Genesis 30:31 - Ohiatonhseratokénti

³¹ Wahén꞉ron, “Oh nahó꞉ten aontakón꞉ion?” Jacob wahén꞉ron, “Kwáh iáh thahó꞉ten thaontáhskon; kwáh shé꞉kon tensekkhéhshnieʼne ne satshenenʼó꞉konʼs tánon enkheiatenʼnikón꞉raren, tókaʼ ahsathón꞉tate tho kí꞉ken naʼtakatié꞉raʼs:

Genesis 30:31 ပူးပေါင်းရင်းမြစ်များ

Genesis 30:30

Kenʼk ní꞉kon sanahskwaièn꞉tahkwe nohén꞉ton sà꞉kewe, ó꞉nen nón꞉wa wé꞉so sanáhskwaien, tánon ne Roiá꞉ner iaiaʼtateríhstha kwáh tsi nienkatié꞉raʼte. Ók ó꞉nen kiʼ iaʼkáhewe ne takheiaterienʼthá꞉ren nakwá꞉tsire.”

Genesis 30:32

Takeríhon nakheiahthoʼtión꞉ko ne satshenenʼó꞉konʼs nón꞉wa wenhniserá꞉te, é꞉ren enkheiaʼtenhá꞉wihte ne iotitsistohkwarónnionʼs tánon ne iotirahkwahrónnionʼs teiotinaʼkarontón꞉aʼhs tánon kontikwé꞉kon ne kontihón꞉tsiʼs teiotinaʼkaróntón꞉ʼahs owiraʼshón꞉ʼa, tánon ne iotirahkwarónnionʼs ó꞉ni ne iotitsistohkwarónnionʼs ne skátne rón꞉neʼs kaiaʼtákeras; thok thí꞉ioht ne kakariá꞉ktshera tsi tewakatonhontsó꞉ni.

Psalms 118:8

Sénha ne ioiánere Roiá꞉ner nokwáhti iasatekwáhsen tsi ní꞉ioht nahisanikonraʼníronhke rononháke ne ronhnónkwe.

Hebrews 13:5

Tóhsa sewahwistanorónkwak, nók sewaktsennonníhak tsi nahoténson sewáhien. Asèken ráwen ne Ní꞉io, “Iáh nonwénton tiakonhiatewénhtethe; iáh nonwénhton tiakonhiáʼkaweh.”