Genesis 31:7 - Ohiatonhseratokénti

⁷ eʼthó kíʼ sá꞉ne ne tshiseniʼníha wahakeʼnikonhrhá꞉ten tánon oié꞉ri niiorí꞉wake tonsahatá꞉ton nakkariá꞉tsheraʼs. Nok kiʼ ne Rawenni꞉io iáh tehorihwá꞉wi nahakkarewáhton.

Genesis 31:7 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 20:6

Eʼthó꞉ne atetshenhserà꞉kon ne Rawenni꞉io tsi wahohró꞉ri, “Hen, wakaterién꞉tare kwáh iáh tesateriahsaksá꞉ton kíʼ tsi eʼthóh náhshiere; í꞉si ó꞉ni nón꞉we kwáh seʼ Í꞉i waʼtkón꞉tahste né tóhsa ahserihwanéraʼke tsi nòkwa ní꞉i. Kwáh káti iáh tekonríhwá꞉wi né iahshíe꞉na.

Genesis 29:25

Né saʼóhrhenʼne, tsi Leah seʼ; tánon ne Jacob wahawènhahse ne Laban, “Nahó꞉ten kí꞉ken tsi nahstié꞉raʼse? Iáh kenh tsi konioʼténhse Rachel teiorihwá꞉ke? Oh katíʼ nontié꞉ren tsi wahskeʼnikonhrhá꞉ten?”

Genesis 30:28

Sená꞉ton tsi nihská꞉raiens, tánon entkón꞉ion.”

Genesis 31:24

Ók ne Rawenni꞉io wahototáhshien ne Laban ne Aramró꞉non atetshenhserá꞉kon ne tsi niwahsón꞉tehskwe, tánon wahawènhahse, “Senikón꞉rarak tóhsa né tsowén꞉na tshénhahs ne Jacob, naioiánereke khehs naonhetkèn꞉take.”

Genesis 31:29

Wakeʼshatstenhserá꞉ien nakonkaré꞉wahte; ók ne Raoní꞉io ne iaʼníha wahaktháhrhahse tshioʼkaráhsha, ratónnions, ‘Seʼnikón꞉rarak nétho tsi entstháhrhahse ne Jacob né naioianeréhake khehs naonhetkén꞉take.’

Genesis 31:41

Kí꞉ken tewáhsen niiohserá꞉ke sanónhskon kiʼterón꞉tahkwe: kaié꞉ri iawén꞉re niiohserá꞉ke nikarí꞉wes waʼkonióʼtenhse ne naón꞉ton aionkwániake ne tekeniiáhse sheioʼokón꞉aʼhs, tánon iá꞉iaʼk niiohserá꞉ke ne ne satshenenʼó꞉konʼs ahsekkariá꞉ten, tánon oié꞉ri níiorí꞉wake tonsahsatá꞉ton nakkariá꞉ktshera.

Nehemiah 4:12

Nó꞉nen ne shiʼtaéhró꞉nons ne thóh ákta ratinákere ronónha tahón꞉ne tánon wahonkhiièn꞉hase oié꞉ri niioríhwake, “Tsi nonwéhsons nisewanákeres ní꞉se kwáh khi tentísewe nontionháke.”

Job Tánon ne Raoronhiakensera 1:10

Iáh ken tetsiathenhenronhnién꞉ni ne rahiataʼtónhtie ó꞉ni ne tsi ronónshote tánon tehiowá꞉nen akwé꞉kon tsi nahothénsons ró꞉ien ne kwáh tsiknahothenhakénhake? Sahiatateríston tsi nihioiothén꞉en ne ratsánakes tánon ne raoienthátseras onhtehiáron ne tsi ionwenhtsá꞉ien.

Job Tánon ne Raoronhiakensera 19:3

Kí óié꞉ri nihiorì꞉wake ne washonhniáte naskeʼnikonrakaré꞉wate; iáh ken tesewatéhens tsi niskwahnowenhtanión꞉ni?

