Genesis 30:43 - Ohiatonhseratokénti

⁴³ Tho kiʼ ní꞉ioht ne Jacob tsi wahokwáhtsheʼne. Wé꞉so ronahskwaièn꞉tahkwe, ronnon꞉kwe tánon konnón꞉kwe roʼnhaʼtsheraièn꞉tahkwe, iotiniaʼkwáhere, ó꞉ni tewahónhtes.

Genesis 30:43 ပူးပေါင်းရင်းမြစ်များ

Genesis 12:16

Tánon áonha aorí꞉wa ne Pharaoh tsi niió꞉re tsi waʼthorihwáhshniese ne Abram; tánon wahonaʼhskwawíhon ne teiotinaʼkarontón꞉ʼa, teotiná꞉kares, tewahónhtes ratí꞉tsiʼn, ó꞉ni ne rotiskenʼhrakéte tánon ne tsonathonwí꞉sens kontiʼnhá꞉tsheraʼs, otiʼnhétienʼs tewahónhteʼs, tánon ne iotiniaʼkwáhere.

Genesis 13:2

Ó꞉nenh kíʼ ne Abram kwáh í꞉ken tsi rokwahtshé꞉hon tsi nonkwá ne kontitshé꞉nenʼs, ó꞉ni ne kahwistarà꞉ken, tánon nohwistanoronʼshón꞉ʼa.

Genesis 24:35

Ne Roiá꞉ner kwáh tshieiorihwakwé꞉kon tsi roiaʼtateríston ne riioʼténhse tánon wahronkweʼtowáhnha. Teiotinaʼkarontón꞉ʼa tánon kaiaʼtákeras, tionhónskwaronʼs ronahskwawíhon, kahwistarà꞉kenʼs tánon ohwistanó꞉ronʼs, tánon ne rotiskenʼrakéhteʼs ó꞉ni tsonathonwí꞉senʼs ratihnhá꞉tsheraʼs, iotiniaʼkwáhere tánon ne tewahónhteʼs.

Genesis 28:15

Saterièn꞉tarak tsi tenikwé꞉kon ní꞉se tánon kwáh enkoniatenʼnikón꞉raren kwáh tsi nón꞉we nienhénhse, tánon tentkoniaʼténhawe ne kén꞉ʼen nón꞉we niionhóntsaien; aseʼkénh iáh seʼ thakoniatewèn꞉tehte tsi niió꞉re tho néntiere tsi nikonhrharatstén꞉ni.”

Genesis 30:30

Kenʼk ní꞉kon sanahskwaièn꞉tahkwe nohén꞉ton sà꞉kewe, ó꞉nen nón꞉wa wé꞉so sanáhskwaien, tánon ne Roiá꞉ner iaiaʼtateríhstha kwáh tsi nienkatié꞉raʼte. Ók ó꞉nen kiʼ iaʼkáhewe ne takheiaterienʼthá꞉ren nakwá꞉tsire.”

Genesis 30:42

nok iáh neʼ tehshakoʼnhahtontié꞉se ne iotitsiʼió꞉haʼs kontitshé꞉nenʼs; katíʼ ne iotitsiʼió꞉haʼs Laban ne raotshenenʼó꞉konʼs, tánon ne ionataʼkarí꞉teʼs Jacob ne raotshenenʼó꞉konʼs.

Genesis 31:1

Né Jacob wahothón꞉teʼne ne Laban raonekenhteronʼtsheraʼshón꞉ahs rontónnions, “Ne Jacob kwáh akwé꞉kon iehóha tsi nahó꞉ten roièn꞉tahkwe ne tsi tewaʼníha; akwé꞉kon wahaié꞉na ne raotshokowátshera tsi nihowenhkénhen ne tshitewaʼníha.”

