Genesis 37:9 - Ohiatonhseratokénti

⁹ Shé꞉kon ó꞉ia sahotétshén꞉én, tánon sahshakohró꞉ri ne rontatekoʼokón꞉ʼa, ratónnions, “Sewatkáhtho, shé꞉kon ó꞉ia sonkatétshen: ne karáhkwa, nahsonthenhnékha karáhkwa, tánon énskat iawén꞉re nikatsistóhkwake kwáh teionatshá꞉kton nakhén꞉ton.”

Genesis 37:9 ပူးပေါင်းရင်းမြစ်များ

Genesis 20:3

Ók kíʼ ne Rawenni꞉io atetshenhserá꞉kon tsi wahoiaʼtó꞉renʼne ne Abimelech tsi niwahsón꞉tes, tánon wahawènhahse, “Tsiheiónhsere, tiorí꞉wa neʼthó ión꞉kwe iehshiaʼténha; ó꞉nenh nenʼnéʼeh ioniá꞉kon.”

Genesis 37:10

Ók kíʼ nó꞉nen shahohró꞉ri ne roʼníha tánon ne rontateʼkoʼokón꞉ʼa, ne roʼníha wahotewennaièn꞉tonhwe, tánon wahawènhahse, “Onh niwatetshenhsehró꞉ten kí: ken wesatétshen? Kwáh ónhte kenʼ entiákwe, Ní꞉i tánon ne saʼnisténha tánon ne sewatateʼkoʼokón꞉ʼahs, tánon taiakwatshá꞉kete onhwentsà꞉ke ne sahén꞉ton?”

Genesis 37:7

Tewakwé꞉kon kahentà꞉ke iteweʼskwe, tewentstohkwanerénkhonhskwe ne kanaʼtsiiá꞉kon. Thontaiawénhstsi nakitstóhkwa ontkétsko tánon kwáh onttakwaríhshion; eʼthó꞉ne ní꞉se sewentstóhkwaʼs waʼtkonwatà꞉senhte tsi waʼkonteró꞉roke tsi nón꞉we ní꞉kate nakitstóhkwa, tánon waʼtkonwatentshóthahse nakitstóhkwa.”

Genesis 37:8

Né rontateʼkoʼokón꞉ʼa wahonwènhahse, “Sanonhtónnions ónhteʼ kenh ahsatenontí꞉iohste? Tánon ahskwaianerenhserónnien?” Ó꞉nen kiʼ sénha wahonwáhswen tiorí꞉wa tsi nahó꞉ten rotetshén꞉en tánon tsi nahó꞉ten wahshakohró꞉ri tsi nihotetshén꞉ʼen.

Genesis 41:25

Eʼthó꞉ne ne Só꞉se wahawènhahse ne Pharaoh, “Ne Pharaoh raotetshénsera tetsá꞉ron ne shá꞉ka tsi nikén꞉tons; Rawenni꞉io wahorihotáhshien ne Pharaoh tsi nenhá꞉iere.

Genesis 41:32

Tánon tsi naʼtekahná꞉ne ne Pharaoh raotetshènhsera kenʼ kiʼ nikén꞉tons nétho naʼkarihó꞉ten tsi Rawenni꞉io tho nihokwatákwen, tánon ne Rawenni꞉io kwáh iostó꞉re tho nenhá꞉iere.

Genesis 42:6

Nón꞉wa ne Só꞉se ráonha rakó꞉ra kén꞉ne ohontsakwé꞉kon ne Egypt; ráonha shakotenatsahninón꞉se ratikwé꞉kon nonkweʼshón꞉ʼahs ne tsi ionhontsá꞉ien. Tánon ne Só꞉se rontateʼkenokón꞉ʼahs tahón꞉ne tánon waʼthonwatentshóthaʼse ne raohén꞉ton tshiehatikònhsote nonhontsà꞉ke.

