Genesis 35:3 - Ohiatonhseratokénti

³ eʼthó꞉ne tetewá꞉taʼn tánon Bethel nón꞉we niehétewe, ne naón꞉ton thóh nón꞉we iahiʼiónnien ne ietsenhahráhkhwah né Rawenni꞉io tsi niká꞉ien ne tehakerihwaʼserakwén꞉ni ne tewenhniserá꞉tehkwe ne shaʼtewakeʼnikónhrhare tánon kwáh iakenikwekonhátieʼskwe ne tsik nonwéhsons niewaké꞉non.”

Genesis 35:3 ပူးပေါင်းရင်းမြစ်များ

Genesis 28:15

Saterièn꞉tarak tsi tenikwé꞉kon ní꞉se tánon kwáh enkoniatenʼnikón꞉raren kwáh tsi nón꞉we nienhénhse, tánon tentkoniaʼténhawe ne kén꞉ʼen nón꞉we niionhóntsaien; aseʼkénh iáh seʼ thakoniatewèn꞉tehte tsi niió꞉re tho néntiere tsi nikonhrharatstén꞉ni.”

Genesis 31:3

Eʼthó꞉ne ne Roiá꞉ner wahawènhahse ne Jacob, “Wáhs thóh ionsá꞉se tsi tionhóntsaien tsi thatinákerehkwe ne shehsothokonʼkénhen ó꞉ni ne sewatátenonhkweʼ, tánon kwáh entenikwekónhake.”

Genesis 31:42

Tóka sí꞉ken ne Raoní꞉io ne rakeʼníha, ne Raoní꞉io ne Abraham ó꞉ni ne Rawenni꞉io nétho Isaac rotshá꞉niskwe, ne iáh í꞉i thaontahakerí꞉wawaʼse, orihwíioʼón꞉we nón꞉wa tsi akwahtsaʼnóskon tsi aonsahskwateʼkwáhton. Rawenni꞉io wahatkáhtho tsi naʼtewakaʼnikónhrahre ó꞉ni tsi niiohní꞉ron tsi niwatioʼtén꞉en, tánon ne shioʼkaráhsha wahiarihwènhthahse.”

Genesis 32:24

Ne Jacob raonhaʼstsíwa khók iéhsken; tánon rón꞉kwe waʼthiatatienenhá꞉ton tsi niió꞉re tawèn꞉teʼne.

Genesis 32:7

Eʼthó꞉ne ne Jacob kwáh í꞉ken tsi teiotenonhianíhton tsi wahoteronhiènhten tanon waʼthaʼnikonhrhá꞉ren; tánon waʼtehshakokhahshión꞉ko nonkwehshón꞉ʼahs ne skátne ratikwekón꞉ne, ó꞉ni ne teiotinaʼkarontón꞉ʼahs tánon ne kaiaʼtákeras ó꞉ni ne tiohnhónskwaronʼs ó꞉ni ne iotiniaʼkwahere, tekentiohkwakehátie tsi wahshakotiohkón꞉ni,

Genesis 35:4

Katíʼ Jacob tahonwawíhon akwé꞉kon ne thikontí꞉teʼs niioʼokón꞉ha ne rotiièn꞉tahkwe, tánon ne atahonhtotahrhóktsheraʼs; tánon ne Jacob waʼhaiaʼtátarion karontó꞉kon ne karíhton tsi neʼ nón꞉we niiorontó꞉tahkwe kanatákta ne Shechem.

Genesis 35:7

tánon thóh nón꞉we nahrón꞉ni ne ietsenhahráhkhwa tánon ne wahanà꞉tonhkwe ne El-bethel, tiorí꞉wa tsi ehʼ nón꞉we ne kwáh ráonha Rawenni꞉io nihototahshièn꞉ni ne shonsahoté꞉kwahse ne iatateʼkén꞉ʼa.

Genesis 48:15

Wahoiaʼtaté꞉rihste ne Só꞉se, tánon wahén꞉ron, “Ne Rawenni꞉io ráonha ne tió꞉konte raotihén꞉ton í꞉re ne ne khehsothokonʼkénhen ne ne Abraham tánon ne Isaac, Ne Rawenni꞉io ráonha tió꞉konte sihakeʼnikonhrarátieʼs kwáh tsi nikarí꞉wes shikónhnhe tánon shé꞉kon nón꞉wa wenhniserá꞉te,

Psalms 107:6

Eʼthóhʼne ó꞉nenh iathonséntʼtho rahonháke ne Roiá꞉ner ne tsi naʼtehonanikónhrahre, tánon waʼsakonónsthate né tsi tsehotirihwaiéwasʼkwe;

Psalms 107:8

Ánion tehonwaʼnonhweráton ne Roiá꞉ner asèken ne tsi niʼiorihwaʼtóken ne raonoronhkwáhtshera, asèken ne tsi niʼiorihwaʼneráhkwát tsi nisakohióthenhse nonkweshón꞉has.

Psalms 46:1

Rawenni꞉io seh nonkwaʼnhétshera tánon onhkwasháststenhse í꞉ken, tiotkonhónwe rotateweienhnentáhon nahatsniénon nónen thènen tekanikónhrahre.

Psalms 50:15

Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

Psalms 91:15

Nó꞉nen ienhionkenaton, kwáh kíʼ thenkherihwasehrakwahse; kwáh enhiakwakweʼkónhake tsi nathenhonhnikonhráhren, kwáh kíʼ enkheniákenhte tánon enkhekwéniensʼte.

Proverbs 3:6

Tshehià꞉rak ne Roiá꞉ner, akwé꞉kon tsi nenhsatieránion tánon enhianaʼtón꞉hahse tsi nahò꞉ten tkariwaié꞉ri.

Isaiah 30:19

Oriwiʼiohónwe, Ó tsiónkwe ne Zion, ne thóh sewanákere Jerusalem, iáh ó꞉nen shé꞉kon tathahonseʼsewaséntʼtho. Kwáh oriwiʼiohónwe tsi enhotanitenhratsʼkónhake ne tsionhá꞉ke tsi entestsitaʼkétsko; nó꞉nenh enhothóntene, kwáh kí thenhiarihwaserákwahse.

Isaiah 43:2

Nó꞉nen thenshiá꞉iake ne kwáh tionó꞉tes, kwáh kí entenikweʼkónhake; tánon ne kaniaʼtarakésons, kwáh kí iáh tahiʼsanónwaien; nó꞉nen ienhénse notsiràke tashatóhetste kwáh kí iáh tashatsatáʼtsha, tánon nothón꞉kwa kwáh kí iáh tahiʼsátonhte.

1 Samuel 10:3

Eʼthóhʼne ní꞉se kwáh èhʼthoh ienʼseshaténhti kwáh kén niió꞉re nienhénse tánon iénsewe tsi tsorónhtote ne kahrí꞉ton ne Tabor nón꞉we; áhsen niháti roʼnónhkwe Ní꞉io wahonwahsénhnaienʼne ne ne Bethel nón꞉we kwáh thóh nón꞉we iatenhsewatát꞉ken, saiá꞉ta áhsen niháti kaiatákeras owí꞉ra sakoiatenháwi, nó꞉ia ne ne rahawíhne áhsen nikanatarákes, tánon nó꞉ia ne ne rahawíhne ne otsítsa watʼnekarákwah ne ne kané꞉honk iotsatawíton.