Job Tánon ne Raoronhiakensera 19:8

Ne Rawenni꞉io wahatenhenraién tsi watkhá꞉tatse ne káti ne iáh tatkwé꞉ni ne akatóhetste; tánon tahakáraste ne tsi wakhá꞉tatse.

Psalms 37:28

asèken ne Roiá꞉ner né ranónwes nahóten ne tkarihwaʼiéri; tánon iáh tashakotiakwaríshons ne rotirihwaʼtó꞉ken raonkwetaʼshónha. Kwáh tsi nénwe tsi enteshakóʼne, ók ne sakotiʼiohokónha ne ronhnonkwetaʼhétkens kwáh kíʼ nenhné꞉e enhonwanátonhte.

Isaiah 4:1

Tsáta nikón꞉ti konnónhkwe enhonwaʼiéna saiá꞉ta rónh꞉kwe ne thóh entewenhniseráteke; enkontónheke, “Kwáh í꞉i enhiákwahke nonkwáhkhwa tánon ne enhiákwatste ní꞉i onkwatsherónhnias; kwáh nék khók takwahríhon né aionkhinatónhkwahke ne shasénhna; éʼheren takwahakwíten nonhkwatehénsera.”

Isaiah 54:17

Iáh thaʼhóthen ne ionteriʼiostákwah ne kasahá꞉nion nahonteshatsiatónhti nahionhianerásthen, tánon kwáh sakʼthensehiónhni ne niaʼtewenhnásake ne tahontahatítaʼne naʼiesahnontánaʼke ne kariwenhthatsherákon. Né kí꞉ken ne raoʼnawenhkónwe ne raonhaʼtserashón꞉has ne Roiá꞉ner tánon né꞉ne raoʼnatesenhniétshera tsi nitsawénon nakonháke, rá꞉ton ne Roiá꞉ner.

Daniel 1:20

Iáh tewatsterístha oh nahò꞉ten ne ronnontí꞉io enhariʼwanónton tókaʼ ó꞉ni nahò꞉ten tahoʼnikonhrhá꞉rake, kí kaié꞉ri nihá꞉ti oié꞉ri naʼtekaiá꞉sere sénha ratirihwaienté꞉ris tsi ní꞉ioht ne shakonathiatonhseratkénse, tókaʼ ó꞉ni né kwáh rotiʼnikonhrowá꞉nens ne kwáh tsi nikanakeráhsera.

Leviticus 26:26

Kwáh entkhonkwí꞉iakʼse, nèkati noiéri nikónhti énskak khók iontenatharonhtákwa entsotiʼiéntake nakwékon akonhtenatarónhten tsi naʼtahionatonhontsóniʼke. Kwáh tenkonhtenónhianiʼte, tánon nó꞉nen akwékon sewanatará꞉kon, shé꞉kon kíʼ ensewatonhkarhiáseʼke.

Zechariah 8:23

Ne é꞉tho entewenhniserá꞉teke oié꞉ri nihá꞉ti ne thihononhontsá꞉tes kwáh iatenhonwahiatónko sahiá꞉ta Sitaeró꞉non ók enhonhní꞉ronh, ‘Tehionkwahtonwenhtsó꞉ni ne skatʼke tahitewahtháhakwe, tiorì꞉wa tsi wahakwahrónhke né꞉tho Rawenni꞉io tsi sehnikwé꞉kon.’”

Numbers 14:22

iáh ne saiáta kíken onhkweshón꞉ʼa thaʼonnónhnheke ne iahonhtáwehiate nètho nónhwe tsionhontsáien. Ronatkáthon natiaʼtanerakwáhtshera tánon ne iorihwanerakwahténions tsi niwakatierá꞉nion ne Egypt tánon ne karakhonkówa, ók shé꞉kon kíʼ tánon shé꞉kon wahonkateniénhten tsi wahatiʼrahiáthakwe nahionhkewénhnarakwe.