Genesis 4:12 - Ohiatonhseratokénti

¹² Nonenh thensatonhontsarihte, kwáh iáh othé꞉nen thaontakahawe nahoshaststénhsera; ensanahthenhawison tanon enhsonhontsaié꞉sha.”

Genesis 4:12 ပူးပေါင်းရင်းမြစ်များ

Genesis 4:13

Cain wahawénhahse ne Roiá꞉ner, “Ne karehwatáhtshera só꞉tsi iohní꞉ron nakerihwá꞉ke nakaʼtakáts꞉tate.

Genesis 4:14

Nón꞉wa wenhniseráte é꞉ren wahstiaʼtenhá꞉wihte nokenrake, ó꞉ni waskatkonsashéhten; kwáh kí enwakeʼnatenhawíson tánon enkonhontsaié꞉sha, tánon nónhka tahiatsiatát꞉ken nonhtierek enhionkenonhwariakhon.”

Psalms 107:34

né kwáh tiohontsí꞉ios kwáh kíʼ káiase ienhwáʼton né entioróhroʼke ne iotenatentásta tánon tsioiótsis, tsioríhwa né nón꞉we nihatinákere tsi nihonhnonkwetahétʼkens.

Psalms 109:10

Aiáwens ne sakoiohʼokónhas ahotinenhtahawí꞉son tánon tahontsáriʼte; aiáwens ahonwaʼtihiatínekenhwe tsi nikarihwénhton tsi nón꞉we nihatíteron.

Proverbs 28:17

Nónhka rohnhí꞉kon tókaʼ shakohséhton, tho niiohsnó꞉re tsi raʼshonhionhnia tsi nón꞉we nenhonwaiaʼtà꞉ta. Tóhsa sateʼnién꞉ten tahtstáhste.

Hosea 9:17

Tiorì꞉wa tsi iáh tehonwawenhnarákwen, nakeʼNí꞉io ensakokenron kí; kwáh kí enhotinathenhawí꞉son tsi ienakeré꞉nion nonkweshón꞉a.

Joel 1:10

Ne kahentà꞉kes iorihwaieshá꞉hons; nonhóntsa iáh othé꞉nen thatetkánios; asè꞉ken nonátsias karihwatón꞉ton, nonenhará꞉keri iehiostéhon, ne kénhie wathontkári.

Leviticus 26:17

Kwáh kíʼ enkonhiatʼkónhten, né nahónton ne kwáh ahieshassénhni, tánon tsi nikáien ne sèhsons kwáh kíʼ enhiesatkórasʼthe; thoʼnióre tsi enshaterónhsehke kwáh kíʼ enshaʼtekwenhá꞉tie nó꞉nen iáh ónhka tehieshá꞉sehre.

Leviticus 26:20

Akwékon tsi níkon sahioténʼen ne iohiotenhseraníron iáh othènen takarihontáko, tsioríhwa ne sonhóntsa tsi iáh othènen tahonthakánio ó꞉ni ne saronhtasónhas iáh tahonhianihiónhten.

Leviticus 26:36

“Kwáh ne entsiónhnien tsi nítsion ne ietsinakerakwáhton thóh nióre tsi ensewaterónhseke nék nahionerathákare ne tsi ioweráre kwáh ensónhnien nashatèko. Kwáh enshatèko tsi shí꞉ken ní꞉ioht ne tsi wateríhio shaʼtekwenhátie, tánon kwáh enshiatiénenhne iawerohátsien tsi iáh ónhka tehieshá꞉sere.

Romans 8:20

Rawenni꞉io waharíwente akwékon tsi nahoténsons kasahánion naionáti tsi nihiothirihóten, iáh ohnónha thoʼtihiotirihón꞉ni, nók neh kíʼ tsi Rawenni꞉io thoʼní꞉ioht tsi hiathoriwaiéntase. Iáh kíʼ thènen tehiotiéren Rawenni꞉io neh kíʼ raskánekskwe

Deuteronomy 28:15

“Ók Tó꞉ka iáh thatiewénhnaraʼkwe ne Roiá꞉ner saNí꞉io tánon iáh tewethakwenhtserá꞉kon tsi ashateweiénton akwé꞉kon ne rahoriwatà꞉tsheras ó꞉ni ne raoianerénhseras né꞉tho tkwawí꞉hons nón꞉wa wenhniserá꞉te, niaʼtékon kí꞉ken kariwahétkens tsi nenhsaiathawénhseron: