼnikonhraientáhten shonkenihrorihátie tsi nikén꞉tons ne shaià꞉ta raotetshènhsera.

Psalms 105:18

Waʼhositakaréwaʼte né tsi oronkwáhsa tehonwaʼsitanerékton, né raniaráke karístatsi né ronwaʼniasaniákton;

Psalms 109:2

Asèken ne ronhnonkwetaʼhétkens tánon ne rotinó꞉wenhs tahionkatsatónhti, ronhnowenhtánions tsi nòkwah ní꞉i.

Exodus 21:16

“Ónhka né tahionthatiáʼthakwen, né꞉ne ahonsahonwatenhnínon tó꞉ka ó꞉ni ahonwaʼteweiénhton nahonwaʼtenhatsherónhniathe, kwáh kíʼ enhonwaʼnonhwarhiákon.

Daniel 6:22

Ne Rawenni꞉io né rihsénnaiens, tahotó꞉ri né raronhiaʼkehró꞉non né ahshakóhskweke né kèn꞉reks né ne tóhsa akatkaréwahte. Né aorì꞉wa eʼtho nahá꞉iere né tsi roterién꞉tare tsi iáh tewakennhìkon tánon ó꞉ni iáh thé꞉nen tekonʼnikonrhaʼtén꞉ni, Sanóntí꞉io.”

John 10:32

Iesos tontasakoȣennaȣeron nok ȣahenron: Eso ioriȣake ȣakȣanatonhase ne tkariȣaieri neneh Rakenineha teȣakha: kah kati nonȣa nikaien takȣanenhiohiahaktane?

John 15:25

Neh ki tanon nehne ne iakaierine tsini kaiaton ne raotiiatonserakon: ok tiȣakstonstston tsi ionksȣenhon.

Deuteronomy 24:7

“Tó꞉ka ónhkak tsi nítsion ne thaieʼtsihiatákwen ne Israerʼró꞉nons tánon naieʼtsihiatenaskonhniáthe tó꞉ka ó꞉ni iahonsaieʼtsihiatenhní꞉non nahonwatinaskonhniáthe, ó꞉nenk tsi eniesanonwarià꞉kon. Thóh ki neniá꞉wenhne ne sewentiókwa tsi étren énwete ne kariwahetkénhsera.

1 Timothy 1:10

Né ioteriwahtéha, né kentétsera ratinikonrátha, ne ratiwirahnénskwas, tsi niháti ne ronnowéntha ó꞉ni ronnowéntha ne thènen ahontʼróri tóhka ó꞉ni nónkak ne kwáh ó꞉ia ní꞉ioht tsi ahontróri tsi nòkwa ne kwáh tóhkenske íken noriwahshónha.

1 Samuel 24:11

Satkátho, rákeni, satkátho ne tsi iatekaiósaien ne tesateweʼhiarákwah, tánon tsi iáh tekonhnonwaʼrhiákhon, ne ní꞉se nahónton ahisaterenhtáhraʼne ne kwáh oriwí꞉io akénhake nètho tsi iáh nothènen tekarihwahét꞉ken khéhs nakaterihwatsate. Í꞉i iáh tewakeriwáneren tsi nòkwah ní꞉se, eʼthohʼsáne ní꞉se tsi satóratskwe ne tsi kónnhe naskenonwarhiákhon.