Genesis 32:13 - Ohiatonhseratokénti

¹³ Sók kíʼ thóh nón꞉we nahahsontí꞉iaʼke, Jacob waʼtehshakoiaʼtaiehstahshión꞉ko ne raotshenenʼó꞉konʼs ne nahonahskwawíhon ne iatateʼkén꞉ʼa Esau,

Genesis 32:13 ပူးပေါင်းရင်းမြစ်များ

Genesis 13:16

Enkonhwatsiʼrón꞉nien tsi ní꞉ioht noʼkèn꞉ra né tsi ionhwentsá꞉te; né katíʼ tokáʼ ónhka aiekwé꞉ni naiónhshete noʼkèn꞉ra ne tsi ionhwentsá꞉te, ne sahwá꞉tsire enwá꞉ton kíʼ nón꞉neʼeh nahonwanáhshete.

Genesis 15:5

Átsteʼ niahoiaʼténhawe tánon wahén꞉ron, “Karonhiá꞉ke iaʼsatkáhtho tánon sáhset ne tsi iotsistohkwarónnion, toka enhskwé꞉ni nahsheiáhshete.” Eʼthó꞉ne wahawénhahse, “Thóh kiʼ nenhonatióhkwaske tsi nienhsathwatsí꞉rine.”

Genesis 18:2

wahatarakhétsko tánon áhsen nihá꞉ti ronnón꞉kwe wahshakó꞉ken raohén꞉ton thón꞉nete. Nó꞉nen shahshákó꞉ken, iahaiakénhstahkwe né tsi ieiontaweiaʼtáhkhwah naʼtóhsera niaʼtahshakóterahte, tánon ohontsà꞉ke iaʼthatshá꞉kete,

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

Genesis 32:14

tékeni tewenʼniáwe nikón꞉ti kaiaʼtákeras otiʼnhéhtienʼs tánon tewáhsen nihá꞉ti kaiaʼtákeras ratí꞉tsiʼn, tékeni tewenʼniáwe nikón꞉ti teiotinaʼkarontón꞉ʼa otiʼnhéhtienʼs tánon tewáhsen nihá꞉ti ratí꞉tsiʼn,

Genesis 33:10

Ne Jacob wahén꞉ron, “Iáh, konhianithénthase; thoʼka waketsénhri nahonkerientí꞉io tsi nó꞉kwah ní꞉se, eʼthó ká꞉ti tséna tsi nitkákʼkhawas ne katsanà꞉ke; asèken orihwihiohónwe nahiontkátho ne skonsàke kwáh né꞉ne iontkáthos tsi rahkón꞉sonhte né Rawenni꞉io, tsik sénhak wastiéna tsi nihiawehrientí꞉iot.

Genesis 33:8

Ne Esau wahén꞉ron, “Onh nahó꞉ten tsí꞉tons kíʼ ken tsi nihonahtiókwah watiakwahtátken?” Ne Jacob watharihwasehrahko, “Ne nahkhetshénhri nahtsianer nahontahakerihwá꞉wahse.”

Genesis 42:6

Nón꞉wa ne Só꞉se ráonha rakó꞉ra kén꞉ne ohontsakwé꞉kon ne Egypt; ráonha shakotenatsahninón꞉se ratikwé꞉kon nonkweʼshón꞉ʼahs ne tsi ionhontsá꞉ien. Tánon ne Só꞉se rontateʼkenokón꞉ʼahs tahón꞉ne tánon waʼthonwatentshóthaʼse ne raohén꞉ton tshiehatikònhsote nonhontsà꞉ke.

Genesis 43:11

Eʼthó꞉ne ne ronwaʼníha Israel wahshakawènhahse, “Tókaʼ ó꞉nenk tsi tho neniohtónhake: ken kiʼ naʼsewá꞉iehr: sewaiá꞉rakonʼs sewatárion iaʼsewáhahf ne kwáh tekaiehstahshiónkwen ne ionkhwákwen tsi ionhontsá꞉ien, tánon tho nón꞉we iaʼsewáhahf ne iahtshítion ne rón꞉kwe—ostón꞉ha kén꞉ie, ostón꞉ha otsiʼnahkontahkwá꞉ne otsikhé꞉ta, ne iohnehtokhá꞉ʼon, ne orontákeri, iontiaʼtakonʼonhstáhkhwa, tánon niaʼtekahsó꞉kwakeʼs.

Genesis 43:26

Nó꞉nen sonsá꞉rawe ne Só꞉se, tahón꞉ion natatawíhtshera ne thotiion꞉ton kanónhskon, tánon iaʼthonhtshá꞉kete nonhontsà꞉ke ne raohén꞉ton.

Nehemiah 4:13

Káti ne eʼtà꞉ke í꞉kens noná꞉ke ne tsi tewasónthote tánon ne tsi nón꞉we ne teiotskaráwens thóh wahkhéteron ne rahotiwá꞉tsires, skátne ne raonasarekó꞉was, ne raonashí꞉kwaras tánon ne raotihénnas.

Proverbs 17:8

Ótiaʼke nón꞉kwe í꞉ienhreʼk tókaʼ entehswistakeʼtó꞉ten ne eniakohskátsten; tsi ni꞉iot tsi thonehtáhkwen akwé꞉kon ne enkakwatá꞉ko.

Proverbs 18:16

Tesatonwenhtsó꞉ni kenh taietsatátken nónhka iehsennowá꞉nen? Ne sénha watié꞉sen iáhshawe tsi okʼnahò꞉tenk ahshé꞉ion.

Proverbs 19:6

Akwé꞉kon ionteʼniéntha ne è꞉neken thonátte aontón꞉sheke ahshakotirí꞉wawaʼse; akwé꞉kon ionhská꞉neks naiakotenroʼseraièn꞉take nónhka tehshakoná꞉wis ne kaiaʼtakehnháhtshera.

Proverbs 21:14

Tókaʼ ónhka iesanakhwá꞉se ahtasehtón꞉ke, tiok nahò꞉ten èntshon ne enkakwé꞉ni iaʼtenhshanaʼkwaieʼwèn꞉taʼne.

1 Samuel 25:27

Tánon nón꞉wa sheríhon ne kénʼen sanhá꞉tshera ne tahohawíten natiá꞉ner neh kiʼ thón꞉ion ne kén nithoʼiónha rónkwe tsi niʼkáien rononteráhtie natiá꞉ner.

1 Samuel 25:8

Sheʼriwanóntons ne kén nithotiʼiónsa, tánon kwáh eniesaró꞉ri. Ne káti aoríhwa ietsirí꞉hon nakonkweʼtashón꞉ʼahs kén nithotiʼiónshas nahotiʼianerenhseriʼióhake ne sahén꞉ton; asèken tsi wahákwahwe kwáh í꞉ken tsi wenhniserí꞉io nonkwahriwáke. Ahshathóntahte tashé꞉ion tsi nahisaién꞉tahke ne sanhatsheraʼókons ó꞉ni ne etʼtshièn꞉ʼa Táwit.’”