Genesis 32:26 - Ohiatonhseratokénti

²⁶ Eʼthó꞉ne wahén꞉ron, “Saskáhtkaʼf, aseʼkénh ó꞉nenh iohrhenʼenhátie.” Ók ne Jacob wahén꞉ron, “Iáh thaonsakoniáhtkaʼwe, tsik enhstiaʼtaté꞉rihste.”

Genesis 32:26 ပူးပေါင်းရင်းမြစ်များ

Genesis 32:25

Nó꞉nen ne rón꞉kwe saháttoke tsi iáh tahoʼshénni ne Jacob, rahiʼiá꞉ke tsi tehostón꞉tereh nón꞉we nahokón꞉reke; tánon ne Jacob iahatáhkwaʼte ne rahiʼià꞉ke tsi naʼtehonatatienén꞉ne.

Genesis 32:27

Sók kíʼ wahawènhahse, “Nahó꞉ten iesá꞉iats?” Tánon wahén꞉ron, “Jacob.”

1 Chronicles 4:10

Ók kíʼ né Jabez rahonháke ne sakoʼNí꞉io Nisraeʼró꞉nons nón꞉we iahaterénhnaien, “Tatiatatérist, Sewenní꞉io, tánon wé꞉so nohóntsa táskon. Tenikweʼkónhak tánon takenóns꞉tat tsi nòkwah ne othénen karihwák꞉sen né tó꞉sa akakwé꞉ni ahonkeronhiakéntaʼkwe.” Tánon kíʼ ne Rawenni꞉io tahá꞉wen tsi nahó꞉ten wahaterenhnaiénthaʼkwe.

Psalms 67:1

Aiáwenhs ne Rawenni꞉io aotanitenhratskónhake nontionháke tánon ashonkwahiatatériste tánon ahontahorihwaiérike tsi ashonkwatkátho. Selah

Exodus 32:10

Nónhwa, tó꞉sa sewateʼniénten ne taskwátasthe. Kwáh khenákwahse, tánon enkhehiátonhthe. Ethòne entsiónhnien níse tánon tsi niensatwatsiríne nahisewenhtiokowánenhke.”

Song of Songs 3:4

Kwáh ónwak sakehiatohétsʼten, Ónen sahihiatatsénri tsi nikáien ne ranorónhkwa nakatónnhets; Wahiʼiéna, tanon iáh teshiʼhiatʼkáwen Tsi nió꞉re ionsahihiaténhawe tsi tsakonónhshote nakenisténha, Tánon thoʼiahatsiatáwehiate tsi tionáktaien tsi nónhwe tewakatonhníson.

Song of Songs 7:5

Sathonkwahwéron, kwáh ne neh tsi ionónhte Carmel, Ne sanónhkwis, iotʼtakwahrísion tanon teiostarátʼte kahóntsi. Tsi niwatʼkathotserí꞉io ahónton ne tahorenhkénhni nónhkak ronhnonhtí꞉io.

Isaiah 45:11

Né aoríhwa rá꞉ton ne Roiá꞉ner, né nek khók Roiatatokénti í꞉ken Israerʼronónke, tánon rahónha raiatíson: Kwáh kén enskerihwanontonhniónhase tsi nó꞉kwah ne khehiohokónha, khés nasekró꞉ri tsi nikaiothenseró꞉ten ahontsióten ne katsaná꞉kes?

Isaiah 64:7

Kwáh káti iáh ónka tseienátons ne shasénhna, khés nahionteniénten naieshatiénawasʼte; asèken ní꞉se thakwatʼkonshasehténhni, tánon thóh waskwát꞉kaʼwe notshanàkes nonkwahrihwaneraháktshera.

Hosea 12:4

Raʼronhiakeró꞉non wahiaterí꞉io tánon wahatʼkwé꞉ni, wahthaséntho tánon wahoriwanón꞉tonhse ne kaiatateríhtshera; Bethel nón꞉we naʼthiatátken, tánon thóh nón꞉we natnithá꞉ren.

Romans 8:37

Iáh, kíʼ noriwakwékons kwáh ionkwáien natesenniéntsera rahonháke tsi nikáien neh shonkwanorónkwahon!

1 Corinthians 15:58

Éhʼtho káti, akwateroserahnórons, sewahriwaníronk ó꞉ni sewariwatokénhak. Tiotkonhónwe sewahtatiotenstónhak ne Roiá꞉ner rahoriwáhke, tsi ónenk sewahteriéntareh tsi nahóten ensewahióten ne Roiá꞉ner raoioténsera iáh nènne nonwénhton tsakaiéshia.

Deuteronomy 9:14

Tó꞉sa shateʼniénten ne tasektáste. Kwáh wakateʼnikonhrón꞉ni nakhehiátonte ne káti ne iáh ónhka nonhwénton nahonsahonwenhnehiá꞉rake. Ethò꞉ne ki í꞉se ne kaní꞉sera enkonhión꞉ni ne kentiohkowá꞉nen ó꞉ni sénha ratiʼshátstes tsi ní꞉ioht ne ronónha.’

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.