Genesis 43:26

Nó꞉nen sonsá꞉rawe ne Só꞉se, tahón꞉ion natatawíhtshera ne thotiion꞉ton kanónhskon, tánon iaʼthonhtshá꞉kete nonhontsà꞉ke ne raohén꞉ton.

Genesis 43:28

Waʼthatirihwaʼserá꞉ko, “Ne sahnhá꞉tshera shakwaʼníha rotaʼkarí꞉te; shé꞉kon nihrónhnhe.” Tánon waʼthontentshó꞉ten tánon waʼthontshá꞉kete.

Genesis 44:14

Judah tánon ne rontateʼkoʼoʼkón꞉ʼahs Só꞉se tsi thonónhsote nontahón꞉ne shé꞉kon eʼthó sihenʼterón꞉tahkwe; tánon ohontsà꞉ke wahatiiaʼtaièn꞉taʼne ne raohén꞉ton.

Genesis 44:19

Ne atiá꞉nehr wahshakoriʼwanón꞉tonhse ne raohnhá꞉tsheraʼs, ratónnions, ‘Shaʼníhshen kenh khehs naesatateʼkenʼshén꞉take?’

Genesis 45:9

Tesewasteríhen rakeʼnihnéha nionsásewe tánon etshisewahró꞉ri, ‘Kenʼ nahó꞉ten rá꞉ton ne etshién꞉ʼa Só꞉se, Rawenni꞉io wahakónnien nakkó꞉rake (ohontsakwé꞉kon) ne Egypt; kwáh tóhsa oh thé꞉nen satenʼnískwaht kenh nontá꞉se.

Genesis 46:29

ne Só꞉se wahshakóhnhaʼne ne raohnhaʼtsheraʼó꞉kon nakonwatiiaʼtaniión꞉ten ne kohsá꞉tenʼs ne tékeni teiokahkwèn꞉tonte oʼtsónhkwa tánon ne wahohonwí꞉sere ne iaʼtahiatátken ne roʼníha Israel ne Goshen nón꞉we. Ne shiaʼthiatátken, ne Só꞉se iahohniá꞉sa ne roʼníha tánon kwáh karí꞉wes waʼthahséntho.

Genesis 47:12

Tánon ne Só꞉se tahotká꞉wen ne roʼníha, ó꞉ni ne rontateʼkoʼokón꞉ʼa ne kákhwa, tánon ratikwé꞉kon ne roʼníha raonónhskon ratí꞉teron, tekaiaʼtoréhton ó꞉ni tsi naʼtahonatonhontsó꞉nike ne ratiksaʼokón꞉ʼa.

Daniel 8:10

Kwáh iaʼtekaié꞉ri tsi wakasátsteʼne né iaiaʼkotiaʼtón꞉ti ne Rawenni꞉io raonhatsheraʼó꞉kon ne karonhiaʼkékha ó꞉ni né kwáh tsi ioʼtsistóhkwarónnion tánon ó꞉tiaʼke watiakaʼonhontsó꞉ienhte tánon waʼtiakohskwaʼserónkwahte.

Numbers 12:6

tánon ne Roiá꞉ner wahénron, “Ónen tsathahónshaʼtat tsi nahó꞉ten enkíron! Nónen ne rotitokénhse skát꞉ke ísehwes, tsi khehiatotashiénhnis ateʼtshenhserákon tánon rahonatetshenhserákons tsi khetaránis.

Philippians 2:15

Neh enkarihón꞉ni ensewariwathokénhake tánon ne ensewatenaʼthónkwen iáh othènen tehothinhíkon ne Rawenni꞉io sakoienʼokónha, Neh skátne sewanákere ne tehonatsiákʼton tánon rathiweniennákʼsens, nók tóhsa khiʼthènen neh saióhten onh nahiawénʼne ne ahathikweni nahonníron thesaterientawénries. Sateniénten éhʼtho ní꞉ioht tsi tesaswhátʼtek nonkwéne tsi ní꞉ioht ne kén ronʼnonwentsiakerónon,