Genesis 36:34 - Ohiatonhseratokénti

³⁴ Jobab wahrènheie, tánon ne Husham tsi watonhontsá꞉ien ne Temanró꞉nons nón꞉we nihanákerehkwe ne tonsahonaktáhkwen tsi sahatenontí꞉iohste.

Genesis 36:34 ပူးပေါင်းရင်းမြစ်များ

Genesis 36:11

Ne raonekenhterónʼtsheraʼshón꞉ʼahs ne Eliphaz ne ne Teman, Omar, Zepho, Gatam, tánon ne Kenaz.

Genesis 36:15

Ne kí꞉ken ne raotiʼtaraʼshón꞉ʼahs ne raonekenteronʼtsherashónhas ne Esau. Ne raonekenhteronhʼtsheraʼshón꞉a ne Eliphaz ne ne thakowá꞉nen ne Esau roièn꞉ʼa: tsi nihotiʼtaroʼtén꞉shonʼs Teman, Omar, Zepho, Kenaz,

Genesis 36:33

Bela wahrènheie, tánon Jobab ne roièn꞉ʼa ne Zerah ne ne Bozrah nón꞉we ráonha sahatenontí꞉iohste ne raonaktá꞉ke.

Genesis 36:35

Husham wahrènheie, tánon ne Hadad né roièn꞉ʼa ne Bedad, ráonha shakoʼshénnion ne Midianró꞉nonʼs ne tsi kanakerahserá꞉ien ne Moab, ráonha tonsahonaktáhkwen tsi sahatenontí꞉iohste, tsi niiohsennó꞉ten ne raonà꞉takon ne ne Avith.

Job Tánon ne Raoronhiakensera 2:11

Kí nó꞉nenh ne Job náhsen nihá꞉ti raoteroseraʼshón꞉as sahatirihwà꞉ronke akwé꞉kon kí tsi nihoiátawenhs ne roiatorèhon, shatihiaʼtà꞉tions tahonthentiónhko ne tsi thatì꞉teron—né꞉ne Eliphaz né꞉ne Temanró꞉non, Bildad né꞉ne Shuhró꞉non, tánon né Zophar né꞉ne Naamathró꞉non. Wathontátken né꞉ne ahonwatkénhsera tánon ahonwariskó꞉te tánon ahonwaʼnikonhraiewentʼtote.

Jeremiah 49:7

Ne kíʼ tsi nahó꞉ten ne Roiá꞉ner Roshastsʼtenserowáhnenh ráwenh tsi nòkwah ne Edom: “Nonhkweshón꞉a ne Edom ronatónti kén ne ioiánere raotiʼhiatoreʼtátshera? Ne shaʼkonatenikonhráwis iáh kén ónenh tesehwátons nahonshasakotiʼró꞉ri onhnahonshahatí꞉iere? Akwékon kén ne raotiʼnikonhroʼwahnhátshera kakʼtshiehiawénonh?

Ezekiel 25:13

Ónenh kíʼ wahkerihówahnahthe tsi kwáh entréwahthe ne Edom tánon enkhenonhwahrhiákon ratikwékon nonhkweshón꞉ʼa ó꞉ni ne katʼtshénen né nónhwe. Kwáh ne enkónniate nahionhontsaiés꞉sa, Tsi kanatowáhnenh ne Teman entewahthásawenh tsi nióre ne Dedan, tánon nonhkweshón꞉ʼa tsi waterí꞉io nónhwe nenhonwahtinonhwahrhiakónhnion.