Genesis 32:10 - Ohiatonhseratokénti

¹⁰ Iáh thaʼtewakatén꞉tshon natié꞉na ne kenʼk ná꞉onske akwé꞉kon ne iorihwató꞉ken kanoronhkwátshera tánon akwé꞉kon ne iotokenhskeʼón꞉we nétho tsi nitshenaʼtón꞉ni ne sahnhá꞉tshera, aseʼkénh ne khók nakwatén꞉nits khá꞉wahkwe shaʼttiá꞉iaʼke kí꞉ken Jordan; tánon ó꞉nen tekentióhkwake wakítiohkwaientá꞉ʼon.

Genesis 32:10 ပူးပေါင်းရင်းမြစ်များ

Genesis 18:27

NʼAbraham waʼtharihwaʼserá꞉ko, “Toʼ í꞉i tekatáttahst ne taiakenihthá꞉ren ne Roiá꞉ner, ní꞉ʼi né khók noʼkèn꞉ra tánon ne waʼkenhrontákwen nitiaʼtó꞉ten.

Genesis 24:12

Wahaterèn꞉naien, “Saiá꞉ner, Tshení꞉io ne riioʼténhse Abraham, ahsathontátsheke táhskon kaianeráhtshera tsi nikatiéhrha nón꞉wa wenhniserá꞉te, ó꞉ni sé꞉nehst ne iorihwató꞉ken kanoronhkwáhtshera raonhá꞉ke ne riioʼténhse Abraham.

Genesis 24:27

tánon wahén꞉ron, “Tehonwanonhwerá꞉ton ne Roiá꞉ner, ne Raoní꞉io ne riioʼténhse Abraham, tsi iáh tehorihwanorón꞉on tsi rotienawáhston ne iorihwató꞉ken kanoronhkwáhtshera ó꞉ni tsi nihorihwató꞉ken tsi nonkwá ne riioʼténhse. Ók tsi nonkwá ní꞉i, ne Roiá꞉ner kwáh wahakhén꞉teʼse tsi nieiawé꞉non ne tsi thotinónhsote ne riioʼténhse raohwá꞉tsire.”

Genesis 28:13

Tánon ne Roiá꞉ner raiaʼtákta í꞉rate tánon wahén꞉ron, “Í꞉i ne Watiá꞉ner, ne ne Abraham iaʼníha Raoní꞉io í꞉ken ó꞉ni Raoní꞉io ne Isaac; né nonhwentsà꞉ke tsi nón꞉we nihshiaʼtión꞉nikwe kwáh í꞉se enkón꞉ion tánon tsi nienhsathwatsí꞉rine;

Genesis 28:15

Saterièn꞉tarak tsi tenikwé꞉kon ní꞉se tánon kwáh enkoniatenʼnikón꞉raren kwáh tsi nón꞉we nienhénhse, tánon tentkoniaʼténhawe ne kén꞉ʼen nón꞉we niionhóntsaien; aseʼkénh iáh seʼ thakoniatewèn꞉tehte tsi niió꞉re tho néntiere tsi nikonhrharatstén꞉ni.”

Genesis 30:43

Tho kiʼ ní꞉ioht ne Jacob tsi wahokwáhtsheʼne. Wé꞉so ronahskwaièn꞉tahkwe, ronnon꞉kwe tánon konnón꞉kwe roʼnhaʼtsheraièn꞉tahkwe, iotiniaʼkwáhere, ó꞉ni tewahónhtes.

Genesis 31:3

Eʼthó꞉ne ne Roiá꞉ner wahawènhahse ne Jacob, “Wáhs thóh ionsá꞉se tsi tionhóntsaien tsi thatinákerehkwe ne shehsothokonʼkénhen ó꞉ni ne sewatátenonhkweʼ, tánon kwáh entenikwekónhake.”

Genesis 32:5

tánon tehotinaʼkares wakenáhskwaien, tewahónhtes, teiotinaʼkarontón꞉ʼa, kaiaʼtákeras, tánon wakehnhaʼtsherá꞉ienʼs ne ronnón꞉kwe tánon ne konnón꞉kwe; tánon iaʼkheiaténniehte ne ratirihwakarénieʼs nahonwahró꞉ri ne riioʼtenhse, né naón꞉ton nahatatenaktóthahse taiatiatátken.’”

Genesis 32:7

Eʼthó꞉ne ne Jacob kwáh í꞉ken tsi teiotenonhianíhton tsi wahoteronhiènhten tanon waʼthaʼnikonhrhá꞉ren; tánon waʼtehshakokhahshión꞉ko nonkwehshón꞉ʼahs ne skátne ratikwekón꞉ne, ó꞉ni ne teiotinaʼkarontón꞉ʼahs tánon ne kaiaʼtákeras ó꞉ni ne tiohnhónskwaronʼs ó꞉ni ne iotiniaʼkwahere, tekentiohkwakehátie tsi wahshakotiohkón꞉ni,

2 Samuel 17:24

Ehʼthóhʼne ne Táwit iahá꞉rawe thoʼnón꞉we Mahanaim, tsi ná꞉he nenhʼné꞉e ne Absalom tánon ne ratikwé꞉kon nʼIsraerʼró꞉nons ronhnónkwe ne ratikwekonhá꞉tiene wathatiʼiá꞉iake ne Jordan.

2 Samuel 7:18

Ehʼthóhʼne ne Ronnontí꞉io Táwit iahatáweiaʼte tánon thóh wahanitskwáren raohénton ne Roiá꞉ner, tánon wahén꞉ron, “Ón꞉ka ní꞉i, Ó Saiá꞉ner, natwátsire, nètho ní꞉se tastsiaʼténhawe ne kén niió꞉re?

