Genesis 4:7 - Ohiatonhseratokénti

⁷ Tókaʼ aontesaierí꞉tonke, iáh ken takonienenke? Tánon tó꞉ka iáh tahontaserihwaiérite, karihwanéren ioniʼtsonhkón꞉ni ne kaʼnhohát꞉ta; í꞉se kí saskáneks, ók ónenk tsi ensatiaʼtakweʼní꞉iohste.”

Genesis 4:7 ပူးပေါင်းရင်းမြစ်များ

Genesis 19:21

Wahshakawènhahse, “Satkáhthoh, kwáh kíʼ entkón꞉ion tsi nihseriʼwanón꞉tons, neʼthó kwáh iáh thakenataríhsi tsi niká꞉ien wahsthá꞉rahkwe.

Genesis 3:16

Tsi nonkwá ne tsonthonwí꞉sen wahrènhase nen né꞉ʼe, “Kwáh iaweʼtatshá꞉ni tsi enhseronhiá꞉ken tsi nikarí꞉wes íhshawe naesawiraièn꞉taʼne; karonhiaʼkenhserá꞉kon tsi ensawiraièn꞉taʼne eʼthó sá꞉ne tsi entshiaskanéksheke ne tesení꞉teron; tánon raónha enthianiarotahrhoke.”

2 Samuel 24:23

Akwé꞉kon kí꞉kens, Ó Sanontí꞉io, Araunah wahón꞉ion ronnontí꞉io,” Tánon ne Araunah wahawénhase ne ronnontí꞉io, “Aiáwenhs ne Roiá꞉ner Saní꞉io í꞉ken tahiariwaserá꞉kwase nahontakariwaiérike ní꞉seke.”

2 Kings 8:28

Né Ronnón꞉tiio Ahaziah iatiátieste ne Ronnón꞉tiio Joram ne Israerʼró꞉nonke nahonterí꞉io ne Ronnón꞉tiio Hazael ne Syriaró꞉non. Ne ronterí꞉ios Ramoth né꞉ne Gilead nón꞉we nathónteraʼne, tánon ne Joram wahokaréwate tsi ronaterí꞉io.

Job Tánon ne Raoronhiakensera 11:14

Tó꞉ka ní꞉se sarihwanerahákskon, ahí꞉non nió꞉re iahásrek, tánon tó꞉sa tserí꞉hon ne rorihwanerahákskon akenterónhtake ne satohserá꞉kon.

Job Tánon ne Raoronhiakensera 11:15

Orihwihiohón꞉we ki tsi ethò꞉ne kwáh ensatarakétsko iáh thahó꞉then tahonshasatehénsehke; ní꞉se kwáh entsisahiatanirón꞉ke, tánon iáh thahó꞉then thahisaterónhkwen.

Job Tánon ne Raoronhiakensera 29:4

Nó꞉nen ne shitewaʼtiónha, Nó꞉nen ne raonhé꞉tshera ne Rawenni꞉io kenhterón꞉takwe nakenónskon;

Job Tánon ne Raoronhiakensera 42:8

Nón꞉wa ne iahè꞉tsiiathenhaf tsáta niháti tionhnonskwarons ratítsinn tánon tsáta niháti teiotinakarontón꞉has ratítsinn, tánon tsitʼthenteron naʼkenhá꞉tshera Job niahá꞉sewe, tánon ne iahitsitats sewatát꞉tsahathen. Tánon naʼkenhá꞉tshera Job entsisewaterién꞉naienhase, asèken entié꞉na ne raoterén꞉naient né꞉ne tó꞉sa tho nakwahierase tsi naʼtesewathention. Ní꞉se iáh tesewaʼtá꞉tihon noriwí꞉ioonwe í꞉ken tsi nó꞉kwáh ní꞉i, tsi ne nioié꞉ren nakenhatshera Job.”

