Genesis 39:9 - Ohiatonhseratokénti

⁹ Iáh sénha tehoʼshaststenhserá꞉ien kíʼ kén꞉en kanónhsote tsi ní꞉ioht nʼi꞉i, iáh ó꞉ni oh thé꞉nen tehakahtshiawenhrá꞉ti kwáh nek khók tsi nonkwá ní꞉se, tiorí꞉wa tsi í꞉se tesení꞉teron; oh katíʼ ní꞉ioht tsi akkwé꞉ni tho nakátiere ne nikarihwahétken tánon akerihwanéraʼke tsi nokwá ne Rawenni꞉io?”

Genesis 39:9 ပူးပေါင်းရင်းမြစ်များ

Genesis 13:13

Néʼthó nón꞉we ne Sodom nonkwehshón꞉ʼa kwáh í꞉ken tsi ronnonkweʼtahétkens, ó꞉ni iorihowá꞉nen rotiriwáneren tsi nonkwá ne Roiá꞉ner.

Genesis 20:3

Ók kíʼ ne Rawenni꞉io atetshenhserá꞉kon tsi wahoiaʼtó꞉renʼne ne Abimelech tsi niwahsón꞉tes, tánon wahawènhahse, “Tsiheiónhsere, tiorí꞉wa neʼthó ión꞉kwe iehshiaʼténha; ó꞉nenh nenʼnéʼeh ioniá꞉kon.”

Genesis 20:6

Eʼthó꞉ne atetshenhserà꞉kon ne Rawenni꞉io tsi wahohró꞉ri, “Hen, wakaterién꞉tare kwáh iáh tesateriahsaksá꞉ton kíʼ tsi eʼthóh náhshiere; í꞉si ó꞉ni nón꞉we kwáh seʼ Í꞉i waʼtkón꞉tahste né tóhsa ahserihwanéraʼke tsi nòkwa ní꞉i. Kwáh káti iáh tekonríhwá꞉wi né iahshíe꞉na.

Genesis 20:9

Eʼthó꞉ne ne Abimelech iahoná꞉ton ne Abraham, tánon wahawènhahse, “Onh kíʼ nihskwaierá꞉se? Onh ní꞉ioht tsi wakerihwanéren tsi nokwá ní꞉se, né tsi táhshawe né teiotenonhianíhton kahnhíhtshera nakonhá꞉ke ó꞉ni nakenakerahserà꞉kon? Tsi nahskatié꞉raʼse iáh teió꞉wenk neh nakaié꞉renke.”

Genesis 24:2

NʼAbraham wahawènhahse ne kwáh thokstén꞉ha ne raohnhá꞉tshera, tsi niká꞉ien roterihwatsteríston akwé꞉kon tsi nihoientahtsherá꞉ien, “Knítshó꞉kon iahsatahtsaʼnó꞉rok,

Genesis 39:10

Eʼthó sá꞉ne tsi kwáh niaʼtewenhniserá꞉ke roriʼwanontonníhahkwe ne Só꞉se, ók iáh kiʼ tehathón꞉tatskwe nahatahónhsatate ne skátne ahiá꞉rate.

Genesis 41:40

Í꞉se enkonrihón꞉ten ne tsi wakenónhsohte, tánon kwáh ratikwé꞉kon nakonkweʼtaʼshón꞉ʼahs tsi eniesawèn꞉narahkwe tsi nenhshéhnhaʼne; nek khók ne tsi wakenontiiotsheráhere í꞉i nenʼ neʼ sénha entewakátteke tsi ní꞉ioht níse.”

Genesis 42:18

Nahsénhaton siwenhniserakéhaton ne Só꞉se wahshakawènhahse, “Kenʼ naʼsewá꞉iehr tánon kwáh entsonhnheke, aseʼkénh ritshá꞉nihs ní꞉i ne Rawenni꞉io:

2 Samuel 11:27

Shontóhetste tsi nihiotsiónhnionkwe, ne Táwit iahateriwaniéten nahontakonwahiaténhawe tsi roʼnónshoʼte, tánon ne ró꞉ne shón꞉ton, tánon wahonakerátsten roskenrakéte. Ók tsi nahá꞉iere ne Táwit iáh tehaʼwerentiʼióʼon ne Roiá꞉ner,

2 Samuel 12:13

Táwit wahawénhase ne Nathan, “Wakeriwáneren tsi nòkwah ne Roiá꞉ner.” Nathan wahawénhase ne Táwit, “Ó꞉nenh ne Roiá꞉ner shianikonrénhse ne sarihwanerahákʼtsera; ní꞉se kwáh kíʼ iáh thashí꞉heʼie.

