Genesis 40:1 - Ohiatonhseratokénti

¹ Ostón꞉ha kí꞉ken óhnaʼkèn꞉ke, ne Egypt ronontí꞉io raonkwé꞉ta ne teionthnekontáhkhwa ráhahs tánon ne raonkwé꞉ta ranaʼtarón꞉ni wahonwarihwaientáhten ne raotiiá꞉nehr ne ne ronontí꞉io ne Egypt.

Genesis 40:1 ပူးပေါင်းရင်းမြစ်များ

Genesis 40:11

Ne Pharaoh raótshe teionthnekontáhkhwa Í꞉i khá꞉wahkwe; tánon wáʼká꞉iako noʼnènhare tánon waʼtkahiorarónkhon tsi waʼkhekínekenhwe thóh raotshé꞉takon ne Pharaoh, tánon tahí꞉ion ne Pharaoh.”

Genesis 40:13

nahsénhaton nenwenhniserá꞉teke ne Pharaoh enhshiahnhontón꞉ko, enhshiaʼnikóhnrhenʼse, tánon enhshiarihón꞉ten tsi nitisaioʼtenhseroʼtén꞉ne; entéhtshon ne Pharaoh ne raótshe teionthnekontáhkhwah, kwáh kiʼ tsi nihshiéhrhahkwe ne ní꞉se sihtshioʼtenhséhahkwe.

Genesis 40:16

Nó꞉nen nohén꞉ton ié꞉rahte ranaʼtarón꞉ni shahothón꞉teʼne tsi niiaweriénʼtí꞉ioht tsi ní꞉ioht tsi wahaʼnikonhraièn꞉tahte, wahawènhahse ne Só꞉se, “Í꞉i ó꞉ni wakatetshèn꞉ʼen: áhsen naʼtekaiaʼserónnion iekareʼtsheraráhkwah á꞉there kenontsí꞉ne káhere.

Genesis 40:2

Ne Pharaoh wahshakoná꞉khwase kí꞉ken tehniiáhse raonkweʼtaʼshón꞉ʼa ne ronateríhonte, ne ne ohén꞉ton ié꞉rate ne teionthnekontáhkwa ráhahs tánon ne ranaʼtarón꞉ni,

Genesis 40:5

Énskat katíʼ tsi niwahsón꞉tes tehnitsá꞉ron wahonatétshen—ne teionthnekontáhkhwa ráhahs tánon ne ronaʼtaronnién꞉ni ne Egyptró꞉non ronontí꞉io, tsi nihnhó꞉ton ne tsi iontatehnhotónhkhwah—sniiaʼtátshon ne raonatetshénhsera, tánon skátshonʼs tsi nikén꞉tons.

Genesis 41:9

Eʼthó꞉ne nohén꞉ton ié꞉rate ne teiontnekontáhkwa raksénhahs wahawènhahse ne Pharaoh, “Sakehiá꞉raʼne tsi naʼtewakaterienʼtawenrié꞉ʼon nón꞉wa wenhniserá꞉te.

Nehemiah 1:11

Natsiá꞉ner, áhion ne sahón꞉take ne watenhnikónhraren thóh ne raoterén꞉naien ne sanhá꞉tshera tánon ne raonaterén꞉naient ne sanhatsheraʼshón꞉as, ne rononweshá꞉tha tsi nihatikweniénstha ne sashén꞉na; tánon tátion ne sanhátshera nahohianerásten nón꞉wa wenhniserá꞉te entié꞉na ne kenténrat tsi néntewe ronontiiò꞉ke.” Ne thoʼsikahawikwe í꞉i ne ne ketʼsenháskwe ne tehiontnekontháhkwa raotse ne ronnontí꞉io.

Esther 6:1

Thó꞉non shiwahshontà꞉te ronontí꞉io iáh tewá꞉tonhs nahó꞉taʼwe, wahshakóhnhaʼne ronateríhonte naontahatíhawe tánon ahonwawennahnóthaʼse tsi kahiatónnion ne kahiatonhserakweʼní꞉io tsi nikaianerenhserò꞉tenʼs ne raonakerahserá꞉kon.