Genesis 34:30 - Ohiatonhseratokénti

³⁰ Eʼthó꞉ne ne Jacob wahshakawènhahse ne Simeon tánon ne Levi, “Taskenihawíhtaʼse ne taonkeʼnikonhrá꞉re ne tsi wahskenónnien naiónkswen ne ratinakerénion tsi ionhontsá꞉te, ne Canaanró꞉nons tánon ne Perizró꞉nons; iáh tewakitiohkowá꞉nen, tánon tó꞉ka enhonnitiohkwaró꞉roke naionkatkón꞉ten tánon aontaionhkatiaʼtón꞉ti, kwáh kíʼ enionkáhtonʼte, tetsá꞉ron Í꞉i tánon nakhwá꞉tsire.”

Genesis 34:30 ပူးပေါင်းရင်းမြစ်များ

Genesis 12:12

Tánon nónen eniesáken ne Egyptró꞉nons, enhonní꞉ron, né kí꞉ken né tehní꞉teron; sók kiʼ ní꞉i enionkenonhwariá꞉kon, ók eniesaríhon níse nahsónnheke.

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 12:6

Abram waʼthronhontsí꞉iaʼke ne tsi watonhonntsá꞉ien tsi niió꞉re iahá꞉rawe tsi tewatená꞉taien ne Shechem, ne tsi tiorón꞉tote ne karíhton ne Moreh nón꞉we. Ne sikahá꞉wi ne Canaanró꞉non thóh nón꞉we nihatinákerehkweʼ.

Genesis 13:7

tánon waʼthonterihotaʼhrók꞉kon kíʼ tsi naʼtehóntere ne shakotí꞉nonhne Abram raotshenenʼó꞉konʼs tánon ne Lot raotshenenʼó꞉konʼs. Neʼthó shontakahá꞉wi ne Canaanites ó꞉ni ne Perizró꞉nons tho nón꞉we tionhwentsá꞉ien nihatinákerehkwe.

Genesis 34:2

Ne Hamor ne roièn꞉ʼa ne Shechem ne ne Hivró꞉non, ráonha roterihón꞉tahkwe neh nón꞉we niiohontsá꞉ien, wahshakó꞉ken, iahshakoiaʼténhawe tánon thontahshakonónhtonʼse skátne wahiá꞉rate.

Genesis 34:29

Akwé꞉kon ne raonatshohkowáhtshera, kontikwé꞉kon ne konnón꞉kwe ó꞉ni ne ratiksaʼokón꞉ʼahs, tánon iahatíhawe akwé꞉kon tsi nahó꞉tenʼs kaièn꞉tahkwe ne kanonhskónhsonʼs.

Genesis 34:31

Ók wahní꞉ron, “Eʼthó ónhte kenh naiontatié꞉raʼse ne iakwatenoʼsénha tsi ní꞉ioht ne iáh tekonttókha?”

Genesis 46:26

Ne tiokwékton tsi nihá꞉ti ne kwáh Jacob raohwá꞉tsireʼs ne ráonha roné꞉non ne Egypt iá꞉iaʼk niwáhsen-iá꞉iaʼk nihá꞉ti, iáh tekonwanahséhton ne shakaonhafhó꞉konʼs.

Genesis 46:27

Tehniiáhse ne Só꞉se raonekenhteronʼtsheraʼshón꞉ʼahs, ne ne Egypt nón꞉we nihonanakerá꞉ton, katíʼ ne ratikwé꞉kon ne Jacob raohwá꞉tsireʼs ne Egypt niehoné꞉non tsá꞉ta niwáhsen nihá꞉ti.

2 Samuel 10:6

Nó꞉nen ne Ammonró꞉nons sahónt꞉toke tsi ronwaná꞉kwase ne Táwit, ne Ammonró꞉nons ronaterihón꞉tons iaʼsakoténiete tánon ne ahonwathí꞉nhane Aramró꞉nons ne Beth-rehob nón꞉we tánon ne Aramró꞉nons ne Zobah, tewáhsen tehonhnenhniawehetseráhsen nihá꞉ti ne thaʼkésons tsi ní꞉iot tsi ronterí꞉ios, aioiánerenhne ó꞉ni ne ronnontí꞉io ne Maacah nahahiatará꞉ke, énska ne tehonhnenhniawehetseráhsen nihá꞉ti, tánon ne ronnónkwe ne Tob nón꞉we, tekeniʼiawénre natehonhnenniawehetseráhsen nihá꞉ti.

