Genesis 31:2 - Ohiatonhseratokénti

² Tánon ne Jacob rattó꞉kahskwe ne Laban tsi iáh ehthó꞉tetsó꞉re teshatenroʼserí꞉io tsi nitiohtón꞉ne.

Genesis 31:2 ပူးပေါင်းရင်းမြစ်များ

Genesis 30:27

Ók ne Laban wahawènhahse, “Tóka enskeríhon nakí꞉ron, wakerihwatshénrion tsi naʼtewakatkónhston nétho Roiá꞉ner ratiaʼtateríhston ne tsi í꞉se iorihonní꞉ʼon.

Genesis 31:1

Né Jacob wahothón꞉teʼne ne Laban raonekenhteronʼtsheraʼshón꞉ahs rontónnions, “Ne Jacob kwáh akwé꞉kon iehóha tsi nahó꞉ten roièn꞉tahkwe ne tsi tewaʼníha; akwé꞉kon wahaié꞉na ne raotshokowátshera tsi nihowenhkénhen ne tshitewaʼníha.”

Genesis 31:3

Eʼthó꞉ne ne Roiá꞉ner wahawènhahse ne Jacob, “Wáhs thóh ionsá꞉se tsi tionhóntsaien tsi thatinákerehkwe ne shehsothokonʼkénhen ó꞉ni ne sewatátenonhkweʼ, tánon kwáh entenikwekónhake.”

Genesis 31:5

tánon wahshakawènhahse, “Kattó꞉kas ne etshiseniʼníha tsi iáh eʼthó tetsó꞉re teshatenroʼserí꞉io tsi nokwá ní꞉i tsi nitiohtón꞉ne. Nok kiʼ ne rakeʼníha Raoní꞉io tsi iakenikwekonhátieʼskwe.

Genesis 4:5

nók ne Cain tsi nontahá꞉ieste ne Roiá꞉ner kwáh iáh tehokweniénhston. Kí ne Cain kwáh í꞉ken tsi wahoná꞉khwen, tánon wahatkonwaráksate tsi nahoná꞉khwen.

Exodus 4:10

Ók ne Mahís wahénron, “Iáh, Saiá꞉ner, tó꞉sa iaskató꞉ri. Iáh nonhwénhton tehioiánere tsi tekatátis, tánon iáh ó꞉ni tewakeweienʼtetáʼhon tsi náhe tisathásawe takʼthaʼráhni. Kwáh íken tsi wahkíten tsi ní꞉ioht tsi katátis, wakewenhnaʼkenhéion tánon tethewakenikónhrahke.”

Daniel 3:19

Eʼthó꞉ne ne Nebuchadnezzar iahótonse tsi nahonákhwen, tanon ne rakonhsà꞉ke kwáh onekwénhtara naʼáwenʼne tsi nahshakonákhwaʼse ne Shadrach, Meshach, tánon ne Abednego. Sók ki wahatén꞉naʼne tsá꞉ta niiorí꞉wake sénha ahonʼtharihá꞉ton ne karístatsi.

Deuteronomy 19:4

Tó꞉ka iáh thashaʼnikonhrón꞉ni nahonshasateriwatéwahthe né꞉ne iáh thatetsatà꞉tions, enwá꞉ton kak tsi nikaná꞉take niaháse tánon ensehniá꞉kenhne.

Deuteronomy 28:54

Iekaníhare ne kwáh rothonkwetatkwéniens ó꞉ni thoriwaié꞉ri tsi ní꞉ioht tsi rawenhnakerá꞉ton tho nió꞉re tsi enhaʼnikonhrókten tsi nikarì꞉wes tehonwatiná꞉thanen kwáh otià꞉ke ne sakohioʼokón꞉as enshakowárake tiorì꞉wa tsi iáh thahó꞉ten teshokhwáien. Akwé꞉kon iáh tahahohétsthase ne iathateʼkénha tó꞉ka ó꞉ni ne kwáh sakonorónhkwa ró꞉ne tó꞉ka ó꞉ni tsi nihá꞉ti iateshonathaténron ne sakohioʼokón꞉a.

1 Samuel 19:7

Káti ne Jonathan iahó꞉nonhke ne Táwit tánon orihwakwékon wahorihókʼtahse. Ethò꞉ne ne Jonathan iahohiaténhawe ne Táwit raohénton ne Saul, tánon ne Táwit wathorihwásnieʼse ne Saul tsi kiʼ niʼiotónhne ne tsiotierénhton.