Genesis 30:2 - Ohiatonhseratokénti

² Ne Jacob kwáh í꞉ken tsi wahshakoná꞉khwaʼse ne Rachel tánon wahén꞉ron, “Iáh takkwé꞉ni ne tahinaktáhkwen ne Rawenni꞉io, Ráonha seʼ iáh tehathón꞉tats naesawiraièn꞉taʼne.”

Genesis 30:2 ပူးပေါင်းရင်းမြစ်များ

Genesis 16:2

tánon ne Sarai wahawénhahse ne Abram, “Satkáhthohs, ne Roiá꞉ner iáh tehakerihwá꞉wis naonkewiraién꞉taʼne; wás akehnhá꞉tshera skátne tsá꞉rat; nontié꞉renk ne enkakwé꞉ni naonkewiraién꞉taʼne nahonhá꞉ke naontá꞉we.” Ne Abram waharihwanón꞉weʼne tsi nahó꞉ten waʼkén꞉ron ne Sarai.

Genesis 20:18

Asèkénh ne Roiá꞉ner kwáh iahaiákstsi akwé꞉kon wahshakohnhó꞉tonʼse ne tsi kontiwiraráhkhwah ne konnón꞉kwe ne tsi ronónhsote ne Abimelech ne ne Sarah iorihonní꞉ʼon, né꞉ne Abraham ró꞉ne.

Genesis 25:21

NʼIsaac raonhá꞉ke ne Roiá꞉ner iahaterén꞉naien ne ne ró꞉ne aorihwá꞉ke, tiorí꞉wa tsi iáh teiowiraièn꞉taʼskwe; tánon kíʼ ne Roiá꞉ner waʼthorihwaʼserákwahse ne raoterén꞉naient, tánon ne ró꞉ne Rebekah iohrhá꞉rehkwe naiakowiraièn꞉taʼne.

Genesis 29:31

Nó꞉nen ne Roiá꞉ner sahatkáhtho ne Leah sénha ká꞉ron tsi (nikonwanorónhkhwa) tsi ní꞉ioht ne Rachel, kwáh waharihwakwatákwaʼse naiowiraién꞉taʼne, ók ne Rachel kwáh nenʼneʼ iáh thaiowiraién꞉taʼne.

Genesis 31:36

Eʼthó꞉ne ne Jacob iahóhtonʼse tsi nahonà꞉khwen, wahorihwáhrho ne Laban; ne Jacob wahawènhahse ne Laban, “Oh nahó꞉ten tsi aonsonkaterihwateʼwáhton? Nahó꞉ten nakerihwaneraʼáktshera, tsi nahsenekthèn꞉takte tsi nontahséksere?

Genesis 50:19

Nok ne Só꞉se wahshakawènhahse, “Tóhsa sewáhteronʼn! Iáh thakkwé꞉ni ne Í꞉i thóh takatáttahsteʼ ne Rawenni꞉io raonaktà꞉ke.

2 Kings 5:7

Nó꞉nen ne ronnontí꞉io Nisraerʼró꞉nonke wahawenhnanóthen ne kahiatónhsera, waharatsiónhko ne rahotserónhniat tsi nonthahathónhneke tánon wahénron, “Onh ní꞉ioht tsi ró꞉rahre ne Syriaró꞉non ronnontí꞉io nakʼkwéni ahí꞉tiente kí꞉ken rónhkwe? Í꞉rehre ken Ní꞉io ní꞉i í꞉ken, naonkeshastsʼtenseraiénhthake tsi nòkwah natónnhets ó꞉ni ne kenhé꞉ion? Tehiostwát꞉the tsi í꞉rehre tahiakenirihwakéna!”

Psalms 113:9

Sakononsonhniénhnis ne iáh tewáʼtons ahiotiwirahiéntaʼne, né káti nahónton nakonhtonhnáren tsi kanisthénsera enkónton tsi nòkwah ne ratiksaʼokónhas. Tehonwaʼnonweráton ne Roiá꞉ner!

Psalms 127:3

Tsi iakonekenteronhtseraientáhon Roiá꞉ner nónh꞉we nitsawénon, né꞉ne tsi nahó꞉ten iotonnhéton ne tsi watewirahrá꞉kwah né teiakoterihwasehrákwahse.

Exodus 32:19

Nónen ne Mahís iatekaiéri tsi nióre ákta niaháre ne tsi roʼnatenáhthaien nahatkátho ne tionónhskwaron rátsinn-owíra tánon nashaʼkóken nonhkweshón꞉ʼa tehiaʼkononhniákwen, wahotenahkwahtserónhnien. Thóh tsi iononhtaientáhon, wathatesénhniathe nosténras ne rahawinónhtiene tánon wathárithe.

Matthew 5:22

Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.

St. Mark 3:5

Ateriatikhonserakon ȣasakotkatoseron, ok ikene ȣahonikonkararen tsini honeriasaniron. Ȣahaȣenhase kati ne ronkȣe: sanentsakȣarisi, ȣahanentsakȣarisi nok oksaok eh nonsaioianerenne tsiniiot ne skati.

Luke 1:42

Nok ȣatiohenrete, nok ȣakenron: Sonhaa iesaiatateriston tsiniiakon ne tsiakothonȣisen, nok Kaiatateriston ne ioteiarontie tsiatakon.

Ephesians 4:26

Tóhkaʼ ensatenakwatserónnien, tóhsa satʼthóntat ne saʼnhakwátsera iahisahsárine ne kariwanerahatʼtseráke, tánon tóhsa kontatiekówa ahisanakwéhen.

1 Samuel 1:5

ók ne Hannah kwáh ne watahiá꞉sheren tsi tashakáwen, tioríhwa tsi nishakonorón꞉khwa, iaweronhátien ne Roiá꞉ner tsi ronhó꞉ton nahonháke tsi nón꞉we nihiontonniátha nowirá꞉ha.