Genesis 36:8 - Ohiatonhseratokénti

⁸ Katíʼ ne Esau tsi ionontahrónnion kanakerahserá꞉ien ne Seir nón꞉we nahatatíʼteron; né Esau ne ne Edom ó꞉ni ronwá꞉iats.

Genesis 36:8 ပူးပေါင်းရင်းမြစ်များ

Genesis 14:6

Ó꞉ni ne Horites ne ne tsi ronatenontahrónnionhs kanakerahserá꞉ien ne Seir kwáh tsi niió꞉re ne Elparan tsi ieiótte ne iahonwentsathenhá꞉ke;

Genesis 25:30

Ne Esau wahawènhahse ne Jacob, “Toʼ ostón꞉ha tákenonht thí꞉ken onekwènhtara nikanontaró꞉ten, aseʼkénh kwáh í꞉ken tsi katonhkáriaʼks.” (Katí ne aorí꞉wa ne ronwahsenná꞉wi ne Edom: ne ne kén꞉tons “Onekwènhtara.”)

Genesis 32:3

Né Jacob ratirihwakarénieʼs ohén꞉ton iahshakotó꞉ri naontahón꞉ion norí꞉wa ne iatateʼkén꞉ʼa Esau ne ne tsi tiohontsá꞉ien ne Seir, ne ne Edom kanakerahserá꞉kon.

Genesis 32:4

Wahshakohró꞉ri, “Kenh kí꞉ken nikawennó꞉tenʼs tsi enhtshisewahró꞉ri ne raiaʼtakweʼní꞉io Esau: Rá꞉ton né sahnhá꞉tshera Jacob, ‘Skátne iakeniʼterón꞉tahkwe ne Laban tsi sí꞉ken ní꞉ioht ne thiwakonhontsá꞉te akénhake, tánon thóh kiʼterón꞉tahkwe tsi niió꞉re nón꞉wa;

Genesis 36:1

Ne ki꞉ken tsi wahahwatsiratátie ne Esau (ne ó꞉ni ronwanaʼtónhkhwa Edom).

Genesis 36:43

Magdiel, ó꞉ni ne Iram; ne kí꞉ken ne raotiʼtaraʼshón꞉ʼahs ne Edom (ne ne Esau, ráonha kaʼníhsera í꞉ken ne Edomró꞉nons), ne tioianénha tsi nón꞉we nihatinakerénion ne tsi ionhontsá꞉ien ronatsenawáston.

Genesis 36:9

Ne kí꞉ken ne Esau tsi niahahwatsiratátie, ráonha ronwahsotkénhen né Edomró꞉nonʼs ne ne tsi ionontahrónnionʼs kanakerahserá꞉ien ratinákerehkwe ne Seir nón꞉we.

1 Chronicles 4:42

Wísk tehonhniénhniaʼwe niháti ne nón꞉we nihatiʼiátaraʼkwe ne Simeonró꞉nons tsit-karahkwínekens nòkwahti ne Edom né niahónhne. Né waʼhonwatisárihne ne Ishi shaʼkoiohokónhas: né꞉ne Pelatiah, Neariah, Rephaiah, tánon ne Uzziel.

2 Chronicles 20:10

“Kí nonhkweʼshón꞉as ne Ammon, Moab, tánon ne Edom tahionhkihiatiatónhti. Nó꞉nen nonhkwahsóktseras shaʼthonhtahatiʼiákenʼne ne Egypt, iáh kíʼ tesherihwáwi niahonhnonhontiórenhne né thóh ionhontsaiéntons, ká꞉ti nonhkwasoktseraʼokonhkénʼen waʼhonkwáhtase tánon iáh kíʼ tehonwanahthónhton.

2 Chronicles 20:23

Né Ammonró꞉nons tánon ne Moabró꞉nons iahonwahnatiatónhti ne Edomró꞉nons ronterí꞉ios tánon kwáh thóh kénʼen tsi wahonwaná꞉tonhte, tánon ethòne ó꞉nen ronhnón꞉hak khók tionhsahatiʼkariahte tsi ní꞉ioht ne kário tsi natehóntere sahonteriʼioháton.

