Genesis 32:25 - Ohiatonhseratokénti

²⁵ Nó꞉nen ne rón꞉kwe saháttoke tsi iáh tahoʼshénni ne Jacob, rahiʼiá꞉ke tsi tehostón꞉tereh nón꞉we nahokón꞉reke; tánon ne Jacob iahatáhkwaʼte ne rahiʼià꞉ke tsi naʼtehonatatienén꞉ne.

Genesis 32:25 ပူးပေါင်းရင်းမြစ်များ

Genesis 19:22

Ók tesasteríhen! Satèko! Iáh thaón꞉ton ne ohthé꞉nen nátiere tsi niió꞉re iénhsewe neh nónwe.” Tiorí꞉wa ne Lot tsi kenʼk nikanà꞉ta ronaʼtónhkwen, neʼthó kaná꞉taien ne konwanaʼtónhkwa Zoar.

Genesis 32:24

Ne Jacob raonhaʼstsíwa khók iéhsken; tánon rón꞉kwe waʼthiatatienenhá꞉ton tsi niió꞉re tawèn꞉teʼne.

Genesis 32:26

Eʼthó꞉ne wahén꞉ron, “Saskáhtkaʼf, aseʼkénh ó꞉nenh iohrhenʼenhátie.” Ók ne Jacob wahén꞉ron, “Iáh thaonsakoniáhtkaʼwe, tsik enhstiaʼtaté꞉rihste.”

Genesis 32:32

Katíʼ shé꞉kon nón꞉wa wenhniseraténion ne Israerʼró꞉nons iáh tehón꞉neks nhonítsha aoserenná꞉ta ne nohiʼià꞉ke nón꞉we tetkatsihkwahsón꞉tere, tiorí꞉wa tsi rahiʼià꞉ke nón꞉we nahokón꞉reke ne Jacob ne tsi tekák꞉hen ne rahnitshà꞉ke ioserennanentá꞉kon.

Isaiah 41:14

Tó꞉sa sáteronh, í꞉se notsinonwanhéta Jacob, í꞉se nontsinón꞉wa Israel! Kwáh kí enkonsniénon, rá꞉ton ne Roiá꞉ner; né shiaʼiatákwen né꞉ne Roiatatokénti khók í꞉ken ne Israerʼronónke.

Isaiah 45:11

Né aoríhwa rá꞉ton ne Roiá꞉ner, né nek khók Roiatatokénti í꞉ken Israerʼronónke, tánon rahónha raiatíson: Kwáh kén enskerihwanontonhniónhase tsi nó꞉kwah ne khehiohokónha, khés nasekró꞉ri tsi nikaiothenseró꞉ten ahontsióten ne katsaná꞉kes?

Matthew 26:41

Seȣatieȣaten nok seȣaterennaien ne tosa aeseȣanikonrasenni: Aseken kaiatasnore nonikonra nok ioiatakenheion noȣaron.

Matthew 26:44

Nok iah othenon tesakosteriston sekon isih niionsare, nok onen neh nasenhaton nahaterennaien, ok neh tontahatasaȣen.