2 Samuel 16:21

Ne Ahithophel wahawénhase ne Absalom, “Wáhs ne sewanáhwit ne ianíha tehatiʼiásehne, tsi niká꞉iens sakotieténhni nakontenhnikonrá꞉ren tsi roʼnónshoʼte; tánon ratikwé꞉kon NIsraerʼronónke enhónronke nètho ní꞉se tsi nashón꞉ni ne kariwahét꞉kenh rahonhá꞉ke ne ianí꞉ha, tsi thóh kíʼ nénhsere kwáh kíʼ sénha enhatisháststenhne ne iesanonterá꞉ties.”

1 Kings 11:25

Né꞉ne shaʼkósonskwe Nisraerʼró꞉nons tsi nikaríhwes rónhnheʼkwe ne Solomon.

1 Kings 18:18

“Iáh í꞉i tetʼtsirónhnis thèken,” ne Elijah watharihwaseráko. “Kwáh íh꞉se—í꞉se tánon ne iaʼníha. Iáh thesathewenhnarákwah ne Roiá꞉ner rahorihwatátʼtseras tánon né tshénhnaiens ne kahiatónhni Baal.

1 Chronicles 16:12

Sewakwe Jacob nón꞉we nitisewatwatsiríhnon, ne ne Rawenni꞉io raʼonhatshera kenʼne, Israerʼró꞉nonke niʼtisewatwatsiríhnon, rahónʼa ne Rawenni꞉io etʼtsisewaʼiataráhkwen, seweiárak ne iorihwanerahkwahthénions ne Rawenni꞉io tsi nihoieráhnion tánon ne karihwenhthá꞉tsheras tsi nithotkáwen.

1 Chronicles 16:19

Né꞉ne arèko sihonatsiokowánenh, kénk nihátiʼkwe, tánon thóh nón꞉we nihotiwaʼhétston,

1 Chronicles 19:6

Né Ronnontí꞉io Hanun ó꞉ni ne Ammonró꞉nons wahónt꞉thoke tsi né waʼrón꞉niate ne Táwit ne tahontát꞉tson, ká꞉ti ákta ne satékon niwásen nikakontseráke kawistaráken wahatikáriaʼke né nahonthénhnaʼne notsiónkwahs ó꞉ni ne sakonathóres ne né éneken nòkwahti ne Mesopotamia nontahónʼne tánon ne Syriaró꞉nonke kanakeraseraʼkérons né꞉ne Maacah ó꞉ni ne Zobah.

1 Chronicles 2:7

Né Achan né꞉ne roʼníha ne Carmi, né rahónha né꞉ne Zerah íken rahónhake nitotwatsiríhnon, kakaronhniátshera waʼshaʼkoiénhaʼse Nisraeʼró꞉nons né tsi wahá꞉nenhskwenhaton tsi nahó꞉tensons ne Rawenni꞉io ronhwaiatakwení꞉ioston.

Psalms 105:12

Né꞉ne arèko sihonatsiokowánenh, kénk nihátiʼkwe, tánon thóh nón꞉we nihotiwaʼhétston,

Exodus 5:21

Wahonwenhnénhaʼse ne Mahís ó꞉ni ne Aaron, “Ne Roiá꞉ner rotʼkáton tsi niʼtsiatiéren tánon kwáh entsiseniréhwathe tsi wahtsisehnónhnien ne Ronhnonhtí꞉io ó꞉ni ne rahonkweʼtashón꞉á nohénton iehonʼnéton nahionkhíson. Waheʼtsiʼiatesenhniʼiósten ne tó꞉sa aonteraiá꞉taʼkwe nahionkhinonhwarhiaʼkónhnion.”

Proverbs 11:17

Entehsataterihwaié꞉ritste tókaʼ tisarihwaié꞉ri. Tókaʼ sonkweʼtáksen í꞉se khók enhsatatkaré꞉wahte.

