Genesis 32:30 - Ohiatonhseratokénti

³⁰ Katí ne Jacob neh watená꞉taien Peniel wahaná꞉tonhkwe, ratónnions, “Aseʼkénh Wahí꞉ken ne Rawenni꞉io ó꞉ni kwáh waʼtiatiatatkonhsatká꞉neren, ók kíʼ shé꞉kon neʼ tsi kónhnhe kanonhstá꞉ton.”

Genesis 32:30 ပူးပေါင်းရင်းမြစ်များ

Genesis 16:13

Hagar ʼontateriʼwanón꞉tonhse kí꞉ken kariʼwanontónhtshera, “Kwáh ónhte kenh rí꞉ken ne Ni꞉io tánon shé꞉kon nikónhnhe?” Iaʼtiorihwaién꞉taʼse niahoná꞉ton ne Roiá꞉ner né tsi ráonha rahthará꞉nihkwe ken kíʼ nikahsennó꞉ten “I꞉se né Sewenní꞉io né teská꞉nere.”

Genesis 28:19

Neh nón꞉we niwatenà꞉taien Bethel wahanà꞉tonhkwe; ók neh nón꞉we ne kanatowanén꞉ke Luz tkonwá꞉iatskwe.

Genesis 35:9

Ne Rawenni꞉io shé꞉kon sahototáhshien né Jacob nó꞉nen shaʼtontá꞉re ne Paddan-aram, tánon wahoiaʼtaté꞉riste.

1 Kings 12:25

Né Ronhnonhtí꞉io Jeroboam ne Israerʼró꞉nonke wathanathánake ne tsi kanáthaien ne Shechem né꞉ne tsi ionhnonhtharónhnions kanakeraseráien ne Ephraim tánon thóh nónhwe nikarihwésha iehanákereʼkwe. Ethòne ónenh sahathénhti tánon iahathenhenhrónhni ne tsi tkanátaien Penuel.

Exodus 33:14

Ne Roiá꞉ner wahénron, “Kwáh Í꞉i éntenʼne, tánon kwáh entkónhion natesenhniétshera.”

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Isaiah 9:5

Asèken akwé꞉kon ne raonhatashón꞉áhs ne ronterathaientáʼnionre ne ronterí꞉ios tánon akwèkon ne ahtseronniátsheras kawenónhni onekwensá꞉ke kwáh kí enwatsahá꞉tonke tsi ní꞉ioht noièn꞉te thóh otsirá꞉ke.

Numbers 12:8

Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

John 1:18

Iah nonȣenton onka tehonȣaken ne Niio; neh nakȣa Ronineha tsioiakenhon neh oni nenskat ok Roienha sonkȣarori neh nikarihoten.

1 Corinthians 13:12

Tsi nahóten nónwa tewatʼkáthos kwáh né teskaieróntare iáh tiaʼtethewakaraiéntas natatʼkentseráke: ehʼthóhʼne káti tenʼtewahtatʼkonsakánerake. Tsi nahóten nónwa wakateriéntare né꞉ne kwáh thiʼiokwenráhron; tsi iehiotók꞉the kwáh kíʼ oriwahkwékon enwahkateriéntarahne kwáh nónhwa tsi ní꞉ioht tsi rahtsientéri ne Rawenni꞉io.

2 Corinthians 3:18

Káti ne tewakonhsaʼkéhshon iáh teiotehrhó꞉ron. Iaweʼnéston tsi naʼteioswáthe ne Roiá꞉ner raoiaʼtateríhtshera, tsi ní꞉ioht tsi shontión꞉nis ne Roiá꞉ner Roʼnikonhratokénhti ne sénha taonsakaierón꞉tarake ne Shonkwaiá꞉ner raoiaʼtanehrakwáhtshera.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Galatians 1:6

Wakenerákwas! Tsi niʼiosthóre waʼtsisewatiakwarísi tsi nikáien ne ietsisewanáton rahotenretserákon ne Kerístos, tánon óia nikarihóten ne kariwí꞉io sehsewaiéna.

