Genesis 38:14 - Ohiatonhseratokénti

¹⁴ waʼkaríhsi ne iakotehreʼónhskon akotsherónnia, tánon ontaʼaró꞉roke, waʼtewatatʼwawenʼékhon, tánon tho ohwahákta óntien ne tsi iotenʼenhraká꞉ronte ne Enaim, ne ne tsi nieiothahí꞉non ne Timnah. Aseʼkénh ontkáhtho nétho Shelah tsi ó꞉nen rotehiá꞉ron, ók iáh kíʼ á꞉reʼkho tekonwarihwá꞉wi ne ráonha ahotíniake.

Genesis 38:14 ပူးပေါင်းရင်းမြစ်များ

Genesis 24:65

tánon wahonwariʼwanón꞉tonhse ne Abraham raohnhá꞉tsera, “Ónka thí꞉ken rón꞉kwe kahentà꞉ké nontahottakwarihshiatonhátie tsi nón꞉we níteweʼs?” “Ne ne riioʼténhse,” waʼtarihwaʼserá꞉ko ne rahnhá꞉tshera. Sók kíʼ waʼontaʼarò꞉roke.

Genesis 38:15

Nó꞉nen ne Judah shahá꞉ken, tsi waʼhanonhtónnionʼse wathonwisenʼtsheráksen nenʼneʼeh naʼkaiaʼtó꞉ten, aseʼkénh iotaʼaró꞉ronhkwe.

Genesis 38:19

Eʼthó꞉ne tonsaká꞉taʼne tánon tsi tionónhsote nionsá꞉we, ontaʼarohróksi ne sontsherónniaʼte né watshonʼnionhkwá꞉tha.

Genesis 38:26

Eʼthó꞉ne ó꞉nen ne Judah sahshakoièn꞉tereʼne tánon wahén꞉ron, “Kwáh sénha í꞉siʼ nón꞉we tsi nitkaié꞉rits tsi ní꞉i ní꞉ioht, tiorí꞉wa tsi onkerihwanó꞉ron tsi niwakaterihwaièn꞉ni tsi nokwá náonha, aowenhkénhen iahiiatká꞉wen ne riién꞉ʼa Shelah ahotiniá꞉kon.” Tánon iáh kíʼ shé꞉kon skátne teshonará꞉ton.

Proverbs 7:10

Eʼthó nontá꞉we waʼthiatátken, iotatkwatákwen tsi ní꞉ioht ne waʼthonwisenʼtsheráksen tánon ioteʼnikonhronnihátie.

Proverbs 7:12

tókaʼ tsi tekaiosaien sewatié꞉ren ó꞉ni tsi iontkehrontáhkhwa tiohrhá꞉re.

Jeremiah 3:2

Iaskenhénhion nonhothoharahkésons. Iáh kén kahnèka tehiokwénrahre kanónhwe ne étho ní꞉ioht tsi ahishatoriáneronke tsi ní꞉ioht ne iorihwahiatahtónʼon? Ohwahátʼtah wahshateráhrate nahsaskahrónni, tsi ní꞉ioht ne Arab teshakonenhrahiénnis ne kahráhkon nahshakonikonhráhten. Wahteshathonhontsiáʼshonste ne tsi nisharihwahiathathónʼon.

Ezekiel 16:25

Waʼtesehnahwasthóhienthe ne shonkwethihiótshera. Iashatatiáthate ne kwáh tsík ónhka iakothohesthonhátie, tánon iaʼtewenhniseráhke ónenh sénha wahsehriwahiatháton.