Proverbs 18:5

Iáh tetkariwaié꞉ri naontahshéhnhe nón꞉kwe iakohnhí꞉kon tánon naontahsheiatoktákwen ne aterihwakwarihshiónhtshera nónhka iáh oʼthé꞉nen teiakohnhí꞉kon.

Proverbs 21:27

Roiá꞉ner ráhswenhs nó꞉nen iáh tetionkweʼtaié꞉ri aontahonwahawíhten ne karihwiioshokón꞉ʼa naterennaientatsherá꞉kon ne tsi wanonhtonnionhtseráksens tsi ní꞉ioht tsi ronnonhtonniónhkwas.

Jeremiah 3:12

Wahakró꞉ri ne iáke tánon nakró꞉ri ne Israel, “Iáh tehiorihwahtó꞉ken Israel, íh nòkwa nahthétewe. Wahkahthanitenrástskon tánon iáh tahonkenáhkwen; iáh tsi nénhwe thakonhnáhkwahse.

Jeremiah 6:20

Nahó꞉ten katsteristhákwa ne wenhnekeráhkon tionhkhawitenni ne Sheba nónhwe, ó꞉ni ne iekhwá꞉konhonsthákwa ne ahinónhson nióres tionhontsiaténion? Iáh thatiéna ne rahonahthatawítsheras iáh ó꞉ni tahonkherientí꞉io ne rahothiriwiʼiosehokónhas.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Malachi 1:10

Weh, ónhka naionská꞉neke naienientháhrho ne tsi kahnhoká꞉ronte tánon aionté꞉kaʼte ne tsi ktsenhahráhkhwa ne iáh oh thé꞉non tshiaʼtákene? Iáh tewakerienʼtiióhstha ne tsonhá꞉ke, Rá꞉ton ne Sakoiá꞉ner ne ratironhiaʼkehró꞉nonʼs. Tánon kwáh iáh thatié꞉na naontesewá꞉iehste ne sewahtsaʼnà꞉ke naontá꞉we.

Malachi 1:13

“Tsi naʼteiohwihshenhé꞉iaʼt kí꞉ken,” ní꞉se sewá꞉ton, tánon í꞉se takatehswáhtha, Rá꞉ton ne Sakoiá꞉ner ne ratironhiaʼkehró꞉nonʼs. Ne táhshawe tsi nahó꞉ten ne iotkarewáhton khehs ne watshinoʼkáhtha khehs ne iononhwáktani, tánon ne kí꞉ken táhshawe naontáhshiehste! Kwáh kenh ne atié꞉na ne sahtsaʼnà꞉ke naontá꞉we? Rá꞉ton ne Sakoiá꞉ner ne ratironhiaʼkehró꞉nonʼs.

Malachi 1:8

Nó꞉nen ne ièntstatshe ne Roiá꞉ner ne katshé꞉nen ne iáh teká꞉ken ne ahsateʼskón꞉ten, iáh kenh tekarihwáksen nétho? Tánon nó꞉nen ne entéhshiehste ne kontshinoʼkáhtha tánon ne iotinonhwáktani, iáh kenh tekarihwáksen nétho? Sateʼnién꞉ten ne iahá꞉tstats ne sakó꞉ra; ahawerienʼtí꞉io ónhte kenh ne sonhá꞉ke khehs naiʼnéhsten kaiaʼtateríhtshera? rá꞉ton ne Sakoiá꞉ner ne ratironhiaʼkehró꞉nonʼs.

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Acts 10:35

Tsi nihiákon ne ronwatsiánis tánon thóh niʼiehéra ne tkariwaiéri neh rawerientiʼióstha, iáh tewatsʼterístha onhnaienekwenshoténha꞉ke.

Romans 12:1

Éhʼtho káti, tewatenrosónhas, neh tsi nikowánen ne Rawenni꞉io shonkwenténras, kwahnekénnis; kwáh ieʼiokontakwénhak tsi tátʼtsion ne Rawenni꞉io tsi tiónʼnhe ók ó꞉ni nehʼne aihsewárioʼte tsi nikaríwes tionnhétie, kwáh sewariwahtokénhak tsi nòkwa ne rahohioténsera ó꞉ni thaʼtsisewanikonraʼiérit, thókiʼ nikarihóten ne kwáh ahonwasénnaien ne Rawenni꞉io.

