Genesis 30:24 - Ohiatonhseratokénti

²⁴ tánon Só꞉se wahoná꞉tonhkwe, watónnionhskwe, “Aiá꞉wens ne Roiá꞉ner aonsahatiéhsten shé꞉kon ó꞉ia aonsonkenekenhteronʼtseraièn꞉taʼne!”

Genesis 30:24 ပူးပေါင်းရင်းမြစ်များ

Genesis 30:25

Nó꞉nen né Rachel shahonákeratste ne Só꞉se, ne Jacob wahawènhahse ne Laban, “Saskaté꞉kwaht, né naón꞉ton tsi tewakenónhsote tánon tsi tewakenakerahserá꞉ien niaonsá꞉ke.

Genesis 35:24

Nakoioʼokón꞉ʼahs ne Rachel ne ne Só꞉se tánon ne Benjamin.

Genesis 37:2

Ne ki꞉ken ne raotikaraʼshón꞉ʼa né Jacob rahowá꞉tsire. Ne Só꞉se, tsá꞉ta iawén꞉re shaʼtehaohseriiá꞉kon, ráonha tánon ne rontateʼkoʼokón꞉ʼa shakotiʼnikonhrarátieʼskwe ne teiotinaʼkarontón꞉ʼa tánon kaiaʼtákeras; shakohshnié꞉nonskweʼ ne aotinekenhteronʼtsheraʼshón꞉aʼhs ne Bilhah tánon ne Zilpah, ne ne roʼníha ró꞉ne; tánon ne Só꞉se ronwaʼnihnéha iaharihwénhawe ne iáh tekarihwí꞉io ne raotirihwá꞉ke.

Genesis 37:4

Ók nó꞉nen ne rontateʼkonʼokón꞉ʼahs sahontkáhtho ne ronwaʼníha tsi sénha Só꞉se ronorónhkhwa tsi ní꞉ioht ne ronátiaʼkes rontateʼkoʼokón꞉ʼa, wahonwáhswenh iáh tewá꞉tonʼskwe ne skén꞉nonʼk khók tsi ní꞉ioht tsi taonsahatihthá꞉ren ne ráonha.

Genesis 42:6

Nón꞉wa ne Só꞉se ráonha rakó꞉ra kén꞉ne ohontsakwé꞉kon ne Egypt; ráonha shakotenatsahninón꞉se ratikwé꞉kon nonkweʼshón꞉ʼahs ne tsi ionhontsá꞉ien. Tánon ne Só꞉se rontateʼkenokón꞉ʼahs tahón꞉ne tánon waʼthonwatentshóthaʼse ne raohén꞉ton tshiehatikònhsote nonhontsà꞉ke.

Ezekiel 37:16

“Rónhkwe iaiénha,” wahénron, “Óiente káhnia iahásko tánon thóh shiáton nowenhnasónhas ‘Tsi kanakerahseráien ne Judah.’ Ethòne ó꞉ia kánia hionsásko tánon thóh shiáton nowenhnasónhas, ‘Tsi kanakeraseráhien ne Israel.’

Revelation 7:8

ne raothiʼtará꞉kon ne Zebulun tékeni iawénhre nihá꞉ti ronhwatitsikwénhton, ne raothiʼtará꞉kon ne Só꞉se tékeni iawénhre tewenhniaweheʼtsheráhsen nihá꞉ti ronhwatitsikwénhton, ne raothitará꞉kon ne Benjamin tékeni iawénhre tewenhniaweheʼtsheráhsen nihá꞉ti ronhwatitsikwénton.