Genesis 33:9 - Ohiatonhseratokénti

⁹ Ók né Esau wahén꞉ron, “Ó꞉nen iatewatiérise, tiathatéken; satewé꞉ienton tsi nahó꞉ten saien ne iateshiá꞉ti.”

Genesis 33:9 ပူးပေါင်းရင်းမြစ်များ

Genesis 27:39

Eʼthó꞉ne ne roʼníha Isaac waʼthorihwaʼserákwahse: “Satkáhtho, ne tsi tsí꞉teron aí꞉non niió꞉re entkénhake ne tsi kahehtaké꞉ronʼs ne iaweʼtowá꞉nen tká꞉nioʼs ne kaienthóhseraʼs tánon aí꞉non niió꞉re ítken ne karonhiá꞉ke ne é꞉neken nitewéhtha noʼaweiáhtshera.

Genesis 27:40

Ateriiohserà꞉ke nón꞉we nenhsatonhnhihsáksheke, tánon tsatateʼkén꞉a enhtshiótenʼhse; ók nó꞉nen ensehsatatewenní꞉ioʼne, tènhshiaʼke ne raohtienʼtaniáktha ne seniarà꞉ke.”

Genesis 27:41

Nón꞉wa ne Esau róhswenhskweʼ ne Jacob, ne iorihonní꞉ʼon ne kaiaʼtateríhtshera ne roʼníha tsi roiaʼtateríhston ne Jacob, tánon ne Esau raonhá꞉ke khók tsi wahén꞉ron, “Ne wentaténionʼs nahonwatshón꞉nionʼse ne rakeʼníha ákta taiawenonhtonhátie; eʼthó꞉ne kíʼ enhinonhwariá꞉kon ne iatiatateʼkén꞉ʼa Jacob.”

Genesis 33:10

Ne Jacob wahén꞉ron, “Iáh, konhianithénthase; thoʼka waketsénhri nahonkerientí꞉io tsi nó꞉kwah ní꞉se, eʼthó ká꞉ti tséna tsi nitkákʼkhawas ne katsanà꞉ke; asèken orihwihiohónwe nahiontkátho ne skonsàke kwáh né꞉ne iontkáthos tsi rahkón꞉sonhte né Rawenni꞉io, tsik sénhak wastiéna tsi nihiawehrientí꞉iot.

Genesis 4:9

Eʼthó꞉ne ne Roiá꞉ner wahawénhahse ne Cain, “Kaʼne tsheʼkén꞉á Abel?” Waʼtharihwaʼserá꞉ko, “Iáh tewakaterièn꞉tare; í꞉i ken wakaterihwaièn꞉ni nahiiatenʼnikón꞉raren ne iatiaʼtatekénha?”

Proverbs 16:7

Nó꞉nen entsheʼnikonhraié꞉rite Roiá꞉ner, enhskwé꞉ni ne iesáhswenhs ahsheiatenroʼserónnion.

Proverbs 30:15

Iakonekwenhsoʼtsi꞉reks tékeni teioiaʼtaseʼtsherá꞉ien, tetsà꞉ron “Táskon!” konwatí꞉iats. Kaié꞉ri niiorí꞉wake ne iáh nonwén꞉ton tshiataiotiié꞉rihseʼ:

Ecclesiastes 4:8

Né꞉ne ónhkak akahonháʼa khók iéteron. Iáh tehiakonekenteronhtsheráien, iáh tehiakothatekénhsen, ethohʼsáne tiotkonhónwe rohióthe, iáh nonhwénhton tehawerientí꞉hios tsi nihokwáhtse. Ónhka akoriwá꞉ke tsi niehótre tsi rohióthe tánon thaʼtatotʼthakwénhni nahatenikonhró꞉ri? Kí꞉ken kwáh iáh othénenh tehioríhonte, nònhne—tánon ioterihónkot né ní꞉ioht tsi ahiakónhnheke.

Acts 21:20

Nónen sahonwatahonsatáko, ratikwékon waʼthonwanonweráton ne Rawenni꞉io. Ehʼthóhʼne wahonníron, “Tewatatéken Kór, satʼkáthos thóh naʼtewenniawehetserásen nihiákon ne Sitaeró꞉nons taʼiakétakwe, tánon tsi nihathiriwakweniénstha ne kahianerénsera.

Acts 9:17

Sók kíʼ ne Ananias thóh wárete, hiahatáwehiaʼte tsi nónwe ténteron ne Saul, tánon hiatonʼnisnonsahéraʼse. “Tiathatéken Saul,” wahénron, “Roiá꞉ner rakathoʼrihátie nehne kwáh raónha—Ié꞉sos, tsi nahiathoʼtáshiaʼse nowaháke neh kén꞉en shonʼthesenonhátie. Tahakatóri nehne ahónton sékon ahonsáskenne ó꞉ni nashiàtanaʼne ne Ronikonratokénti.”

Philemon 1:16

Tánon nón꞉wa iáh ó꞉nen ne tésken tó꞉ka ken ne tsi rahnáskwa í꞉ken, onk kwáh íken tsi eshinónweh tsi shatésnha nón꞉wa kwáh kanó꞉ron tsi aʼtathekénshera í꞉ken tsi nokwáh ne Kerístos. Tsi niwé꞉so shatènahske nahkerihwá꞉ke! Tánon sénha wé꞉so shatènʼnaske ne sharihwà꞉ke, tetiarónkwen tsi ní꞉ioht tsi rahnáskwah ó꞉ni tsi aʼtathekénshera í꞉ken tsi nokwáh ne Kerístos!

Philemon 1:7

Ne shanonronhkwáhtshera, tehkanó꞉ronh tiatathéken, tonhtʼkhawí꞉ten wé꞉so ne ahtsénʼnonniá꞉tshera ó꞉ni iawehtowá꞉nen ne kahnikonrahniratʼtshera! Onhkweʼtakwé꞉kon wahsheiatonhnaheráse ne raoneriánhésons ne Rawenni꞉io rahonkweʼtahshón꞉a.