Genesis 37:2 - Ohiatonhseratokénti

² Ne ki꞉ken ne raotikaraʼshón꞉ʼa né Jacob rahowá꞉tsire. Ne Só꞉se, tsá꞉ta iawén꞉re shaʼtehaohseriiá꞉kon, ráonha tánon ne rontateʼkoʼokón꞉ʼa shakotiʼnikonhrarátieʼskwe ne teiotinaʼkarontón꞉ʼa tánon kaiaʼtákeras; shakohshnié꞉nonskweʼ ne aotinekenhteronʼtsheraʼshón꞉aʼhs ne Bilhah tánon ne Zilpah, ne ne roʼníha ró꞉ne; tánon ne Só꞉se ronwaʼnihnéha iaharihwénhawe ne iáh tekarihwí꞉io ne raotirihwá꞉ke.

Genesis 37:2 ပူးပေါင်းရင်းမြစ်များ

Genesis 10:1

Ne kí tsi wahatiwatsiratátie ne Noah ne raonekenhteronʼtsheraʼshón꞉ʼa, ne ne Shem, Ham, tánon ne Japheth. Ne sontóhetsteʼ tsi iawehnó꞉tonhkweʼ, ratikwé꞉kon wahotinekenhteronʼtsheraientá꞉seron.

Genesis 2:4

Tánon eʼthó ká꞉ti ní꞉ioht ne Rawenni꞉io tsi róhshon tsi ionhwentsá꞉te ó꞉ni ne tsi karonhiá꞉te. Nó꞉nen ne Roiá꞉ner Rawenni꞉io sharonwentsí꞉sa ó꞉ni shaharonhísa,

Genesis 30:4

Sók kíʼ wahaonkwé꞉ton naohnhá꞉tsera Bilhah ne ne ró꞉ne aón꞉ton; tánon skátne wahiá꞉rate.

Genesis 30:9

Nó꞉nen ne Leah shónttoke tsi iáh ó꞉nen thaonsón꞉ton naonsaiowiraièn꞉taʼne, sók kíʼ naohnhá꞉tshera Zilpah Jacob wahaonkwé꞉ton ne ró꞉ne áon꞉ton.

Genesis 35:22

Tsi nikarí꞉wes ne Israel tho nón꞉we nihanákerehkwe neh nón꞉we niionhóntsaien, né Reuben iahá꞉re tánon skátne wahiá꞉rate ne Bilhah ne ne roʼníha tehníiahsé꞉ne; tánon ne Israel waharihwá꞉ronke nétho. Ne Israel ó꞉nen tékeni iawén꞉re nihá꞉ti sihonekenhteronʼtsherá꞉ien.

Genesis 41:46

Ne Só꞉se áhsen niwáhsen shaʼtehaohseriiá꞉kon sontahatáhsawen wahoióʼtenhse ne Pharaoh né ronnontí꞉io í꞉ken ne Egypt. Tánon ne Só꞉se iahaiá꞉kenʼne tsi nón꞉we ní꞉res ne Pharaoh, tánon ohontsakwé꞉kon nontá꞉rehte ne Egypt.

Genesis 42:8

Eʼthó sá꞉ne ne Só꞉se tsi wahshakoién꞉tereʼne ne rontateʼkoʼokón꞉ʼahs, iáh kiʼ nenʼ neʼ ne ronnónha tehonwaienteré꞉ʼon.

Genesis 45:6

Aseʼkénh natonhkariá꞉kon ó꞉nen ne kí꞉ken teiohserakehátie siwatenaʼtsheranó꞉ron ne tsi iohontsá꞉ien; tánon shé꞉kon wísk niiohserá꞉ke iotatén꞉ron ne iáh thakenʼtarakahrháthonke khehs nakaienthóhkwen.

Genesis 46:34

kwáh iorihwiióhak tsi ehtshisewahró꞉ri ‘kwáh tsi nitiónhnhes tsi katshé꞉nen iethiʼnikón꞉rare, iakwakwé꞉kon tánon ne iakhisothokonʼkénhen’—ne katíʼ naón꞉ton tsi ionhontsá꞉ien ne Goshen nón꞉we naesewenʼterón꞉take, tiorí꞉wa ne Egyptró꞉nons kwáh iáh oh thé꞉nen tehon꞉nehre tahonterihwahsónteren ne teiotinaʼkarontón꞉ʼa shakotí꞉nonhne.”

Genesis 5:1

Ne kí꞉ken ne ratihsennaʼrónnion tsi wahahwatsiratátie ne Á꞉ton. Nó꞉nen ne Rawenni꞉io sahshakoiaʼtón꞉ni nonkweʼshón꞉ʼa, kwáh thó ní꞉ioht tsi shakoiaʼtíson tsi níhát꞉katotseró꞉ten ne raónha.

Genesis 6:9

Né ki꞉ken tsi niehotwatsiríhnon ne Noah. Ne Noah kwáh íken tsi tronkwetaiérihkwe, iáh othénnen tahonwarihwatsénhriase tsi nihothenhnisehraténionkwe; ne Noah skátne tehiatekhahakwahkwe ne Rawenni꞉io.

John 7:7

Iah teietshiȣens nonkȣeokon, nok tanon ionksȣens, neh tsi kheriȣasȣase tsini ieȣeiennaksen.

1 Corinthians 1:11

Ótiakes nonkwesónhas né Chloe raowáhtsire kwáh sakʼtíken tsi ní꞉ioht tsi wahontróri, tewatenroshónʼa, tióʼkonthe tesewahriwahkénen.

1 Corinthians 11:18

Ne tiotserentákwenh, ionkʼróri tsi ientsinenratʼshahténnis nónen sehwatʼkenníshon; tánon ne kí꞉ken tketákwah ne tóhske ostónha akénhake. (

1 Corinthians 5:1

Nónʼwah, kwàse tsi nihónen né tsi ononwahroríta kanakwaiesháh꞉tshera tsi nisewahtiéra thóh nió꞉re tsi teiotenonianíton akwékon ne iáh tethohnetákwen iáh kíʼ nèn꞉ne tahotinontáh꞉nake. Ionkróri rónkwe skát꞉ke ianónwets ne ieseshahkonisténha!