Genesis 39:17 - Ohiatonhseratokénti

¹⁷ tánon kwáh tho ní꞉ioht tsi sahokaratón꞉hahse, watónnions, “Thí꞉ken Hebrew rahnhá꞉tshera, tsi niká꞉ien ne kén꞉ʼen tetshiaʼténha ne tsi tewanákere, tahataweiáhstahkwe ne nahakeʼnikonhrakaré꞉wahte;

Genesis 39:17 ပူးပေါင်းရင်းမြစ်များ

Genesis 39:14

iaʼakó꞉nonke ne ronnón꞉kwe aohnhaʼtsheraʼó꞉konʼs tánon waʼakawènhahse, “Sewatkáhtho kí꞉ken! Teiakení꞉teron thoiaʼténha kí꞉ken Hebrew ne kén꞉ʼen kanónhskon nahshonkwaʼnikonhrakaré꞉wahte! Kén꞉ʼen tahataweiáhstahkwe ne ne skátne aiatiá꞉rate, tánon kí tsi niiorakaré꞉ni waʼtewakhén꞉rehte;

Genesis 39:16

Eʼthó꞉ne ontiénawahste ne raó꞉khare tsi niió꞉re ne róhnhaʼs sá꞉rawe,

Genesis 39:18

ók kwáh tsi niiostó꞉reh waʼtewakkhén꞉rehte, tiaʼtákta wahó꞉ti ne raotsherónnia, tánon átste nionsahatákhe.”

1 Kings 18:17

Nónen ne Ahab sahó꞉ken ne Elijah, wahénron, “Káti kwáh í꞉se íken—íh꞉se thiʼsonháha testsirónhnis Nisraerʼró꞉nonke!”

Psalms 37:14

Ne ronhnonkwetaʼhét꞉kens rahtihweiennénthas ne rahonáshares tánon ronsherihiethotároks ne rahonahénnas né nashakonawéntʼtho ne iakóthens ó꞉ni ne teiotʼkárias, né nashakonahwéntʼtho tsi niháti né nón꞉we nihiakothahí꞉take ne tkariwahiéri;

Psalms 55:3

né tsi nihonattsarokwáhton ne iónkʼshons, tsioríhwa tsi nihionkeronhiakéntha ne ionkwetahét꞉kens. Asèken ne thatíhas ne thènen tahonkenikonhrá꞉ren, né waʼhatirihwaʼkwénienste ne kaswénhtsera nahionkatkónten.

Exodus 20:16

“Tó꞉sa satshokenhtónni nasanowénhten nakóren aiontʼkaronhni.

Exodus 23:1

“Tó꞉sa tesateriwaréniaʼt nonówenhs, tánon tó꞉sa shieʼiénawas ne roʼtiníkon tóhsa sanówen nahontateriwiʼiósten.

Proverbs 12:19

Onó꞉wen kenʼniionhnhésha, nok ne tkarihwaié꞉ri enionhnheʼón꞉we nen né꞉ʼe.

Proverbs 19:5

Tókaʼ enhsanó꞉wenhte tsi ieiaʼtorehtáhkhwa, eniesahré꞉wahte—iáh thahseʼniá꞉kenʼne.

Proverbs 19:9

Iáh ónhka ne ionnowenhtánions tsi ieiaʼtorehtáhkhwa thaieʼniá꞉kenʼne naiontré꞉wahte; rothrewáhton.

Proverbs 26:28

Ó꞉nenk tsi enhshehswénhsheke ónhka í꞉sehre atskaré꞉wahte tsi sanowenhtánions. Owennaʼshón꞉ʼa áhsatste ne iáh tho té꞉ioht ne tkáhas naiakokarón꞉ni.

Matthew 26:65

Ethone ne Ratsihenstoȣanen ȣaharatsionko ne raotseronnia nok ȣahenron: ȣahateȣennaiesate, nahoten taonsaionkȣatonȣentsionitakȣake ne Temoins, akȣa nonȣa ise seȣathonte ȣahateȣennaiesate; nahoten kati enseȣenren?