Genesis 31:1 - Ohiatonhseratokénti

¹ Né Jacob wahothón꞉teʼne ne Laban raonekenhteronʼtsheraʼshón꞉ahs rontónnions, “Ne Jacob kwáh akwé꞉kon iehóha tsi nahó꞉ten roièn꞉tahkwe ne tsi tewaʼníha; akwé꞉kon wahaié꞉na ne raotshokowátshera tsi nihowenhkénhen ne tshitewaʼníha.”

Genesis 31:1 ပူးပေါင်းရင်းမြစ်များ

Genesis 30:43

Tho kiʼ ní꞉ioht ne Jacob tsi wahokwáhtsheʼne. Wé꞉so ronahskwaièn꞉tahkwe, ronnon꞉kwe tánon konnón꞉kwe roʼnhaʼtsheraièn꞉tahkwe, iotiniaʼkwáhere, ó꞉ni tewahónhtes.

Genesis 31:2

Tánon ne Jacob rattó꞉kahskwe ne Laban tsi iáh ehthó꞉tetsó꞉re teshatenroʼserí꞉io tsi nitiohtón꞉ne.

Genesis 31:43

Eʼthó꞉ne ne Laban waʼtharihwaʼserá꞉ko tánon wahawènhahse ne Jacob, “Ne kheioʼokón꞉ʼa tsonathonwí꞉senʼs Í꞉i kheioʼokón꞉ʼahs, ne ratiksaʼokón꞉ʼahs Í꞉i kheioʼokón꞉ahs, né kontitshé꞉nenʼs Í꞉i akitshenenʼó꞉konʼs, tánon akwé꞉kon tsi nihsatkáhthos Í꞉i akwá꞉wenk. Ók oh nahó꞉ten akkwé꞉ni tsi nátiere nón꞉wa wenhniserá꞉te tsi nonkwá kí꞉ken tsonathonwí꞉senʼs kheioʼokón꞉ʼahs, khehs tsi nonkwá ne akotiioʼokón꞉ʼahs ne iakonennakerátston?

Genesis 45:13

Ó꞉nenk tsi enhtshisewahró꞉ri ne rakeʼníha tsi nonkwá natiaʼtanehrakwáhtshera tsi kén꞉ʼen í꞉keʼs Egypt, tánon ne orihwakwé꞉kon tsi nesewatkáhtho. Tesewasteríhen tánon kén꞉ʼen nontatshisewaiaʼténhaf ne rakeʼníha.”

Esther 5:11

Raotihén꞉ton tsi waʼthataterènhsaron tsi nihokwáhtshe, tánon tsi nihá꞉ti rotiskenʼrakéhta rowí꞉raien tánon ne ronontí꞉io tsi sénha é꞉neken tsi sahorihón꞉ten tánon tsi niió꞉re tsi raónha sénha é꞉neken roteríhonte tsi ní꞉ioht ne ronátiaʼke ronaterihón꞉ton.

Job Tánon ne Raoronhiakensera 31:31

Tó꞉ka kak tsi ní꞉kon nakatoseraʼshón꞉ʼas nonhwén꞉ton ahionénhke, ‘Ónhka káti nenhné꞉e ne iáh nonhwénton iáh tahiakawerienʼtí꞉iohon ne rahowá꞉ron!’—

Psalms 17:14

tsi nó꞉kwah ne ronhnón꞉kwes o saiá꞉ner tsi nenhtewe ne shatsá꞉nake, tsi nó꞉kwah ne ronón꞉kwe ne kenʼen ionwenhtsá꞉te. Aiá꞉wens ahònhtenekwenhtí꞉ke ne ne tsi nisheiá꞉teweièn꞉tonhni; aiá꞉wenhs iatahóhtiierise ne sakotiièn꞉okón꞉ʼa tánon ahonwahnenhrá꞉se khahó꞉tenk ne iesesakotiiohó꞉konʼa!