Nehemiah 5:15

Ne thatikó꞉rakwe nohén꞉ton ní꞉i thóh rotí꞉ien ne iorieniátste rononhà꞉ke nonkweshón꞉as, tánon washakotinatarákwa ó꞉ni nonenharákeri, tséskate ne kaié꞉ri niwáhsen nikakontserá꞉kes kawistará꞉kens; ne raonhatserashón꞉as kwáh ó꞉ni rotishatstenhseraién꞉takwe tsi nokwáh nonkweʼshón꞉as, ók iáh ní꞉i thóh tewatié꞉ren tiorì꞉wa tsi ritsá꞉nis ne Rawenni꞉io.

Nehemiah 6:11

Ók tsi niwaton, “Teiotonhontsohon ken ne rón꞉kwe tsi ní꞉ioht ní꞉i nahateko? Tánon teiotonhontsohon ken ne rón꞉kwe tsi ní꞉ioht ní꞉i niahatawehiá꞉te nonnonsató꞉kentikowane nahanónstahte tsi rón꞉nhene? Kwáh kíʼiáh tiá꞉katahwehiate!”

Job Tánon ne Raoronhiakensera 31:23

Waʼkteronhkwén꞉nis natkaronhniá꞉tsera; ók ne tiorì꞉wa tsi thontahá꞉taʼne nahontahakatiaʼtón꞉ti kwáh kí iáh tatkwé꞉ni niakatashón꞉teren.

Psalms 51:4

Waʼkerihwáneren tsi nòkwah ní꞉se, tánon kariwák꞉sen tsi niwaʼkatiéren ne sahénton, tesèhrits nó꞉nen enskénhase, saníkon tsi watestsiatórete tkariwaʼiéri tsi ní꞉ioht tsi wasetréwaʼte.

Exodus 20:14

“Tó꞉sa satenakwaʼiésat.

Proverbs 6:29

Ne ká꞉ti shaʼteiótteron skátne aietsà꞉rate akó꞉ren ró꞉ne. Ónhka ká꞉ti tho nenhátiere wé꞉so tsi enharonhià꞉ken.

Proverbs 6:32

Tókaʼ ká꞉ti ne rón꞉kwe enhatenahkwaié꞉sahteʼ ne kén꞉ton iáh tehoʼnikòn꞉ra. Kwáh nek ne enhatatkarón꞉ni tsi rónhnhe.

Ecclesiastes 7:26

Waketʼtsénri knahótenk sénha ionikonhráksat tsi ní꞉ioht ne kenhéion—né iónhkwe né thóh nihiónnhothe tsi ní꞉ioht ne waterísthaien. Né kanoronhkwáhtshera thiʼsáwis kwáh thóh ní꞉ioht tsi ensahiéna tsi ní꞉ioht ne ahá꞉re, tánon ne kanenhtsáke ne tesahwahnákʼthon thóh ní꞉ioht tsi ensahiéna tsi ní꞉ioht noronhkwása. Né rónhkwe ne thonikonhraiérits ne Rawenni꞉io enhakwéni nahatèko, ók kíʼ enhiakohiéna nenènhʼne ne rotiriwáhneren.

Jeremiah 28:16

Tánon káti ne Roiá꞉ner ráton tsi ahéren enhiaiatenháwiʼthe. Nohénton ne iahonthosehró꞉ten kíʼ iosehráhthe enshíheʼie tsioríhwa tsi waʼtshióʼtatʼtshe ne Roiá꞉ner.”

