Genesis 38:29 - Ohiatonhseratokénti

²⁹ Ók kwáh eʼthó꞉ne tontahanentshatihénthoh, tánon tahaiá꞉kenʼne ne iatateʼkén꞉ʼa; tánon waʼkén꞉ron, “Keniéntshia tsi naʼtontahsohtkaʼwe sonháʼak!” Sók kíʼ Perez wahonwahsèn꞉non.

Genesis 38:29 ပူးပေါင်းရင်းမြစ်များ

Genesis 38:28

Tsi nikarí꞉wes ioronhiá꞉kenhkweʼ, shaiá꞉taʼk ne raksá꞉ʼa rahtsaʼnà꞉ke takaià꞉kenʼne; ne watshnié꞉nonʼs waʼkaié꞉na tánon onekwènhtara niwahseriieʼtó꞉ten waʼkahwatá꞉se ne rahtsaʼnà꞉ke, watónnions, “Ne kí꞉ken tahatié꞉renhte tahaiá꞉kenʼne.”

Genesis 46:12

Ne Judah raonekenhteronʼtsheraʼshón꞉ʼahs: ne ne Er, Onan, Shelah, Perez, tánon ne Zerah (ók ne Er, tánon ne Onan tsi watonhontsá꞉ien ne Canaan nón꞉we nihonenhé꞉ion); tánon ne raonekenhteronʼtsheraʼshón꞉ʼahs ne Perez ne ne Hezron tánon ne Hamul.

1 Chronicles 2:4

Né sakahonháf꞉fa Tamar ró꞉nonha nónh꞉ne wahonwanákeratsʼte ne Perez ó꞉ni ne Zerah. Né Judah wísk niháti norihwakekon rowiraienhtáhon.

1 Chronicles 9:4

690 Nihatiwatsirákesʼkwe ne Judahró꞉nons ratinákerehkwe ne Jerusalem nón꞉we. Tsi rawatsiratátie ne Judah roiénha né꞉ne Perez né rohentenhséhaʼkwe né꞉ne Uthai, né꞉ne roʼníha ne Ammihud tánon né roterehakwe ne Omri. Nó꞉ia sakosok kénʼen né꞉ne Imri tánon ne Bani. Tsi niehotwatsiríhnon ne Judah roiénha Shelah né꞉ne Asaiah nénhʼe rohentenhséhaʼkwe, rahónha nonónhtsi kénʼne tsi rawatsiraiénthaʼkwe. Tsi niehotwatsiríhnon ne Judah roiénha Zerah Jeuel né rohentenhséhaʼkwe.

Nehemiah 11:4

Tánon otià꞉kes ne sakoioʼokón꞉as ne Judah tánon notià꞉kes ne sakoioʼokón꞉as Benjamin thóh ratinákere Jerusalem. Ne sakoioʼokón꞉as ne Judah né꞉ne: Atanaiah, né꞉ne roʼiénha ne Uzziah, né꞉ne roʼní꞉ha ne Zechariah, né꞉ne roʼní꞉ha ne Amariah, né꞉ne roʼiénha ne Shephatiah, né꞉ne roʼiénha ne Mahalalel ne sakoioʼokón꞉as ne Perez.

Nehemiah 11:6

Ratikwé꞉kon ne sakoioʼokón꞉as ne Perez, thóh ratinákerehkwe Jerusalem né꞉ne kaié꞉ri tewenhniáwe tánon iáh-iak niwáhsen-shaʼté꞉kon nihá꞉ti ronhnón꞉kwe né꞉ne rontatsinástha.

Matthew 1:3

Juda roienha ne Phares oni ne Zara Thamar roteȣe-tonni; Phares roienha nʼEsron, Esron roienha nʼAram.

Luke 3:33

Aminadab roienha, Aram roienha, Esrom roienha, Phares roienha, Juda roienha.

Ruth 4:12

Aiá꞉wens káti kí꞉ken kennitiaʼkoiénha Roiá꞉ner aontahsakotenniéhten ratiksaʼokón꞉ʼa eh tho náiohton ne sahwá꞉tsire tsi ní꞉ioht ne nihatihwatsirò꞉ten ne Perez, ronwaién꞉ʼa ne Judah tánon Tamar.”