Genesis 30:26 - Ohiatonhseratokénti

²⁶ Tasheiaʼténhahf ne ionkwaniákhonʼs ó꞉ni ne kheioʼokón꞉ʼa ne tsi tewakahténtion tsi nikonioʼtenhse, tánon enhskahtén꞉ti. Saterién꞉tare tsi nikaioʼtenhserí꞉io konioʼténhse.”

Genesis 30:26 ပူးပေါင်းရင်းမြစ်များ

Genesis 29:18

Ók Jacob wahshakonó꞉ronhkwe ne Rachel, sók kíʼ wahén꞉ron, “Kwáh tsá꞉ta niiohserá꞉ke enkonióʼtenhse, ne kenʼ naʼtaiá꞉wenʼne ne nitiakoión꞉ha sheièn꞉ʼa Rachel.”

Genesis 29:30

Ne Jacob skátne nón꞉wa wahiá꞉rate ne Rachel, tánon sénha ne wahshakonó꞉ronhkwe tsi ní꞉ioht ne Leah. Eʼthó꞉ne shé꞉kon ó꞉ia ne tsá꞉ta niiohserá꞉ke sahoióʼtenhse ne Laban.

Genesis 31:26

Ne Laban wahawènhahse ne Jacob, “Oh nahsátiere? Wahskeʼnikonhrhá꞉ten, tánon iahsheiaʼténhawe ne kheioʼokón꞉ahs tsonathonwí꞉senʼs tsi ní꞉ioht nakonwatiié꞉nenke tsi waterí꞉io.

Genesis 31:31

Né Jacob waʼthorihwaʼserákwahse ne Laban, “Tiorí꞉wa tsi wákteronʼskweʼ, aseʼkénh tsi waʼkanontónnionhwe iensehsheiaʼténhawe ne sheioʼokón꞉aʼhs tsonathonwí꞉senʼs saʼshatsténhsera enhsatste tsi tenseskwakháhshion.

Genesis 31:6

Tesenitsá꞉ron tsaterién꞉tare tsi kwáh akeʼshatstenhserakwé꞉kon tsi riioʼtenhse ne etshiseniʼ níha;

Hosea 12:12

Ne Jacob tsi tiohontsá꞉ien ne Aram nón꞉we niahá꞉re, thóh nón꞉we ne nahónton ahanakwahtsénhri ó꞉ia rónkwe wahohiò꞉thenhse wasakothenhnikónhraren ne rahotshenenhó꞉kons teiotinaʼkarontón꞉as.