Jeremiah 50:7

Kwáh tsi nihiákonh ne enhonwahtiʼhiatatʼtsénhri tsi iahonwahnahtsatónti. Ne tehontátʼtions wahonníronh, ‘Kwáh iakwahtaʼtewenhní꞉io ne iahiakihiatsiatónti, asèken rotiriwáhneren tsi nòkwah ne Roiá꞉ner, káti tsi nahakwáhiere iáh kíʼ thaʼtehionkwahteriéntawehre. Ne sakothisotʼthonkonhkénʼen tonwethá꞉kwenʼne ne Roiá꞉ner, tánon ronónha ó꞉ni tehiothonhontsiohónʼne nahonahteriwatoʼkénston ne rahonháke.’

Leviticus 20:10

Tó꞉ka ne rónhkwe enhatenakwahiésaʼte né꞉ne Israerʼró꞉non ró꞉ne, rahónha ó꞉ni ne iónhkwe tsi enhonwatinonhwariákon.

Leviticus 6:2

Ónenk tsi enhionhníhake niahontkáwen tó꞉ka ónhkak tsi nítsion wesewarihwánerahke tsi nòkwah ne Roiá꞉ner né tsi wesewaterahiáthaʼkwe niahontsisewáhaʼke tsi nahó꞉ten ne óia Israerʼró꞉non thóh rothakweniáien tó꞉ka ó꞉ni knahó꞉tenk waʼtsisewanénsko tó꞉ka ó꞉ni watsisewanikonhráhten

Numbers 32:23

Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Luke 12:48

Kenh kaien ne iah tohonikonraienteri, tanon neh kenh niiehoieren tsinahoten ne teiotenstson nahonȣareȣate, karoki tanon nehne tsi nenhonȣanonȣareke: Aseken onka eso enhonȣaȣi, esoki enshonȣariȣanontonse: oni nisinonȣe tsi nenhonȣatakȣennia ienni ihsiki nonȣe nenshonȣariȣanontonse.

1 Corinthians 4:2

Énskat tsi nahóten kariwahnóntons tsi nòkwah nètho kanhátsheras né꞉ne ahotiriwahtokénhake tsi nòkwah ne rahiatakweʼní꞉io.

Titus 2:10

Tó꞉sa ó꞉ni ne thènen ahonwahtinénsko. Kék, teiotonwentióʼon nahonnéhneste tsi tiókonte tionkwetaiéris ó꞉ni rohtirihwahtó꞉ken, ne nahontakáhawe nahioiénawahse ne karihonniennítshera tsi nòkwa ne Rawenni꞉io Sonkwahiatákwas kwá tsi nahóten thènen nahʼhóntiere.

Hebrews 13:4

Ne kaniá꞉tshera kwáh onhkweʼtakwé꞉kon tsi teiotonwentióʼon naʼieriwahkweniénstake, tánon ne rotiniátʼkons ó꞉ni ne iotiniákons ioteriwíson ne ahotirihwahtokénhake tsi naʼtehónteron. Rawenni꞉io enshakoréwahte nónka ne ieweienʼnáksen ó꞉ni ónhka ne iontenakwaiesátha.

1 Sawátis 3:9

Tsi niʼiákon ne Rawenni꞉io sakohiohokónha iáh tiesontasóntera nahonsahatiriwánerake, ne Rawenni꞉io kwá sahoiérat tsi ratikwékon; tánon neh tsi Rawenni꞉io ronwaníha, iáh tahatikwéni niahontasónteren nahonsahatiriwánerake.

Revelation 21:8

Ók ne roʼnát꞉tsens, ne iáh teotí꞉ien ne tewetá꞉kwen, ne teotihiatátions, ne sakonaséh꞉thas, ne roʼthí꞉teha, ne rontahenná꞉ras, ne rontenakwaiesáthas, tánon ratikwé꞉kon ne rotinhó꞉wenhs, ne raotinák꞉tes kwáh thóh nón꞉we tsi kaniatá꞉re ne iotékhas nótsire ó꞉ni iontenatentástha, ne né꞉tho ne tekeníhaton kenhé꞉iat.”

Revelation 22:15

Akste ne kanaʼtó꞉wanenhke thóh ronhnes érhar tánon rontenhenhná꞉ras tánon ne tihó꞉thiteha tánon sakoná꞉sehthas tánon ne rontená꞉kwahiesathas, tánon tsi niiakon ne ienón꞉wes ó꞉ni ne ahiakoioten nonhó꞉nenhs.