Genesis 31:42

Tóka sí꞉ken ne Raoní꞉io ne rakeʼníha, ne Raoní꞉io ne Abraham ó꞉ni ne Rawenni꞉io nétho Isaac rotshá꞉niskwe, ne iáh í꞉i thaontahakerí꞉wawaʼse, orihwíioʼón꞉we nón꞉wa tsi akwahtsaʼnóskon tsi aonsahskwateʼkwáhton. Rawenni꞉io wahatkáhtho tsi naʼtewakaʼnikónhrahre ó꞉ni tsi niiohní꞉ron tsi niwatioʼtén꞉en, tánon ne shioʼkaráhsha wahiarihwènhthahse.”

Genesis 32:10

Iáh thaʼtewakatén꞉tshon natié꞉na ne kenʼk ná꞉onske akwé꞉kon ne iorihwató꞉ken kanoronhkwátshera tánon akwé꞉kon ne iotokenhskeʼón꞉we nétho tsi nitshenaʼtón꞉ni ne sahnhá꞉tshera, aseʼkénh ne khók nakwatén꞉nits khá꞉wahkwe shaʼttiá꞉iaʼke kí꞉ken Jordan; tánon ó꞉nen tekentióhkwake wakítiohkwaientá꞉ʼon.

Genesis 32:14

tékeni tewenʼniáwe nikón꞉ti kaiaʼtákeras otiʼnhéhtienʼs tánon tewáhsen nihá꞉ti kaiaʼtákeras ratí꞉tsiʼn, tékeni tewenʼniáwe nikón꞉ti teiotinaʼkarontón꞉ʼa otiʼnhéhtienʼs tánon tewáhsen nihá꞉ti ratí꞉tsiʼn,

Genesis 32:5

tánon tehotinaʼkares wakenáhskwaien, tewahónhtes, teiotinaʼkarontón꞉ʼa, kaiaʼtákeras, tánon wakehnhaʼtsherá꞉ienʼs ne ronnón꞉kwe tánon ne konnón꞉kwe; tánon iaʼkheiaténniehte ne ratirihwakarénieʼs nahonwahró꞉ri ne riioʼtenhse, né naón꞉ton nahatatenaktóthahse taiatiatátken.’”

Genesis 33:11

Ahsatʼthonʼtátsheke tsénah nahkatathawí꞉tshera tsi tsesahawitenhni, tsioríhwa ne Rawenni꞉io tsi nithoriwaieri nakónhake, tánon thá꞉kawi akwé꞉kon tsi natewakatón꞉hontsoni.” Jacob wahó꞉rehke tánon wahá꞉iena.

Genesis 36:7

Aseʼkénh só꞉tsi wé꞉so rotiientahtsheraièn꞉tahkwe ne skátne ahninákereke; nonhóntsa tsi nón꞉we nihninákere iáh thakakwé꞉ni ne taiakóhshnieʼne tiorí꞉wa tsi wé꞉so rotinahskwaièn꞉tonʼs.

Ecclesiastes 2:7

Wéso waknínon ne rathináhtsheras, tánon né rathináhtsheras wahotiwiraientháseron nakenónhskon. Sénha í꞉i wé꞉so wakenaskwahiénthaʼkwe tsi ní꞉ioht nónhkak akóren né Jerusalem nonhwénhton ahienáhkereke.

Ezekiel 39:10

Iáh thaʼtehiothonhotióhon nahathiʼienthorónhko ne kahentákes ó꞉ni nahathironhtsáke ne karahkónhsons, tioríhwa tsi né꞉ne watewenhthétons ne ionteriʼiosthákwa enhontekátaʼkwe. Kwáh enhatinenhskweháton ó꞉ni enshá꞉konahtserónhkwen tsi nikáien ne ronhwahtinenhskwenháton ó꞉ni ronhwanahtserónhkwenhni.” Ne Ronhnontí꞉io Roiá꞉ner wahatáti.

Luke 12:45

Nok tanon tokat nonȣa netho kannhatsera enhenron, ne rahonikonrakon: Iah se naha iosnore tatahontare ne Roianer: nok enthatatasaȣen enshakosokȣaȣesson asakokenrenseronni oni ne ratinnhatsera, oni kontinnhatsera, nok ne raonha, ahanekira, tahastskaon, nok ahatatenonȣaratonte.