Psalms 57:4

Kwáh tehionkehonwaʼrónhni ne iónkshons, ne ronhnónha thóh nihatihiatóten tsi ní꞉ioht ne ónhkwe sakotiwáʼraks kénreks. Ne tsi ratinotsiótons kwáh né꞉ne osìkwe tánon kaiénkwires, né ronhnasákes kwáh né꞉ne iosarotí꞉ie.

Proverbs 14:30

Nanonhtonniónhtshera skén꞉nen tkáhas naesataʼkarí꞉teke, nok ne ateʼkefáhtshera ne shá꞉ka ne takwaʼáhsen.

Proverbs 27:4

Kanaʼkhwénhsera iakokarón꞉nis tánon enkahwatsirahríhsi iáh kiʼ ne thaʼtáhseren ne ateʼkehfáhtsera.

Ecclesiastes 4:4

Onhkaterientarahnèʼna káti ó꞉ni nonhtséren nónhkwe tsi niehiakótre iakohióthe né꞉ne ahiakohianerásten: Né aoríhwa né tsi rothinósen tsi nahoténsons ne tehonnonhsanékens rotí꞉ien. Ók iáh kíʼ thén꞉nenh tekástha. Thóh ní꞉ioht tsi ní꞉ioht ne owéra konhwá꞉sehre.

Isaiah 5:14

Né꞉se wahón꞉ni ne tsi tsiohontsáien ne kenhéion kwáh í꞉ken tsi watonkáriaks tetsiotskaráwenh niahiakotsatanékwahne; ne ratiʼsenhnowánens ne Jerusalem tánon nahonkwetashón꞉ʼahs ronatsiokowánen thóh iehonsnénhtha, nahotsió꞉kwas tánon ratikwékon nahonháke nón꞉we nihonatʼtsenhnakaratáton.

Jeremiah 9:23

Ne Roiá꞉ner ráton, “Kíʼ attokháhtshera iáh tehiówenhk ne tahathirénsahron ne rahothinikonrowahnátshera, tóh꞉ka ó꞉ni tsi nikashástsʼte ne raothishastsʼténsera, tóh꞉ka ó꞉ni tsi ne iókwats ne raonatʼtsokohwátshera.

Ezekiel 16:44

Ne Roiá꞉ner wahénron, “Nonhkweshón꞉a né kí꞉ken atʼrohrhiátshera énhionsthe tsi nòkwah ní꞉se, Jerusalem: ‘Tsi nihiakorihó꞉ten ne kanisténsehra thóh kíʼ nònhʼne nihiakorihó꞉ten ne akoiénha.’

Matthew 4:8

Sekon notkon tionontoȣanen niionsahoiatenhaȣe, nok Onȣentsiakȣekon ȣahonatonhase, oni tsiniiotieren ne tekarensaron;

1 Timothy 6:4

neh rothateweraʼten kanaiésera tánon kwáh iáh thènen tehotheriéntareh. Kwáh nek raskanéktha ne tahariwahkéna ó꞉ni tahariwahwénron tsi nókwa ne owennasónhas, tánon neh kí꞉ken tkáhas ne kanosástsera, aterihotarótʼtseras, ahiontatenikonráksaʼte, karihwáksen tsi tetsiakonikónrake,

Titus 3:3

Asèhken ontionhá꞉a ó꞉ni iehiotherátsʼton tionkwatonʼnótʼthakwe, iáh theʼtewahtewennaráhkwaʼkwe, tánon thehionkwaterientawénrie. Tewahnáskwa kèn꞉ne tsi nòkwa ne onkwaskanektsheraʼókon ó꞉ni ne niatékon ahtenikonrohriátsheras ne kwáh tsík nahiotónhake. Kanhakwatserákon nón niʼionkwatiesatonhátieskwe tánon ne kahnoshátshera; ne rohnatsiakhésons ionkhísons tánon ní꞉i ietʼthísons.

1 Tiér 1:24

Tsi niwáton ne noriwatokénti, “Onkwetaʼkwékon seh óhonte nahatiʼiatótens, tánon akwékon ne rahotiʼiatanerakwátsera tsi ní꞉ioht tsi iotsítsionte ne kahentàke. Nóhonte wastátʼthens, notsítsa watashó꞉kwas,