Genesis 37:4 - Ohiatonhseratokénti

⁴ Ók nó꞉nen ne rontateʼkonʼokón꞉ʼahs sahontkáhtho ne ronwaʼníha tsi sénha Só꞉se ronorónhkhwa tsi ní꞉ioht ne ronátiaʼkes rontateʼkoʼokón꞉ʼa, wahonwáhswenh iáh tewá꞉tonʼskwe ne skén꞉nonʼk khók tsi ní꞉ioht tsi taonsahatihthá꞉ren ne ráonha.

Genesis 37:4 ပူးပေါင်းရင်းမြစ်များ

Genesis 27:41

Nón꞉wa ne Esau róhswenhskweʼ ne Jacob, ne iorihonní꞉ʼon ne kaiaʼtateríhtshera ne roʼníha tsi roiaʼtateríhston ne Jacob, tánon ne Esau raonhá꞉ke khók tsi wahén꞉ron, “Ne wentaténionʼs nahonwatshón꞉nionʼse ne rakeʼníha ákta taiawenonhtonhátie; eʼthó꞉ne kíʼ enhinonhwariá꞉kon ne iatiatateʼkén꞉ʼa Jacob.”

Genesis 37:11

Katíʼ ne rontateʼkoʼokón꞉ʼahs tsi nahonwaʼnóh꞉shen, ók kíʼ ne roʼníha tió꞉konte oriwakwé꞉kon ne ranonhtonniónkwas.

Genesis 37:5

Iahónteratste ne Só꞉se wahotétshen, tánon nó꞉nen shashakohró꞉ri ne rontateʼkoʼokón꞉ʼa, ó꞉nen sénha wahonwáhswen.

Genesis 4:5

nók ne Cain tsi nontahá꞉ieste ne Roiá꞉ner kwáh iáh tehokweniénhston. Kí ne Cain kwáh í꞉ken tsi wahoná꞉khwen, tánon wahatkonwaráksate tsi nahoná꞉khwen.

Genesis 49:23

Ne ronʼennénhawe teionatenonhianíhton tsi niehonwatiaʼtóntieʼs; ronwaienkwiró꞉iaʼks tánon kwáh í꞉ken tsi teiotenonhianíhton ronwatonhnhoʼktahkwèn꞉ni.

Psalms 38:19

Tsi nihá꞉ti ne tsi ronhnónnhetse ne iónkswenhs kwáh í꞉ken tsi ratishástste, ronatsiokowáhnen ne iónkswenh né꞉ne kwáh iáh othènen tetsiorihonhníhon.

Psalms 69:4

Tsi nihiákon ne iónk꞉shons sénha ne ronatsokowánen tsi níkon waʼkenonkwiseróhte ne kenontsíne né tsi nihiákon iónkʼshons né꞉ne kwáh iáh othènen tetsiorihonhníhon; né ró꞉natsiokowanen satehatinón꞉wes nahionkatonhte, né iónkshons onó꞉wenhs tsi nihionkerihwáros. Nahóten ne iáh tewaʼkenénskwen ónen né énstsien?

Jeremiah 12:6

Shé꞉kon ne sehwathaténʼon, ne rahtihiátare ne kwáh í꞉se shakwátsire, waheshatenní꞉non; wahontiáthare tsi iaheshatiatónti. Tó꞉sa thasehiétat, iawerohátien tsi ateróh꞉sehra tsi ní꞉ioht tsi rotíthare.”

St. Mark 3:25

Nok oni ne skaȣatsira tekariȣatironte iah ki takaȣatsirateke.

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

1 Sawátis 2:11

Nók kíʼ tokáha ietʼthísons nakorénsons, asátakon kíʼ nón nítewes; thóh nón nihionkwatahitáke tánon iáh tehionkwateriéntare káh niahonkwenonhátie, neh wakarihónni tsi tetiókaras wationkwarónweke.

1 Sawátis 3:10

Kén nónwe kwá teioswátʼte tsi natetsiatʼtíhen tsi natehóntere ne Rawenni꞉io sakoienokónha tánon ne ranesonrónon sakoienʼokónha: tsi niʼiákon ne iáh thóh teiehiéra nahóten ne ioiánere tóhka ó꞉ni iáh tesakotinorónkwa nakorénsons iáh Rawenni꞉io tesakoienʼokónha.

1 Sawátis 3:12

Iáh tateiothonwentióʼon nahonsatsitewaiéren ne Cain; neh꞉ne ranikonráksen rahonkwéta kèn꞉ne tánon wahoséh꞉te ne kwá rahónha iatatekénha Abel. Onʼnihiotiéren ne Cain tsi wahoséh꞉te? Neh tsi nihotieránion tánon tsi natehoterientawénrie, nók ne iatatekénha tkariwaiéri ne tsi nihotiéren.

1 Sawátis 4:20

Tóhkaʼ entewénron tsi tewanorónkwa ne Rawenni꞉io, nók ietʼthísons nakorénsons, ionkwanówens kíʼ. Asèken iáh tahónton natsitewanóronkwe ne Rawenni꞉io, tsi nikáien ne iáh thetsitewáken, tóhkaʼ iáh teietʼthinorónkwa nakorénsons, tsi nikáien neh ietʼthíken.

1 Samuel 17:28

Ne thoksʼténha rotsíha Eliab wahothónhtene tsi tehotíthahre ne rón꞉kwe; tánon ne Eliab kanakwáhtshera tahkatsiró꞉ten tsi nó꞉kwah ne Táwit. Wahén꞉ron, “Onh nonhtiéren tsi kénʼen nontáse? Ónka washeiatiéten ne thí꞉ken thohʼkárah nikónton teiotinakarontón꞉ʼahs ne thóh iahonwenhtsiaʼthénhake tkón꞉nes? Wakateriéntahreh tsi nisatátʼthareh (tsi kenekerotsotáhrok nashiatóten) tánon tsi niserhiasákʼsen; asèken ní꞉se tsi táhse nék khók nasatʼkátho nateriʼiósera.”