Genesis 4:26 - Ohiatonhseratokénti

²⁶ Ne Seth wahoneʼkenterontseraién꞉taʼne, Enosh wahoná꞉tonkwe. Eʼthó꞉ne nonkweʼshón꞉ʼa taiontáhsawen wá꞉ʼonste ne Roiá꞉ner raosénna nó꞉nen enhonterén꞉naien.

Genesis 4:26 ပူးပေါင်းရင်းမြစ်များ

Genesis 12:8

Thóh ionshahatén꞉ti tsi tionontahrónnion niahá꞉re tánon thóh ionsahatená꞉taien, ne ne tsitkarahkwí꞉nekenʼs nonkwá꞉ti ne Bethel, tánon thóh nón꞉we nahataʼtohsehró꞉ten, né Bethel tsi iaʼtewatshénthohs né nokwá꞉ti í꞉ken tánon ne Ai, tsitkarahkwínekenʼs né nonkwá꞉ti í꞉ken; thóh nónwe nonsahrón꞉ni ne ietsenhahráhkhwa tánon eʼthó꞉ne ó꞉nen iahaná꞉ton ne Roiá꞉ner raohsén꞉na.

Genesis 26:25

Sók kíʼ thóh nónwe nahrón꞉ni ne ietsenhahráhkhwa tánon wahohsèn꞉naien ne Roiá꞉ner, tánon èʼthó nón꞉we nahataʼtohseró꞉ten. Tánon thóh nón꞉we ne Isaac raohnhatseraʼókon sahonthnawerón꞉ni.

1 Kings 18:24

Ethòne kíʼ ne rotitó꞉kense ne Baal iehonterénhnaien rahonháke ne rahó꞉tiní꞉io, tánon kíʼ ní꞉i ienkaterénhnaien rahonháke ne Roiá꞉ner, tánon tsi nikáien ne thenharihwaseráko tsi enthaténieʼthe nó꞉tsire—rahónha kíʼ ne Ní꞉io í꞉ken.” Nonkweshónha wathotihénrethe tsi nahatirihwanónhweʼne.

Psalms 116:17

Kwáh entkónhion ne kariwiʼiosehokónhas tsi tenhkonhnonweráton tánon ienkenáton ne raosénhna Roiá꞉ner,

Isaiah 44:5

Né꞉ne kí kén enhia:íeron, “I꞉i ne Roiá꞉ner rahonkwé꞉ta í꞉ken,” nó꞉ia né꞉ne enhiontatenátonkwe ne Jacob raosénhna, né thiʼhaiátate kwáh né rasnonsàke enhahiáton, “Né꞉ne Roiá꞉ner rahonkwé꞉ta í꞉ken,” tánon né thenhatatʼtsenhnáseren ne Israel raosénhna.

Isaiah 48:1

Sewahthón꞉tek kí꞉ken, ne tsiónkwe NʼIsraerʼronónke, né ronwanatónkwen ne kasénhna Israel, tánon ne rahónha thóh nón꞉we nitawénon tsi nontakawatsiratátie ne Judah; rahónha rorihwaniráton raosénhnakon ne Roiá꞉ner, tánon iaohná꞉ton ne Sakowenní꞉io NʼIsraerʼronónke, ók iáh noriwí꞉io khés ne tkariwaiéri akénhake.

Isaiah 63:19

Kwáh thóh niʼiakwahiatóthenhne tsi ní꞉ioht ne ronónha né iáh theteseniarotáronhne, kwáh né꞉ne tsi nihá꞉ti né iáh né tehonwatinatónhkwen ne shasénhna.

Jeremiah 33:16

Nonhkweshón꞉a ne Judah nónhwe ó꞉ni ne Jerusalem kwáh enshatiʼniákenʼne tánon kwáh skénnenh tsi enshathináhkerehke. Ne kanahthowáhnenh ne enkonhwahnahtónkwahke ne ‘Roiá꞉ner Onkwahiathaʼkeʼnhátshera.’

Joel 2:32

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate; asè꞉ken ne tsi Iononte ne Zion tánon ne Jerusalem kwáh thóh nón꞉we nenhieniá꞉kenhne, tsi kí ninihá꞉wen ne Roiá꞉ner, tánon thóh nón꞉we tsi nihiá꞉kon ne iateiakotathénhron né꞉ne ronónha ne Roiá꞉ner sakoiatará꞉kwen.

Zephaniah 3:9

“Asè꞉ken ethò꞉ne kwáh tensetʼteni nonkweshón꞉as tsi ní꞉ioht tsi ronhtátis né꞉ne orihwí꞉io tsi ahonsahontrorísehke, ne káti ratikwé꞉kon ahónton nahatináton ne raoshén꞉na Roiá꞉ner, ne nahonwahiò꞉tenhse skaʼnikónhrat khók akénhake.

Luke 3:38

Enos roienha, Seth roienha, Adam roienha, Niio roienha.

Acts 11:26

Siahohiatatʼtsénri, Antioch nionsahohiaténhawe, tánon kwáh iaʼhiathoseríke tsi ionterenʼnaientákwa nónwe nihontkenʼnisáhaskwe nonkwesónha ó꞉ni hiakotiokowánen wasakotirihónʼnien. Thoʼnónwe ne Antioch ne kwáh tiotserenthákwen ne tsiakawetákwen Iakoriwiʼióston wahontatenathónkwen.

Acts 2:21

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate.’

Romans 10:13

Tsi niwáton nhowenʼnatokénti, “Nónka ienhonwanáton ne Roiá꞉ner nenhonwaniáhese kwáh entieniákenʼne.”

1 Corinthians 1:2

Ne thonwetákwen ne Rawenni꞉io thóh nónwe ne Corinth, tsi nihiákon ieiontatenáton ne Rawenni꞉io raotiokwahtokénti akénhake, tsi rahónha rahonkwetaʼshónha ne tsi tehonaterihwahshóntere ne Kerístos Ié꞉sos, rahtikwékon ne kwáh tsik nonwéson ne ronwahsénnaiens ne Ié꞉sos Kerístos, rahónha ne Shakoiáner ó꞉ni nonkwáhtiakes;