Genesis 38:2 - Ohiatonhseratokénti

² Thóh nón꞉we ne Judah waʼthiaʼtátken ne nitioión꞉ha tsonthonwí꞉sen ne ne Canaanró꞉non naʼkaiaʼtó꞉ten tánon ne roʼnihkénhen ne ne Shua ronwá꞉iatskwe. Wahotíniake.

Genesis 38:2 ပူးပေါင်းရင်းမြစ်များ

Genesis 24:3

tánon kwáh enkoniónnien nahsehrihwahní꞉rate raohén꞉ton ne Roiá꞉ner, ne ne Rawenni꞉io ne tsi karonhiá꞉te tánon ne tsi ionhwenhtsá꞉te, tsi iáh thatshenahkwatshénriaʼse ne riʼiénha ne thóh niáhse tsi kontí꞉teron né Canaanró꞉non, raotiiaʼtaseʼtsheraʼshón꞉ʼa, tsi niká꞉ien né skátne iakwanákere,

Genesis 28:1

Eʼthó꞉ne NʼIsaac iahó꞉nonke ne Jacob tánon wahoiaʼtaté꞉rihste, tánon wahohtshiawèn꞉rátshe, “Iáh ne skaià꞉ta thaeseníniake ne Canaanró꞉non konnón꞉kwe.

Genesis 3:6

Káti nó꞉nen ne ión꞉kwe ontkáhtho tsi niiorontanehrákwaht, tánon ó꞉ni ónhte wáhi tsi niwahiákon naiòn꞉iake ne aʼohik, tánon onnonhtónnionhwe ónhte wáhi tsi niionehrákwaht naiakoʼnikonhrowáhna. Sók kiʼonhianiiontá꞉ko tánon ón꞉iake. Tánon ó꞉ni wahó꞉ianonte ne ró꞉ne, ók wahá꞉iake.

Genesis 34:2

Ne Hamor ne roièn꞉ʼa ne Shechem ne ne Hivró꞉non, ráonha roterihón꞉tahkwe neh nón꞉we niiohontsá꞉ien, wahshakó꞉ken, iahshakoiaʼténhawe tánon thontahshakonónhtonʼse skátne wahiá꞉rate.

Genesis 46:12

Ne Judah raonekenhteronʼtsheraʼshón꞉ʼahs: ne ne Er, Onan, Shelah, Perez, tánon ne Zerah (ók ne Er, tánon ne Onan tsi watonhontsá꞉ien ne Canaan nón꞉we nihonenhé꞉ion); tánon ne raonekenhteronʼtsheraʼshón꞉ʼahs ne Perez ne ne Hezron tánon ne Hamul.

Genesis 6:2

ne ratironhiaʼkehró꞉nons waʼkonwatí꞉ken kí ken nitiotiión꞉sa tsi nikontkahthohtsherí꞉ios; iaʼkonwatiiáʼténhawe tsi niká꞉ienʼs ne waʼkonwatinón꞉weʼne.

Genesis 6:4

Neʼthó sontakahá꞉wis tánon sénha nohnaʼkèn꞉ke, ratikkowá꞉nensʼkwe ratiʼterón꞉tahkwe nonhwentsá꞉ke, thó꞉non nithonathwatsirí꞉non né꞉ne ón꞉kwe kén꞉ne ne tsonathonwí꞉senʼs tánon ne rathironhiaʼkehró꞉nons. Né꞉ne kwáh rontatshináhstahkwe kén꞉ne ó꞉ni ratishennowanénʼne ne wahónnise tsi náhe tkén꞉ne.

2 Samuel 11:2

Thóh neh kíʼ eʼnahá꞉wenhne ne shiʼiokárah iotohetstenʼnénhtie, nó꞉nenh ne Táwit shathátane ne raonitskwára ne wanitskwará꞉tseres tánon waʼhatentiónko thóh ne raoronhkweʼná꞉kes ne ronnontí꞉io tsi rononshó꞉te, éhʼtho karonhkweʼnáke ehʼtá꞉ke iahatkátho tánon tsiontonwísen wahá꞉ken watá꞉wenhs; ne tsiotonhwísen kwáh í꞉ken tsi watkathotserí꞉io.

1 Chronicles 2:3

Né raoʼnekenhteronhtsheraʼsónhas né Judah né꞉ne Er, Onan, tánon ne Shelah; kíʼ áhsen nihá꞉tiʼkwe né꞉ne Bathshua skát꞉ke rotiwiraientáhon né꞉ne Canaanró꞉non nakaiatótenhne, ki Er né꞉ne Judah thakowánen roiénha, thóh niió꞉re tsi ronhkwetahetʼkénthaʼkwe ne Roiá꞉ner wahononhwariákon.

Numbers 26:19

Tsi ratiʼtiókwahien ne Judah: ne rahotitáras né꞉ne Shelah, Perez, Zerah, Hezron, tánon ne Hamul. (Né tenihiáse ne Judah rahonekenteronhtsherasónhas, Er tánon ne Onan, tsi tiohóntsaien ne Canaan nónhwe nihawenhéion.)

2 Corinthians 6:14

É꞉ren ísewet tsi nón꞉we nihón꞉nes ne iáh tethonehtáhkwen tsi nihaweiennò꞉ten ne Rawenni꞉io! Enwá꞉ton kenʼ ne tiakonkweʼtaié꞉ri skátne ahonné꞉sheke ne ronnonkweʼtáksens? Né꞉ʼe kenʼ shá꞉ka ne teioswáthe tánon tetióʼkaras?

Judges 14:2

Shionsárahwe waʼsakoróri ne ronhwaiénha, “Iakónhkwe Philistiaró꞉non wakhèken ne Timnah nónhwe. Iahitsínonk nakerihwáke; tewakathonhontsóni nahionhkeniʼniáke.”

Judges 16:1

Énska wenhniseráthekwe ne Samson rahotináthakon ne Philistiaró꞉nons ne Gaza nónhwe niahá꞉re, thóh nónhwe iorihwahiathatónhon iathiatátken tánon skát꞉ke wahiárathe.