Job Tánon ne Raoronhiakensera 17:9

Ne rotiiáneres ronatienawáston tsi nihatiweienó꞉tens; tánon tsi niiá꞉kon ne iakotetsanatkwéniens iakoshatstenhenhátie nenhné꞉e.

Job Tánon ne Raoronhiakensera 8:7

Ethosà꞉ne tsi nithisatáshawe iáh tesatatkowánenhkwe, ki tsi niahisenonhátie kwáh ki eniokwátstonke.

Psalms 16:2

Waʼihiénhase ne Roiá꞉ner, “Í꞉se Natiá꞉ner í꞉ken; natianerétsera iáh tesanenhiakénhnies.”

Psalms 18:35

Raʼrihonniénhnis ne katshanákes nateriʼiósehra, ne ká꞉ti ne kenenhtiákes nakakwéni takassáhkete ne tehiotwís꞉taron otsínekwar karístatsi nahó꞉ten ionhniáton aénna.

Psalms 61:7

Aiáwenhs tió꞉konte ahonontí꞉ioke raohénton ne Rawenni꞉io; ne rohiatanóns꞉tat ne sáwenk iorihwatóken kanoronhkwáhtshera tánon ne sarihwaʼtokentítshera ahothenhnikonhráren!

Psalms 8:5

Ehʼthóhʼsáne tsi sehiatíshon ostón꞉ha entháke í꞉ken tsi nithonátʼthe ne ratironhiakeró꞉nons tánon ne waʼsehianonhwaróhroke ne kahiatanerahkwáhtsera tánon ne tekarénhsaron.

Psalms 84:7

Waʼhontóhetste ne waʼthenhenraiéntons nosténhras; “Rahónha ne Rawenni꞉io kwáh tsesakowenní꞉io nakorénhshons niʼiohokónhas.”

Psalms 85:10

Né iorihwaʼtó꞉ken kanoronkwáhtshera tánon ne orihwiʼiohónwe skát꞉ne ienhtsáton; né karihwaʼkwahrihshón꞉tshera tánon ne skénnon kwáh kíʼ thentsatatséna.

Proverbs 4:18

Kí꞉ken oháha ronthahí꞉ne thotirihwaié꞉ri thóh ní꞉ioht tsi shí꞉ken takarahkwínekenʼne, sénha teioswatheʼonhátie tsi niió꞉re entiehkè꞉ne én꞉wawe.

Isaiah 6:5

Tánon waʼkí꞉ron, “Enskatateriwásthen! Wakatsiathatónhon, asèken Í꞉i ne kónkwe ne iáh tehiotkwéniens ne kerihtsakes, tánon ne skát꞉ne iakwahnákere ne iáh tehiotʼkwéniens ne ratiritsákes; eʼthóhʼsàne ne kharàke ró꞉ken ne Ronnontí꞉io í꞉ken, né꞉ne Sakoiá꞉ner ne ronterí꞉ios ratironhiakeró꞉nons!”

Isaiah 63:7

Kwáh enskatʼró꞉ri tsi niʼkanoronhkwahtsenhrénhaʼwe ne raoʼhioténhseras ne Roiá꞉ner, tehiotonhontsóhon ne tahiontenonweráton tsi nihó꞉ienhre ne Roiá꞉ner, tsioríh꞉wa né norihwaʼkwékon nètho Roiá꞉ner tsi nishonʼkwahtiéraʼse, tánon né teiotenonʼianíton wahatenóronste tsi kanónshoʼte ne Israerʼronónke né tsi nisakonatón꞉ni né tsoianénha né raoʼtaniténhrat, né tsoianénha né iaʼwetatsáni né iorihwatóken raonoronkwáhtshera.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Luke 17:10

Eh kati oni nise niiot, nonen enseȣariȣaierite tsi neniestsinnhaon, seȣenron: iah othenon teiakȣatonron; aseken neki ok nonkȣaiotensera ionkȣaiotenhon.

Luke 5:8

Tsiniiot tsi ȣahatkatho ne Simon Tier, ȣathotontsothase Iesos, raton: Seȣenniio! Ehren asete ne kiatakta: aseken ȣakeriȣaneraakskon.

2 Corinthians 12:11

Kwáh í꞉ken tsi teiotenonhwarorí꞉tonte tsi nikatiehrháhkwe. Nok í꞉se iahshékreke ne nátiere. Í꞉se aowenʼkén꞉en ne ahskwatatiá꞉se. Tóka ní꞉ʼi iáh ónhka thé꞉nen teionkón꞉ni, shaʼté꞉ioht kiʼ tsi tho niwakkwénion tsi ní꞉ioht ne kwáh thonátte ne ronterihwahnó꞉tha.

Deuteronomy 8:18

Sewehiá꞉rak tsi Roiá꞉ner sewaNí꞉io tetshisewá꞉wis ne kaʼshatsténhsera nahisewakwahtsè꞉ne. Thóh ki nihaié꞉ra tiorí꞉wa tsi shé꞉kon roriwató꞉ken nón꞉wa wenhniserá꞉te ne nateriwaʼseronhniá꞉tshera ró꞉shon skátke ne ietsisoʼthonkonhkén꞉en.

1 Tiér 5:5

Kwáh ne saoríwa ne nitisewahiónsas ietʼtsikweniénstak ne thoʼtí꞉ions. Tánon kwáh sewakwékon teʼiothonwentióʼon naisewatenihiónten ne tkariwaiéri, tesewatateriwáhwas, Asèken wáhton nʼoriwatokénti, “Ne Rawenni꞉io sakonenrotánis ne hiontatónni, nók sakoténras ne ne ehtáke iakotatónh꞉ni.”