Genesis 4:22 - Ohiatonhseratokénti

²² Ne Zillah waówiraièn꞉taʼne ne ne Tubal-Cain; iatekon tsi ní꞉ioht tsi rarihstón꞉niskwe notsinekwar nikaristhótens ó꞉ni ne tsi niionstáshonhas ne karistatsis nionhniáton. Ne Tubal-Cain iateʼnosén꞉ʼa né꞉ne Naamah.

Genesis 4:22 ပူးပေါင်းရင်းမြစ်များ

Genesis 4:21

Ne Jabal né iatateʼkén꞉ʼa ne Jubal; ráonha ne ronwasotkènhen ne ronterenʼnó꞉thaskwe ne karenshoʼtàhron ohnowaʼkó꞉wa tánon ne ieiontónries ohoró꞉ta.

Genesis 4:23

Ne Lamech wahshakawénhahse ne tekeniiáhse rotiniá꞉kon: “Adah tánon ne Zillah, tatiatahónsatat; rónkwe wainonhwariákon ne tsi wahakkarewatanion, tanon ne ken nithoión꞉ha ne tsi wahatkonré꞉kon.

2 Chronicles 2:7

Ónen ká꞉ti né tatiaténiet ne rónhkwe ne rorenhnáhon taharistahiatónhnion, tsi ahohióten nowistanoronsónhas, kawistaráhkens, notsínekwar nikaristhó꞉tens, tánon ne karístatsis, tánon ónhkak ne rorenhnáhon nahashónhnionhwe norón꞉hia, arihwakonhnéhas, tánon nonekwénhtaras niwaniataró꞉tens. Né skát꞉ke enhotihióten ne Judahró꞉nons tánon ne Jerusalemró꞉nons ne rotihiotenhserarenhnáhons né꞉ne tsi nikáien ne rakeníha Táwit sakohiataráhkwen.

Exodus 25:3

Kí꞉ken nenkaróhronhke né꞉ne: owistanóron, kawistaráken, tánon notsíʼnekwar karístaʼtsi;

Numbers 31:22

Norihwakwéhkons tsi nahoténsons ne iáh thahóntsha, tsi ní꞉ioht ne owistanóron, kawistaráken, teiotwístaron notsínekwar, karístatis, owá꞉sa, khès ne oristakàte, ónenk tsi enkaristanirátonke tsi otsiràke enkonhtó꞉hetste. Orihwakwékon noiáshon nahorihoténshon né nènhne enkanoharétonhke nonékanos tsi entsohiánerenhne.

Deuteronomy 33:25

Aiáwens ne rahothinathákons ne ahioiatanónsthate ne karistátsis iotenhenrenthón꞉nions, Aiáwens tió꞉konte tsi ahiorihwí꞉ioke tsi ahotenhniserathénionhke.”

Deuteronomy 8:9

Thóh nón꞉we iáh nonhwénton tiahisewatonkhá꞉riaʼke iáh ó꞉ni ne thé꞉nen tahontesewatót꞉thase, naonenhiasónhas karístatsis nahoténsons íken, tánon ne ionniarónhnions ní꞉se otsínekwar karístatsis enshókwahte.