Genesis 32:28 - Ohiatonhseratokénti

²⁸ Eʼthó꞉ne ne rón꞉kwe wahén꞉ron, “Kwáh kíʼ ó꞉nen iáh Jacob thaonsaiesanaʼtónhkhwake, ók Israel, aseʼkénh wetsaterí꞉io ne Rawenni꞉io ó꞉ni nonkwehshón꞉a, tánon kíʼ wahsatkwé꞉ni.”

Genesis 32:28 ပူးပေါင်းရင်းမြစ်များ

Genesis 17:15

Ne Rawenni꞉io wahawènhase ne Abraham, “Iáh ó꞉nen tetsó꞉wenk ne tesení꞉teron Sarai aonsashenaʼtónhkwake: ken ienwatáhsawen Sarah entsontatiátsheke.

Genesis 17:5

Iáh ó꞉nen Abram thaonsaiesaiátsheke, nók Abraham, asè꞉ken waʼkonión꞉nien í꞉se ne kaʼníhsera enhsá꞉ton ne iakotiohkowá꞉nen onkwehshón꞉ʼa.

Genesis 25:31

Ne Jacob wahén꞉ron, “Tasatié꞉renht takahtsakwaríhshiaʼs tsi nitisanakerá꞉ton naesaianerenhseraièn꞉take.”

Genesis 31:24

Ók ne Rawenni꞉io wahototáhshien ne Laban ne Aramró꞉non atetshenhserá꞉kon ne tsi niwahsón꞉tehskwe, tánon wahawènhahse, “Senikón꞉rarak tóhsa né tsowén꞉na tshénhahs ne Jacob, naioiánereke khehs naonhetkèn꞉take.”

Genesis 32:24

Ne Jacob raonhaʼstsíwa khók iéhsken; tánon rón꞉kwe waʼthiatatienenhá꞉ton tsi niió꞉re tawèn꞉teʼne.

Genesis 32:27

Sók kíʼ wahawènhahse, “Nahó꞉ten iesá꞉iats?” Tánon wahén꞉ron, “Jacob.”

Genesis 33:20

Thoʼnónwe warón꞉ni ne ietsenharáhkwa tánon né꞉ne El-Elohe-Israel wahanátonkwe.

Genesis 33:4

Ók ne Esau hiatarahtate Niatahoterate, tánon tahohiéna, tánon iahoniása tánon wathonoronhkwahniónton, tánon wathasénhtho.

Genesis 35:10

Ne Rawenni꞉io wahawènhahse, “Jacob iesá꞉iats; iáh kíʼ shé꞉kon Jacob thaonsaiesaiátsheke, nok kiʼ Israel entiesaiátsheke.” Sók kiʼ ne Rawenni꞉io Israel sahoná꞉tonhkwe.

2 Samuel 12:25

tánon iahaʼterihwániete ne ne rotokénhse Nathan iaharihwénhawe; káti ne raónha Jedidiah wahoná꞉tonhkwe, tsioríhwa ne Roiá꞉ner tsi ronnorónhkwa.

1 Kings 18:31

Tekeni-iawénhre nikanénhiakes wát꞉rakwe, né skanenhiátʼtsons né꞉ne shoʼtitsokwátʼtsons né tekeniʼiawénhre nihotiʼtsókwahkes né꞉ne ronhwathisenhnáwi ne Jacob sakohiohokónhas, né nètho rónhkwe tsi nikáien ne Rawenni꞉io riʼsenhnáwi Israel.

2 Kings 17:34

Shé꞉kon kíʼ ne ratísehre tsi nihotirihótens nón꞉wa nikaháwis. Iáh tehonwasénhnaiens ne Roiá꞉ner iáh ó꞉ni tehontewenhnarákwahs ne kaianerénhseras ó꞉ni ne karihwatátʼtseras tsi nitesakowíhon tsi nontahawatsirathátie ne Jacob, tsi rahónha Israel sonwasenhnáwi.

1 Chronicles 1:34

Né Akwérent roiénha Isaac theniʼiáse teonekenteronhtseraʼiéntaʼkwe, né꞉ne Esau tánon ne Jacob.

Proverbs 16:7

Nó꞉nen entsheʼnikonhraié꞉rite Roiá꞉ner, enhskwé꞉ni ne iesáhswenhs ahsheiatenroʼserónnion.

Isaiah 43:1

Ók nón꞉wa rá꞉ton ne Roiá꞉ner, rahón꞉ha ne iahiaʼiatíshon, Ó Jacob, rahón꞉ha ne iahiaʼtónhni, Ó Israel: Tó꞉sa sáteron, asèken í꞉i skoniʼakenton; Kwáh iekonhná꞉ton tsi nisasenhnó꞉ten, í꞉se naká꞉wenk í꞉ken.

Isaiah 65:15

Kwáh kí entiénhase né sasénhna né rihiatará꞉kwen né énratsʼte tsi nòkwah né karonhiakénhsera, tánon né Roiá꞉ner Rawenni꞉io kwáh kí enhianonwariá꞉kon; ók né raonhatserashónhas kwáh kí ó꞉ia nenhotisenhnoténhake.

Numbers 13:16

Né kí꞉ken ne ronhterihwató꞉rats ne Mahís iashaʼkoténiete nahonthonhontsatʼkenhséra. Wahosenhnaténi ne Hoshea né roʼiénha né꞉ne Nun ók Joshua sahonáhtonkwe.

John 1:42

Nok eh niiahoiatenhaȣe tsi ihtres ne Iesos: ȣahenron ne Iesos nonen sahoken: Ise ne Simon Jonas iahienha; Cephas entsiesanatonkȣake (neh sakat naiahiron oststenra).

Revelation 2:17

Ánion ne nónhka teionhontakáronhte iontahón꞉satat tsi nahó꞉ten ne Ronikonratokénhti ratónhnions ne tsi ionterenhnaientákwas. Ne nónhka ne rotesénhnion kwáh í꞉i enthí꞉ion ostón꞉ha ne washé꞉ton kanà꞉taro, tánon í꞉i kwáh enthí꞉ion ne kanenhiaráken, tánon thóh ne kanenhiará꞉kenʼne tsi kahiá꞉ton kaʼsénhnase ne né꞉tho iáh ónhka teiakoterénhtare ne khók rahonhatsí꞉wa tsi niká꞉ien nenhaié꞉na.

1 Samuel 26:25

Ehʼthó꞉ne ne Saul wahawénhase ne Táwit, “Sahiatateristón꞉hak, konién꞉ha Táwit! Ní꞉se kwáh wé꞉so iorihwákes tsi nenhsátiere tánon kwáh ensahiá꞉nerase.” Káti ne Táwit wahatʼthahítha ne tsi iohá꞉te, tánon ne Saul tsi thohnón꞉shote neh nionsáreh.