Genesis 39:5 - Ohiatonhseratokénti

⁵ Kwáh tsi nikahá꞉wi Só꞉se wahorihón꞉ten nahatenʼnikón꞉raren tsi ronónhsote tánon akwé꞉kon ne raowenhshón꞉ʼa, ne Roiá꞉ner wahoiaʼtaté꞉rihste ne Egyptró꞉non ne ne Só꞉se raorihwá꞉ke; tsi wahaiaʼtaté꞉rihste ne Roiá꞉ner ne ne akwé꞉kon tsi nahotén꞉shonʼs roientahtsherá꞉ien.

Genesis 39:5 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 19:29

Tánon thóh kíʼ niiawèn꞉en nó꞉nen ne Rawenni꞉io shaháhtonʼte ne kanatowá꞉nenʼskwe naonhráhkwakon nón꞉we nikén꞉ne, ne Rawenni꞉io rawehiá꞉rahkwe Abraham tánon wahoiaʼtínekenhwe ne Lot nahaʼniá꞉kenʼne tsi nokwá ne karihwaiesáhtshera, nó꞉nen ne Rawenni꞉io shaháhtonʼte ne kanatowá꞉nenʼskwe, tsi nón꞉we nihanákerehkwe ne Lot.

Genesis 30:27

Ók ne Laban wahawènhahse, “Tóka enskeríhon nakí꞉ron, wakerihwatshénrion tsi naʼtewakatkónhston nétho Roiá꞉ner ratiaʼtateríhston ne tsi í꞉se iorihonní꞉ʼon.

Psalms 21:6

Né saiathateríhtsera nikwékon tsi nénhwe enkénhake; tánon ne tsi senikwé꞉kon ne aoríhwa rotsenhnónhni.

Psalms 72:17

Wakaterénhnaien ne ronnonhtí꞉io raosénhna tsi nénhwe akátake, tsi nihasenhnowánen thóh nakarihwéshonke aʼkathátseke tsi kíʼ ní꞉ioht ne karákwah. Wakaterénhnaien akahontsakwékon ahonwarihwaʼnónhtonhse ne Rawenni꞉io nasakohiatatériste tsi kíʼ nihohiatateríston ne ronnonhtí꞉io; wakaterénhnaien onhkwetaʼkwékon ne ahiontrohriá꞉thake ne raotsenhnonhniátshera.

Acts 27:24

tánon wahénron, ‘Thó꞉sa sáteron, Kór! Ónen tsi rahohénton iatenstá꞉ne ne Rakora. Tánon ne Rawenni꞉io tsi nithoriwaiéri ne sonháke kwáh rathikwékon wasakoniákente tsi niháti ne skátʼke sewatʼtsirótatse.’

Ephesians 1:3

Ánion thetsitewanonweráton ne Rawení꞉io ó꞉ni rahónha ne kanísera ne sonkwaiáner Ié꞉sos Kerístos! Ne tsi tehionkwateriwasóntere ne Kerístos sonkwahiatateríston neh tsi nitesonkwáʼwi noriwakwékon ne kariwiʼiostóntsera ahohiataterítsera ne karonhiáke tiohontsáte.