Proverbs 11:29

Nónhka tiéhas kahwatsí꞉rakon ne kaʼnikonhrharáhtshera iáh kiʼ oʼthé꞉nen tshiaʼtahonatá꞉tenre. Nónhka iakononhwahró꞉ri tiótkon kahnhá꞉tshera enkénhake ne ronttokhahtsherí꞉io.

Proverbs 15:27

Tókaʼ enhsateʼnién꞉ten ne iáh tetkarihwaié꞉ri tahsnaʼnéta tsi tahsatèn꞉tsha, ienhsheiaʼtenhá꞉wihte ne sahwá꞉tsire tsi tensewaʼnikonhrhá꞉ren. Tóhsa oʼthé꞉nen tsé꞉na nahò꞉ten iáh tetkarihwaié꞉ri aiesatkáriaʼkse nothé꞉nen tánon karí꞉wes enhshónhnheke.

Deuteronomy 4:17

konhtiʼtsé꞉nen tó꞉ka ó꞉ni otsiʼténhas akénhake,

Deuteronomy 4:27

Ne Roiá꞉ner kwáh ki tenhtsisewaréniate tsi nihatinakerénions ne tihononhontsà꞉tes, thóh nónhwe toʼkárat kók nítson iaʼtensewatá꞉tere.

Deuteronomy 7:7

“Ne Roiá꞉ner iáh tetsisewanorónhkwakwe ók í꞉se watsisewahiaʼtará꞉ko tiorí꞉wa tsi í꞉se sewentiohkowá꞉nen tsi ní꞉ioht nakorénshon nonhkweshón꞉ʼa; í꞉se naonhà꞉a kenʼnítsonhkwe nonhontsà꞉ke.

Joshua 7:25

Tánon ne Joshua wahénron, “Onhnonhtié꞉ren tsi thóh nió꞉re tsi taskwahawíten ne thahionkwahnikónhraren? Ne Roiá꞉ner énthion ne tahisaʼnikónhraren!” Onhkweʼtakwé꞉kon káti wahonwanenhióhiake ne Achan tsi nió꞉re iaʼthatikónhten; tánon ó꞉ni wahonwatinenhióhiake ne rahowá꞉tsire tánon wahonwanatiataʼtsáhathe ó꞉ni tsi nihoientaʼtseraiénthakwe.

1 Samuel 13:4

Nó꞉nenh ratikwé꞉kon nIsraerʼronónke saonahthónhtene nètho Saul tsi sakosénhnion ne ronwanahtsatonhtakwénhni ne Philistine, tánon kwáh ó꞉ni nètho Israerʼró꞉nons wahonwatíshon ne Philistine, nonkweʼshón꞉áhs tahonwatínonke nahonwatiá꞉taraʼse ne Saul thóh nón꞉we Gilgal.

1 Samuel 16:2

Ne Samuel wahén꞉ron, “Onhní꞉ioht tsi thóh iá꞉ke? Tó꞉ka ne Saul aharihwáronhke, ne raón꞉a kwáh kiʼ enhakenonwarhiákhon.” Tánon ne Roiá꞉ner wahén꞉ron, “Iatsaténhaf tionhnónskwaron owí꞉ra, tánon ensí꞉ron, ‘Tá꞉ke nahiʼiateskóntʼthase ne Roiá꞉ner.’

1 Samuel 27:1

Ne Táwit thá꞉hataneʼnontónhnionhse, “Ní꞉i kwáh ó꞉nen enkatiatháton kát꞉kek entewenhniseráteke thóh ratshanáke ne Saul; iáh kiʼ sén꞉ha teioiá꞉nere nakerihwá꞉ke ne thóh iakatekwásen tsi thóh nonhóntsaien ne Philistines; ehʼthóhʼne kiʼ ne Saul watanikonrón꞉ko tsi ratiatísaks thóh nón꞉we ne tsi karisthatáhtie NʼIsraerʼronónke, tánon thóh enshiʼniákenhse ne ratshanáke.”

1 Samuel 27:12

Ne Achish tawetákwenhne ne Táwit, tsi ranontón꞉nionskwe, “Tsi nahatatʼtiáhase kwáh í꞉ken tsi wahonwáson NʼIsraerʼró꞉nons; ne káti aoríhwa kwáh kiʼ tió꞉konte akenhá꞉tsera enkénhake ne rahón꞉ha.”