Ephesians 1:17

ó꞉ni rihriwanonthónnis ne Rahoní꞉io ne Sonkwaiáner Ié꞉sos Kerístos, ne rohiathanerákwat Kaníhsera, nahontatsítion ne kanikonraienthátsera, rahónha entsitsiónnien nahisewatʼthókʼkhake ó꞉ni natsisewarihotáshiase ne Rawenni꞉io rahoriwasónha, ehnahontáwe naʼtsisewaientérahne

Deuteronomy 34:10

Kwáh iáh nonhwénton ne ónhka akénhake ne rotokénhse thóh nahahiatoténhake tsi ní꞉ioht ne Mahís; ne Roiá꞉ner tenhitháren kwáh tehiatatkonhsakánere.

Deuteronomy 5:24

tánon wahonhní꞉ron, ‘Ne Roiá꞉ner Onhkwaní꞉io washonkwanaʼtónhase ne raoshatstenserowanátshera ó꞉ni ne raohiaʼtanerakwáhtshera nó꞉nen sahonkwaʼthóntehne tsi nithó꞉thare ne tsi ioʼtónkote! Nón꞉wa wenhniserá꞉te wahakatkátho tsi iothónhon nonhkweshón꞉a niahionthasónhteren nahiakónhnheke, iawerohá꞉tien ne Rawenni꞉io tsi washakotháhraʼse.

Colossians 1:15

Kerístos ne kwáh rohiatáken teskaierontáre ne iáh tehohiatáken Ní꞉io. Raónha ne tohenton rawenhnakeraton tsi nahoʼténsons kasahánion.

2 Timothy 1:10

Onk nónwah hionkwatenesténni tsi nitawénon ne Sonkwaiathákwas, Kerístos Ié꞉sos. Tehotáston nahosatsʼténsera ne kenhéion tánon tsi nitióha ne kariwí꞉io iawenéston ne ionnhehónwe atónnhets.

Hebrews 11:27

Tewehtákwen seh wahahónnien ne Mahís nahonsahanakeráko ne Egypt kwáh tósa thènen ahoteronníhake ne Ronontí꞉io rahonakwáhtshera. Tsi síken ní꞉ioht ne wahóken ne iáh theohiatáken Rawenni꞉io, iáh theothontáton nahosahókton.

Joshua 5:13

Tsi nikarì꞉wes ne Joshua ákta ne Jericho í꞉reskwe, thonthaiawénstsi wahóken rónhkwe rahohénton í꞉rathe, waʼsarowá꞉nen raháwe. Ne Joshua rahiatákta niaháre tánon wahoriwanóntonhse, “Í꞉se ken nénska akonhkwè꞉ta ne ronhterí꞉ios, katónken thetewatà꞉tsons?”

Judges 13:17

Manoah wathariwasehráko, “Takeniró꞉ri nahó꞉ten iesáiats, né káti nahónton ne takenirénhsaron nó꞉nenh ne sawénhna thóh nenhiáwenhne.”

Judges 13:18

Ne raronhiakeró꞉ron watharihwasehráko, “Onhnonhtséren tsi thetsathonhontsóni nahitsatheriénhtarane nahó꞉ten hiónhtsiats? Né꞉ne kasénhna ne ionerákwat.”

Judges 8:17

Tánon kíʼ ó꞉ni wahanikatiénenhte ne Penuel tánon washakononhwariakónʼnion ne thóh nónhwe kanatowanénhke ronhnónhkwe.

Judges 8:8

Ne Gideon Penuel niahawenonhátie tánon kwáh ne sáka tsi washakorihwanónhtonhse nonhkweshón꞉as né nónhwe, ók ne ronhnónhkwe ne Penuel kwáh nesàka tsi wathatirihwasehráko tsi ki ní꞉ioht ne Sukkoth.