Genesis 37:36 - Ohiatonhseratokénti

³⁶ Eh neʼ ná꞉he né Midianró꞉nons ionsahonwatenhní꞉non ne Egypt nón꞉we Potiphar sahotiaʼtakweʼní꞉iohste, ne ne shaiá꞉ta ne Pharaoh raohnhá꞉tshera í꞉ken, ne ohén꞉ton ié꞉rate ratiʼnikón꞉rá꞉re.

Genesis 37:36 ပူးပေါင်းရင်းမြစ်များ

Genesis 37:28

Nó꞉nen ne Midianró꞉nons rontké꞉rons ronatohetstonhátie, tontahonwaiaʼtaráthenhste ne Só꞉se ne tsi iohontsaká꞉ronte, tánon ne ne Ishmaelró꞉nons wahonwaiaʼtahní꞉non tewáhsen nikahwístake kahwistarà꞉ke wahatikáriaʼke. Tánon Egypt niahonwaiaʼténhawe ne Só꞉se.

Genesis 40:3

tánon thóh nón꞉we iahshakohnhó꞉ton tsi thonónhsote nohén꞉ton ié꞉rate ne shakoʼnikón꞉rare, tánon tsi nón꞉we thahnhó꞉ton ne Só꞉se.

Genesis 40:4

Ne ranenhrakweʼní꞉io ne shakoʼnikón꞉rare Só꞉se wahóhnahʼne, nahshakoterihwatsterísthase, tánon katíʼ kwáh í꞉ken tsi karí꞉wes nihnhó꞉tonhkwe.

Genesis 41:12

Hebrew nithoión꞉ha neh nón꞉we iakwakwé꞉konhkwe, roioʼtenhséhahkwe nohén꞉ton ié꞉rate ne shakoʼnikón꞉rare. Nó꞉nen sahshakwahró꞉ri, ráonha wahaʼnikonhraién꞉tahte nontiatetshènhsera, wahshonkeniʼnikonhraientáhten shonkenihrorihátie tsi nikén꞉tons ne shaià꞉ta raotetshènhsera.

2 Kings 25:8

Né tsatákaton niwenhniserakéhaton ne wískʼkhaton siʼwenhnitakéhaton né tiotón꞉haton siʼioseráteʼkwe siʼhonontí꞉ioʼkwe ne Nebuchadnezzar né Babylonia nón꞉we, né Nebuzaradan, rahón꞉ha ne ronnontí꞉io rotenikonráhwiskwe tánon rahón꞉a ne rahsennówanenhne kènʼne tsi nòkwah ne ronterí꞉ioskwe kentsókwah, iahatinátaraʼne Jerusalem.

Esther 1:10

Tsatáhkhaton shiwenhniserà꞉ke tsi ronatekhwáhere ó꞉nen ronontí꞉io tsi rohnekí꞉ren tó꞉kenske tsi rotonhnháhere, iahshakó꞉nonke ne tsá꞉ta nihá꞉ti tehonwatineniatáhkwen né꞉ne kwáh ákta raónha ronwaioʼténhse, Mehuman, Biztha, Harbona, Bigtha, Abagtha, Zethar tánon ne Carkas.

Psalms 105:17

né nasakonónsthate ne rahonkwetaʼshón꞉has ohénton ne rón꞉kwe Egypt shiahoténieʼte, né꞉ne Só꞉se, wahonwaʼthenhnínon nenhnéʼe ne nahonwaʼtenaskónhniaʼte.

Isaiah 56:3

Tó꞉sa sheʼríhon ne tihononhontsáte nahonwatsathá꞉raʼse ne Roiá꞉ner tsíronh, “Né Roiá꞉ner oriwiʼiohónwe tsi thenshonkwakháʼshion kí꞉ken onhkweshónhas”; tánon tó꞉sa seríhon ne tehonwatiʼnenhiatákwen nahonhníron, “Kwáh neʼkhók ne ioronhtátʼthen tsi nitiáʼtothe.”

Jeremiah 39:9

Ethóhʼne ne Nebuzaradan, ne rahnenhrahkwení꞉io, thóh ní꞉ioht tsi iashakohiaténhaʼwe Babylonia tsi shí꞉ken ní꞉ioht ne rathinhóton ne tsi nihiákon iaʼtehiakothaténron ne kanatowahnénhke, skátke tsi nihiákon ne rahonháke nónhwe nihonwatewenhtéton.

Daniel 2:14

Thó꞉ne ne Daniel iaʼtnihtháren ne Arioch, né ne ohén꞉ton iè꞉rate ne ronnontí꞉io raonkwè꞉ta né shakó꞉nonhne, tsi niká꞉ien ronwaríhonte ne ahsakononhwariàkhon. Kwáh í꞉ken tsi wahatenʼnikón꞉raren tsi nikawennò꞉tens wà꞉rastste.