Genesis 37:7 - Ohiatonhseratokénti

⁷ Tewakwé꞉kon kahentà꞉ke iteweʼskwe, tewentstohkwanerénkhonhskwe ne kanaʼtsiiá꞉kon. Thontaiawénhstsi nakitstóhkwa ontkétsko tánon kwáh onttakwaríhshion; eʼthó꞉ne ní꞉se sewentstóhkwaʼs waʼtkonwatà꞉senhte tsi waʼkonteró꞉roke tsi nón꞉we ní꞉kate nakitstóhkwa, tánon waʼtkonwatentshóthahse nakitstóhkwa.”

Genesis 37:7 ပူးပေါင်းရင်းမြစ်များ

Genesis 27:29

Aiá꞉wens nonkwehshón꞉ʼa aiesaióʼtenhse, ó꞉ni nonhkwehshón꞉ʼa taiesatentshóthahse. Sheiatiaʼtakweʼní꞉ohst tsi nokwá ne sewatatekenʼokʼón꞉ʼa, tánon aiá꞉wenʼs né saʼnisténha akoioʼokón꞉ʼa taiesatentshóthahse. Ónhka akénhake naionhskanéksheke wahétken tsi naesaia꞉tawen eʼthó꞉ne kíʼ enhihré꞉wahte tánon rotiiaʼtaté꞉rihsts nónhka aiesaiaʼtaté꞉rihste!”

Genesis 37:6

Wahshakawènhahse, “Sewatahónhsatat kí꞉ken atetshénhsera ne onkatétshen.

Genesis 42:6

Nón꞉wa ne Só꞉se ráonha rakó꞉ra kén꞉ne ohontsakwé꞉kon ne Egypt; ráonha shakotenatsahninón꞉se ratikwé꞉kon nonkweʼshón꞉ʼahs ne tsi ionhontsá꞉ien. Tánon ne Só꞉se rontateʼkenokón꞉ʼahs tahón꞉ne tánon waʼthonwatentshóthaʼse ne raohén꞉ton tshiehatikònhsote nonhontsà꞉ke.

Genesis 42:9

Ne Só꞉se kwáh ó꞉ni Sahrehiá꞉raʼne tsi ní꞉ioht tsi shakotetshén꞉ʼen. Tánon wahshakawènhahse, “Sewaterihwató꞉rats; tésewe naesewariʼwíhsake tókaʼ kenh nontionhóntsa iáh tewatenʼnikonhrará꞉ton!”

Genesis 43:26

Nó꞉nen sonsá꞉rawe ne Só꞉se, tahón꞉ion natatawíhtshera ne thotiion꞉ton kanónhskon, tánon iaʼthonhtshá꞉kete nonhontsà꞉ke ne raohén꞉ton.

Genesis 43:28

Waʼthatirihwaʼserá꞉ko, “Ne sahnhá꞉tshera shakwaʼníha rotaʼkarí꞉te; shé꞉kon nihrónhnhe.” Tánon waʼthontentshó꞉ten tánon waʼthontshá꞉kete.

Genesis 44:14

Judah tánon ne rontateʼkoʼoʼkón꞉ʼahs Só꞉se tsi thonónhsote nontahón꞉ne shé꞉kon eʼthó sihenʼterón꞉tahkwe; tánon ohontsà꞉ke wahatiiaʼtaièn꞉taʼne ne raohén꞉ton.

Genesis 44:18

Eʼthó꞉ne ne Judah raiaʼtakta ne Só꞉se niahá꞉re tánon wahén꞉ron, “Oh atiá꞉nehr, tsheríhon ne sanhá꞉tshera ahsathontátsheke taetenihthá꞉ren, tánon tóhsa tshenà꞉kwaʼs ne sahnhá꞉tshera; aseʼkénh ní꞉se kwáh ne ne Pharaoh teskaierón꞉tare.

Genesis 44:19

Ne atiá꞉nehr wahshakoriʼwanón꞉tonhse ne raohnhá꞉tsheraʼs, ratónnions, ‘Shaʼníhshen kenh khehs naesatateʼkenʼshén꞉take?’

Genesis 50:18

Eʼthó꞉ne ó꞉ni ne ráonha rontateʼkoʼokón꞉ʼahs tahón꞉ne raohén꞉ton waʼthontshá꞉kete, tánon wahonní꞉ron, “Tsi kén꞉ʼen iákweʼs ne nahskwatenahskónniaʼte.”

Philippians 2:10

Neh káti aoríwa nenhonwasennáronke ne Ié꞉sos kwá kíʼ onhkwetaʼkwékon tsi teniontentióten, neh karonhiáke, ó꞉ni nonwentsiáke, tánon neh nonwentiokónson.

Colossians 1:18

Raónha nonóntsi í꞉ken ne ononsatokénti né꞉ne raierónke; raónha ne tiotasawákwen tsi iónhne natónnhets. Raónha ne takowá꞉nen Roiénha, tsi sonwahkéskwen ne kenheiat꞉ne, ehnahontáwe rahonhatsí꞉wak khók ohénton ahkénhake norihwakwé꞉kons.