Genesis 33:10 - Ohiatonhseratokénti

¹⁰ Ne Jacob wahén꞉ron, “Iáh, konhianithénthase; thoʼka waketsénhri nahonkerientí꞉io tsi nó꞉kwah ní꞉se, eʼthó ká꞉ti tséna tsi nitkákʼkhawas ne katsanà꞉ke; asèken orihwihiohónwe nahiontkátho ne skonsàke kwáh né꞉ne iontkáthos tsi rahkón꞉sonhte né Rawenni꞉io, tsik sénhak wastiéna tsi nihiawehrientí꞉iot.

Genesis 33:10 ပူးပေါင်းရင်းမြစ်များ

Genesis 19:19

iorihowá꞉nen tsi nahskatié꞉raʼse tsi wahseʼniá꞉kenhte ne tsi kónhnhe; ók só꞉tsi aʼí꞉non í꞉tken ne tsi tionontahrónnionʼs, ne karihwaiesáhtshera entewakeʼrhó꞉roke tánon enkíheie nohén꞉ton neh nón꞉we iá꞉kewe.

Genesis 32:30

Katí ne Jacob neh watená꞉taien Peniel wahaná꞉tonhkwe, ratónnions, “Aseʼkénh Wahí꞉ken ne Rawenni꞉io ó꞉ni kwáh waʼtiatiatatkonhsatká꞉neren, ók kíʼ shé꞉kon neʼ tsi kónhnhe kanonhstá꞉ton.”

Genesis 33:11

Ahsatʼthonʼtátsheke tsénah nahkatathawí꞉tshera tsi tsesahawitenhni, tsioríhwa ne Rawenni꞉io tsi nithoriwaieri nakónhake, tánon thá꞉kawi akwé꞉kon tsi natewakatón꞉hontsoni.” Jacob wahó꞉rehke tánon wahá꞉iena.

Genesis 33:9

Ók né Esau wahén꞉ron, “Ó꞉nen iatewatiérise, tiathatéken; satewé꞉ienton tsi nahó꞉ten saien ne iateshiá꞉ti.”

Genesis 43:3

Ók Judah wahawènhahse, “Tho rón꞉kwe kwáh tho tsi nahshonkwahronká꞉ten, rá꞉ton, ‘Iáh thaonsaskwakónhsaken nek khók tókaʼ ken ne sewatateʼkén꞉ʼa entisewakwekonhátie.’

Genesis 47:29

Nó꞉nen ákta sí꞉weʼs ne Israel nahrénheie, iahó꞉nonke ne roién꞉ʼa Só꞉se tánon wahawènhahse, “Tókaʼ waketshénrion naontesarihwaié꞉rike ní꞉se, iaʼsahtsaʼnó꞉roʼk ne knitshó꞉kon tánon sahrhá꞉rats tsi ensarihwatokénhake tánon eniorihwiióhake nakonhá꞉ke. Tóhsa Egypt nón꞉we naʼtatiaʼtáta.

Genesis 50:4

Shontóhetste tsi rotshonʼniónhkwen, ne Só꞉se wahshakohtháhrhahse ne Pharaoh raonkweʼtaʼshón꞉ʼa, “Tókaʼ ó꞉nen ioiánere tsi ní꞉ioht tsi takwanonhtonnión꞉se, aesewathontátsheke kenʼ ní꞉ioht tsi ahtshisewahró꞉ri ne Pharaoh:

2 Samuel 14:24

Ne ronnontí꞉io wahén꞉ron, “Tserí꞉hon thóh iésreh tsi thóh nonshó꞉te; iáh tèkereh nahí꞉ken.” Káti ne Absalom tsi thohnónshoʼte nionsá꞉re, tánon iáh tiehawénon raohén꞉ton ne ronnontí꞉io.

2 Samuel 14:28

Káti ne Absalom kwáh kaʼnánon ne teioserá꞉ke Jerusalem nón꞉we nihanákereʼkwe, iáh nonwénton tiehawénon raohén꞉ton ne ronnontí꞉io.

2 Samuel 14:32

Ne Absalom watoriwaserá꞉kwahse ne Joab, “Shaʼsehiáran, iekoniateriwaʼnieténhni: kénʼen nahontá꞉se, neh nahónton iakoniaténiete ronnontí꞉ioke natserihwanónhtonhse, ‘Onhnontiéren tsi Geshur nón꞉we nitewakénon? Kwáh aioianerénhen shé꞉kon ní꞉i thóh nón꞉we nahontakiterónhtake.’ Ó꞉nenh kíʼ takeríhon thóh iéke ne ronnontí꞉io raohén꞉ton; tó꞉ka ní꞉i ahonkení꞉kon, Tserí꞉hon kíʼ nahakenonwarhiákhon!”

2 Samuel 3:13

Wahén꞉ron, “Ioiá꞉nere; kwáh enkónhni nateriwaseronniátsera skát꞉ne ní꞉se. Ók tsoríhwa khók enkonrihwanóntonhse ní꞉se: ní꞉se kwáh iáh nonwénhton thasataténeste nakʼkénhton nék khók tokàken entesheʼeeʼiaténhawe ne Saul sakoién꞉a Michal nó꞉nen ní꞉se entése nahontaskatʼkénhsera.”

Job Tánon ne Raoronhiakensera 33:26

Ienhaterén꞉naien Rawenhní꞉ioke, tánon enhawerienʼtí꞉io, tánon ne tsi rakónshonte enhiotonhnárake, tánon ne enshokariákten ne tsi nihorihwakwaríhshion.

Psalms 41:11

Ók né kíʼ kí꞉ken waʼkateriénhtare tsi tkonhnikonhraʼieríton; tsioríhwa ne iónkswens tsi iáh tehionkhesénhnion.

Jeremiah 31:2

Ne kahráhkonhs wakhenésten nètho ronhnónkwes tsi nikáien ne shonhatotharísion ne kenheiátʼne. Nónenh ne Israerʼró꞉nons wahonskáneʼke nahonnonhrisénhthaʼne,

Matthew 18:10

Seȣanikonrarak, tosa ietsikenron ne niieksatasa, aseken ȣakȣarori: kehiken raotironhiakeronon, tiotkon onȣe tehonȣakonsakanere ne Rakeniha karonhiake thenteron.

Revelation 22:4

kwáh enhonwakonsáken, tánon ne raosén꞉na thóh enkahiatón꞉ke rathikenkwarákes.

Ruth 2:10

Ruth onhwentsà꞉ke niió꞉re waʼtiontsà꞉kete iahonwatárhahse ne Boaz, “Oh niiotié꞉ren tsi teskwaʼnikónhrhare tánon oh niiotié꞉ren tsi enteskeriʼwaierítshe nonhwentsakaionʼró꞉non?”

1 Samuel 20:3

Ók kiʼ ne Táwit kwáh ó꞉ni waharihwanírate, “Ne ianí꞉ha roteriéntare ioiá꞉nere tsi roterién꞉tare ní꞉se tsi takenón꞉wes; tánon tsi nihanontónhnions, ‘Tó꞉sa rotókens ne Jonathan kíʼ, khéhs kwáh í꞉ken tsi enonikonrahkaréhwate.’ Ók oriwiʼiohónwe, tsi nihioʼriwí꞉io ne Roiá꞉ner tsi nirón꞉nhe tánon ní꞉se tsi nishón꞉nhe, thóh nón꞉we ók tsokháhak khók natehiatiátere tánon ne kenhé꞉ion.”