Jeremiah 40:11

Tsi ki ní꞉ioht, rathikwékon ne Israerʼró꞉nons tsikʼnonhwésons nónhwe nihathináhkerehkwe ne ne Moab, Ammon, Edom, tánon ne aktésons tkanahkerahsehrahkérons, wahonatʼthónteʼne nètho ronnonhtí꞉io ne Babylonia nónhwe ótiakes shaʼkorihwáhwi ne Israerʼró꞉nons ne Judah nónhwe nahathiteróntahke tánon tsi Gedaliah wahokóhrasthe.

Obadiah 1:1

Ne kí꞉ken tsi niehorí꞉waken ne Obadiah—tsi nahó꞉ten Natiá꞉nehr Akení꞉io shakawèn꞉ni tsi nokwá nonkwehshón꞉ʼahs ne Edom. Ne Roiá꞉ner iehoteniéhton ne rorihwakarenién꞉nis kwáh onhwentsiakwé꞉kon naontá꞉rehte, Ionkwarihwahrón꞉ken tsi nihothró꞉ri ne Roiá꞉ner tánon ne rarihwakarénieʼs: “Ánion tewateriióhsera ietshitewatiaʼtón꞉ti ne Edom!”

Obadiah 1:3

Tsi niwatatón꞉ni ne sè꞉ri ne wesaʼnikonhráta. Ne ne kwáh onontakèn꞉iate nón꞉we nisanónhsote, é꞉neken tiótteʼs tsi nón꞉we nihsatatíʼteron, tánon katíʼ satathró꞉ris, “Ónhka ohontsà꞉ke aontaiontià꞉tenhte?”

Malachi 1:3

ók riiatahkwahswèn꞉ʼen ne Esau; ne wakonniá꞉ton ne tsi rotenontahrónnion kanakerahserá꞉ien ohontsóhskon akénhake tanon tsi nihoiená꞉ʼon nonhóntsa iaonhwentsathenhá꞉ke ne ienwá꞉ton ne ne kahentakeha erhar raotirihwá꞉ke.

Deuteronomy 2:22

Ne Roiá꞉ner kwáh nónhne thóh nishakoiéraʼse ne Edomites, né꞉ne tsi nitotwatsirì꞉non ne Esau, ne thóh nónhwe nihanákerekwe tsi iononhtaʼrón꞉nions ne Edom. Raónha shakotòn꞉ton ne Horites, ne káti ne Edomites ahatiʼié꞉na ne raononhóntsas tánon thóh nónhwe nahontená꞉taien, tánon shé꞉kon nónhwa thóh nónhwe nihatináhkere.

Deuteronomy 2:4

Wahakró꞉ri nahontakwá꞉ion né kén꞉en iotiè꞉ton noriwaʼshónhas ‘Kwáh onenthó꞉wa iahí꞉sehwe ne tsi tiononhtaʼrón꞉nions ne Edom, né꞉ne raonatinakeraʼsehrá꞉kons ne íhnon tsi ní꞉ioht tsi sewatatenónhkwe, né꞉ne Esau raowátsires. Kwáh ki enietsitshà꞉nike,

Deuteronomy 2:5

ók tó꞉sa ki tasewatáshawen ne thé꞉nen naterihiósera ne rononhà꞉ke, tiorí꞉wa tsi kwáh iáh tahontátion shé꞉kon ne sewashí꞉ta nahónske nathaiotokerónhteke ne raononhóntsa. Né Edom nónhwe né꞉ne Esau rahowátsire tekheiáwi.

Joshua 24:4

ók ne Isaac Jacob né wahihionkweton tánon ne Esau. Ne Esau né thahihion ne tsi ionhniaronhnions kanakeraserakeronhs ne Edom nónhwe nahó꞉wenhkonhweke, ók ne tsi sewasot꞉kenʼen Jacob tánon ne sakohiohokonhas Egypt nenhʼne niahónhne.

1 Samuel 14:47

Nó꞉nen ne Saul sahonontí꞉ione NIsraerʼronónke, wahonteriʼióhaton ratikwé꞉kon ne ronwáshons kwáh tatkaiénh꞉thakwe—tsi washakokʼkónten ne Moab, ó꞉ni ne Ammonró꞉nons, ó꞉ni ne Edom, ó꞉ni ne rotinontí꞉ios ne Zobah, ó꞉ni ne Philistines; tsi nón꞉we nienhatiérate tsi washakósere.