Romans 14:18

Tanon nónen thoní꞉ioht tsi entiótense ne Kerístos, entsenikonraiérite ne Rawenni꞉io tánon ne ronatiakhésons enhatiriwanónwehʼne tsi nihoiéren.

Romans 15:16

Ne tsi rihiótense ne Kerístos Ié꞉sos nakhehiótense ne iáh tehatiʼsitaeronons. Watsióte tsi ní꞉ioht ne ratsihénstatsi ne kateriwahnhótha ne kariwí꞉ios ne Rawenní꞉ioke nitsawénon, ehnahontáwe ne iáh tehotiʼiánere nahontatiatakéna nahontahonwanikonraiériʼte ne Rawenni꞉io, neh tsi nihoriwathokenstén꞉ni ne Ronikonriʼióston ne Rawenni꞉io.

Romans 6:12

Kariwáneren iáh thetióien ne sékon ahonsontsiathakweʼní꞉ioste neh sewahiathakónsons, nekati naihsewaiénhase tsi nitkanónwes ne sewaierónkes.

Romans 6:16

Oriwhihioʼónwe tsi sewahteriéntare nónen ensewahtiakwarísi ne hiatesewaiáti naietʼtsinaskón꞉ni nónkak akóren aietʼtsiwenʼnarákwe, íseh ne kwáh thóʼkenske sewahnáskwa wesewáton tsi watsisewawenʼnahrákwe neh wahtsisewatsiathakwenihiósten—kaknikáien khék ne kariwáneren ensewawénʼnarakwe, neh kíʼne tkáhas ne kenhéion, tòhka ó꞉ni Rawenni꞉io tsisewahwénʼnarak neh꞉ne tkáhas nahonsehsewahiáneren꞉ne neh rahonháke.

Ephesians 1:6

Ánion theʼtsitewanonweráton ne Rawení꞉io tsi nihionerákwat ne rahoténrat, tsi kwáh iáh thènen tehiokaráien tsi nithesonkwáʼwi ne roiénha!

1 Timothy 5:4

Onk tóhkaʼ ne iotheréʼons iowíraien tóhkaʼ ó꞉ni iotherésen, neh kwáh tiotserentákwen nakothirihwahiériʼthe tsi naʼtehiothonwentióhon nahothiʼriwiʼiosthóntseras tsi nòkwa ne ahothiwáhtsires tánon neh kí꞉ken enkarihónni nahonsahonwahthikárhiakʼse ne ronwahtiʼienha ó꞉ni ne sakotisótʼtha, tsioríhwa tsi neh kí꞉ken rawerentiʼióstha ne Rawenni꞉io.

Hebrews 11:4

Tewehtákwenh seh waʼhahón꞉nien ne Abel nahotát꞉tshe ne Rawenni꞉io sénha iohiánereh ne iontienkwahronniatáhkwa tsi ní꞉ioht ne Cain. Rawehtakwénhtshera nonʼnontáwe tsi wahaiéna ne Rawenni꞉io raorihwahnirátʼtshera tsi tronkwetaiéri, tioríhwah tsi kwáh rahónha ne Rawenni꞉io waharihwahnírathe ne raotathawíhtshera. Tsi nikéntons ne rawehtakwáhtshera ne Abel shékon nihatátis, iawehrohátien tsi ónen rawenhéion.

Ne꞉ne Sák Rohiaton 1:15

Ehʼthóhʼne tsi hionkwaskanékon ne kariwáksen enwatʼtháwa ó꞉ni enwathónnhete ne kariwáneren, tánon ne kariwáneren, nónen iokowanáhon, né꞉ne ietiahónnhets ne kenhéion.

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.