Genesis 37:24 - Ohiatonhseratokénti

²⁴ iahonwaiaʼténhawe tánon tsi tioshonwaká꞉ronte iahonwaiaʼtón꞉ti. Ne iohontsaká꞉ronte ohshonióhskonʼk thikén꞉ne; iáh tekahné꞉kohkwe.

Genesis 37:24 ပူးပေါင်းရင်းမြစ်များ

Genesis 37:23

Káti nó꞉nen ne Só꞉se iahá꞉rawe tsi thón꞉neʼs ne rontateʼkoʼokón꞉ʼahs, tahonwaiaʼtawiʼtáhshiaʼte ne raotià꞉tawi waʼkóhses, ne ne waʼkóses tekanentshé꞉sonʼs ne rotstón꞉ne;

Genesis 37:25

Eʼthó꞉ne wahóntien ne tahontská꞉hon; tánon tsi wahontahrakétsko wahshakotí꞉ken rotinenhrí꞉ni Ishmaelró꞉nons Gilead nón꞉we nontahonenonhátie, tahatikwekonhátie ne raotitshenenʼó꞉konʼs iotiniaʼkwáhere iotihrieʼnakéhte ne iohnehtotkhá꞉ʼon, tánon ne kanonhkwaʼtsheranó꞉ron wenserákonʼonʼs, tánon ne wenienanó꞉ron iontatiaʼtohkáhstha, ronathahitáhkhe tsi niahotihawihátse ne Egypt nón꞉we.

Genesis 42:21

Waʼthontatènhahse, “Átskwiʼ, ionkwakariaʼkonhátie ne ionkwahnhí꞉kon tsi nitshitewaierá꞉se ne tewatateʼkén꞉ʼa; wetewáttoke tsi niió꞉re tsi tehotateʼnikonhrhá꞉rhakwe nó꞉nen wahshonkwaniténhtaʼse, ók iáh kiʼ teionkwatahonhsatá꞉ton. Ne kiʼ aorí꞉wa ó꞉nen waʼtionkwaʼnikonhrhá꞉rhen.”

Psalms 35:7

Né꞉ne iáh othènen tetsiorihón꞉niʼon waʼhonkateristaiénhase; tánon iosónhwes waʼhatisonhniónhni né iatsiátenhne tánon ahionhtsiéna.

Psalms 40:2

Sahatiatathatáko tsi iotʼtionwáʼien ne kenhé꞉ion, éhren sahatiatenháwite tsi nón꞉we ne ionesaronkówaks, tánon ostʼthenrakwenkaráke nón꞉we natonsahátʼtaste, tánon iahontsaníron tsi nón꞉we natonhsakatekháhaʼkwe.

Psalms 88:6

Thóh iestsiatón꞉tion tsi teweheiontakéron ne ronenhéion, tsi nón꞉we ne kwáh tetsiókaras tánon tsioshón꞉wes.

Psalms 88:8

Í꞉se waʼsehrihónhni nakatorosehrashón꞉has nahionkatewénhtheʼte; né waskónhniaʼte nakheʼhionhnák꞉sate. Hionkenóton né꞉ne tó꞉sa akʼkwéni nahonsaʼkeniákenhne;

Jeremiah 38:6

Sók kíʼ iahontiaténhaʼwe tánon ahsehríhie wáhonsthe tsi iahontsiátenthe ne Malchiah rahonahwehráhkon, né꞉ne kanonhtiʼiotsherákon ahotenhénrahkon nónhwe nihionahwehróh꞉thaʼkwe. Iáh tekahnékhoʼkwe nonhawehráhkon, onahwástat khók íken, tánon thóh iatkóʼsehrenʼne.

Lamentations 4:20

Wahtsionkhíkwen tsi nihiakwastasónha tsi iatiónnhe, neh:ne Ronnontiʼio ne Roiá꞉ner rohrákwen, Tsi nikáien sakwaniahésenʼne nahontasónkwaʼne ne kwáh tsík ónka akénhake nahionkinenrénten.

Zechariah 9:11

Ne Roiá꞉ner ráton, “Ne aorì꞉wa ne tsi iontiateriwahserón꞉ni ne tehionehtorará꞉kon nonhekwénhsa ne karihwiiosehokón꞉as, kwáh ensetʼkhehiathatewenhní꞉ioste ne shonkweʼtahshón꞉ʼa— setʼkhehiakháwenh ne shonkweʼtahshón꞉ʼa ne tsi ronwathinhotónkwe nákʼthe nón꞉we tkanakerahserá꞉ien, ne tsi iontahtenhothónkwa thóh ní꞉ioht thónʼne tsi ní꞉ioht ne iáh tahkanhekóhkwe nhosonwáhkon.