Genesis 32:14 - Ohiatonhseratokénti

¹⁴ tékeni tewenʼniáwe nikón꞉ti kaiaʼtákeras otiʼnhéhtienʼs tánon tewáhsen nihá꞉ti kaiaʼtákeras ratí꞉tsiʼn, tékeni tewenʼniáwe nikón꞉ti teiotinaʼkarontón꞉ʼa otiʼnhéhtienʼs tánon tewáhsen nihá꞉ti ratí꞉tsiʼn,

Genesis 32:14 ပူးပေါင်းရင်းမြစ်များ

Genesis 30:43

Tho kiʼ ní꞉ioht ne Jacob tsi wahokwáhtsheʼne. Wé꞉so ronahskwaièn꞉tahkwe, ronnon꞉kwe tánon konnón꞉kwe roʼnhaʼtsheraièn꞉tahkwe, iotiniaʼkwáhere, ó꞉ni tewahónhtes.

Genesis 31:10

“Énska wenhniserá꞉tehkweʼ nó꞉nen ne otiʼnhéhtien kontitshé꞉nenʼs eniotinʼhrá꞉tariʼne onkatétshen tánon waʼkhé꞉ken nétho ratítsiʼn kaiaʼtákeras nenkon watiné꞉ronʼte rotihaténion ienhón꞉ton, tánon rotitsistohkwarónnion, tánon rotirahkwarónnionʼs.

Genesis 31:16

Akwé꞉kon nahtshokowáhtshera nétho Rawenni꞉io róhkwen ne shakeniʼníha Í꞉ʼi iontiawenkkénhen tánon ne iakhiioʼokón꞉ʼa; ó꞉nen káti tho ná꞉tsehr tsi nahoʼtén꞉shon ne Rawenni꞉io iahró꞉ri.”

Genesis 31:9

Rawenni꞉io sahonahskwakwenhá꞉ton ne tsiseniʼha, tánon Í꞉ʼi tontahakenahskwawíhon.

Genesis 32:13

Sók kíʼ thóh nón꞉we nahahsontí꞉iaʼke, Jacob waʼtehshakoiaʼtaiehstahshión꞉ko ne raotshenenʼó꞉konʼs ne nahonahskwawíhon ne iatateʼkén꞉ʼa Esau,

Genesis 32:15

áhsen niwáhsen nikón꞉ti ne kontinón꞉ta iotiniaʼkwáhere tánon nakotiioʼokón꞉ʼahs, kaié꞉rih-niwáhsen nikón꞉ti tiohnhónskwahronʼs tánon oié꞉ri nihá꞉ti ne ratí꞉tsiʼn, tewáhsen nikón꞉ti tewahónhtes tánon oié꞉ri nihá꞉ti tewahónhtes ratí꞉tsiʼn.

Genesis 33:11

Ahsatʼthonʼtátsheke tsénah nahkatathawí꞉tshera tsi tsesahawitenhni, tsioríhwa ne Rawenni꞉io tsi nithoriwaieri nakónhake, tánon thá꞉kawi akwé꞉kon tsi natewakatón꞉hontsoni.” Jacob wahó꞉rehke tánon wahá꞉iena.

Genesis 43:11

Eʼthó꞉ne ne ronwaʼníha Israel wahshakawènhahse, “Tókaʼ ó꞉nenk tsi tho neniohtónhake: ken kiʼ naʼsewá꞉iehr: sewaiá꞉rakonʼs sewatárion iaʼsewáhahf ne kwáh tekaiehstahshiónkwen ne ionkhwákwen tsi ionhontsá꞉ien, tánon tho nón꞉we iaʼsewáhahf ne iahtshítion ne rón꞉kwe—ostón꞉ha kén꞉ie, ostón꞉ha otsiʼnahkontahkwá꞉ne otsikhé꞉ta, ne iohnehtokhá꞉ʼon, ne orontákeri, iontiaʼtakonʼonhstáhkhwa, tánon niaʼtekahsó꞉kwakeʼs.

Job Tánon ne Raoronhiakensera 1:3

Tsá꞉ta niwenhniaweheʼtseráhsen nikóntikwe teiotinakarontòn꞉a, áhsen niwenhniaweheʼtseráhsen iothiniakwáehre, wísk tewenhniá꞉we nihioiánakes tehotinákares, wísk tewenhniá꞉we tewahòn꞉tes, tánon kwáh í꞉ken tsi ronatiohkowá꞉nen kanátseras. Tánon kwáh raón꞉ha thóh kwahtséne né skátne ratinákereʼkwe nonkweshón꞉as ne tsitkarahkwí꞉nekens nokwá꞉ti.

Job Tánon ne Raoronhiakensera 42:12

Ne Roiá꞉ner waʼhahiá꞉tateriste tsi ní꞉kon shé꞉kon roʼthenhniserathá꞉thenron ne Job sénha wé꞉so tsi nitiotón꞉ne nó꞉henton; tánon kaié꞉ri iawénre tewenhniawehetsheráhsen teiotinakarón꞉tonha roʼnaskwahièntakwe, ia-iak tewenhniawehetsheráhsen iotiniá꞉kwahere, énska tewenhniawehetsheráhsen nihioianakes ne tehonteniaró꞉roks teotinakares tionhnonskwahrons, tánon énska tewenhniawehetsheráhsen tewahóntes.

Proverbs 17:8

Ótiaʼke nón꞉kwe í꞉ienhreʼk tókaʼ entehswistakeʼtó꞉ten ne eniakohskátsten; tsi ni꞉iot tsi thonehtáhkwen akwé꞉kon ne enkakwatá꞉ko.

Deuteronomy 8:18

Sewehiá꞉rak tsi Roiá꞉ner sewaNí꞉io tetshisewá꞉wis ne kaʼshatsténhsera nahisewakwahtsè꞉ne. Thóh ki nihaié꞉ra tiorí꞉wa tsi shé꞉kon roriwató꞉ken nón꞉wa wenhniserá꞉te ne nateriwaʼseronhniá꞉tshera ró꞉shon skátke ne ietsisoʼthonkonhkén꞉en.

1 Samuel 25:2

Thóh nón꞉we ne Maon rón꞉kwe nihanákerehkwe, thóh neh nón꞉we thahontsaién꞉tahkwe ne Carmel nón꞉we. Nètho rón꞉kwe kwáh í꞉ken tsi rokwahtsekwe; áhsen tewenhniawehetseráhsen ronaskwaién꞉tahkwe teiotinakarontón꞉ʼa ó꞉ni kaiatákeras. Shakohʼnonwé꞉riakskwe ne teiotinakarontón꞉ʼa thóh nón꞉we Carmel.