Genesis 34:11 - Ohiatonhseratokénti

¹¹ Ne Shechem kwáh ó꞉ni wahawènhahse ne Dinah roʼníha ó꞉ni ne áonha rontatekenʼokón꞉ʼahs, “Né kí꞉ken taskerihwaié꞉rits, tánon kwáh enkonkáriaʼkse tsi naʼtesatonhontsó꞉ni.

Genesis 34:11 ပူးပေါင်းရင်းမြစ်များ

Genesis 18:3

tánon wahén꞉ron, “Atiá꞉ner, tóka ne takanonhtonhnión꞉se ne thé꞉nen akeriʼwáhstahtonke ne sahén꞉ton, tóhsa satohétstahk tsi nón ní꞉reʼs ne sahnhá꞉tshera.

Genesis 32:6

Ne ratirihwakarénieʼs tsi thén꞉teron ne Jacob nionsahón꞉ne rontónnions, “Tsi thén꞉teron ne tsatateʼkén꞉ʼa Esau naʼtontaiákwe, tánon ó꞉nenk tá꞉re ne taetsatátken, tánon kaié꞉ri tewenʼniáwe nihá꞉ti ronnón꞉kwe skátne tahón꞉ne.”

Genesis 33:15

Eʼthó꞉ne ne Esau wahén꞉ron, “Tó꞉kati thoʼkàrah niháti nonhkweshónha né iakwahkwekonhátie í꞉seh konhionhkwé꞉ton.” Ók ne Jacob wahén꞉ron, “Onh nahó꞉ten aoríhwa natsiáner thóh niió꞉re tsi ahontahorihwaiérihke nakonhá꞉ke?”

Genesis 34:10

Eʼthó꞉ne ní꞉se enwá꞉ton ne kén꞉ʼen ahsiʼterón꞉take nonkwanakerahserá꞉kon skátne nonkwátiaʼkeʼs; kwáh tsi nentehsaská꞉neke tsi nón꞉we nahsiʼterón꞉take, kwáh satatewenní꞉io nahsatenhninonhseró꞉ten, tánon naesonhontsaièn꞉take.”

Genesis 34:12

Takwaró꞉ri nahó꞉ten natatawíhtshera tesatonhontsó꞉ni, tánon skariakʼtsherón꞉ni ne ioniákhe tonakónhake tsi nitehsaská꞉neks, kwáh entkón꞉ion tsi nenhseriʼwanón꞉ton; nek khók kíʼ náhskon ne nitiakoión꞉ha khekstén꞉ha aión꞉ton.”