Genesis 30:15 - Ohiatonhseratokénti

¹⁵ Ók waʼawènhahse, “Kenʼk kenh niiorí꞉wa tsi ietshiaʼténha ne teiakení꞉teron? Kwáh katíʼ kenh nónʼne ʼeh iènhshawe ne riièn꞉ʼa raó꞉wenʼk tekarenʼtó꞉ken ohté꞉ra?” Rachel waʼkén꞉ron, “Enwá꞉ton ne skátne aetsá꞉rate nenió꞉karahwe ne Jacob tóka ne taetiatatawístahkwe né ehtsièn꞉ʼa raonónhkwah tekarenʼtó꞉ken.”

Genesis 30:15 ပူးပေါင်းရင်းမြစ်များ

Genesis 30:14

Tsi niienatsí꞉iaʼts ne Reuben kahentà꞉ke niahá꞉re tánon wahahontatshén꞉ri onónhkwa tekarenʼtó꞉ken ohté꞉ra, tánon roʼnisténha Leah iahshakohawíhten. Eʼthó꞉ne Rachel waʼawènhahse ne Leah, “Ahsathontátsheke ostón꞉ha áhskon thí꞉ken ehtshièn꞉ʼa raonónhkwa tekarenʼtó꞉ken ohté꞉ra.”

Genesis 30:16

Nó꞉nen ne Jacob shaʼtontá꞉re ne kahéhtakon siioʼkarahsnéha, ne Leah iaʼthóterahte tánon wakén꞉ron, “Skátne entsá꞉rate nenió꞉karahwe; aseʼkénh ne wakkariá꞉kton ne sarihwá꞉ke ne riièn꞉ʼa raóʼwenk tekarenʼtó꞉ken.” Sók kiʼ skátne wahiá꞉rate ne saʼó꞉karahwe.

Isaiah 7:13

Ethó꞉ne ne Isaíah wahénron: “Satahónshatat kí ó꞉nen, Ó tsi ronón꞉shote ne Táwit! Shóʼtsikén kén niʼiorihwáha ne thénhnen ní꞉se asateniénhten ne raotinikonriʼioserákon ne ronhnón꞉kwe, nètho ní꞉se kwáh sateniénhten ne raonikonriʼioserákon ne ná꞉ke Ní꞉io ó꞉ni?

Ezekiel 16:47

Wesehrhientihióken tsi wahsehweienhnásehre ó꞉ni thonthasatnahnétha ne ioteriwahtehasónhas tsi nikeniweienhiótens? Iáh, ók kénk nikariwéhsonhʼne sénha í꞉se iateshatianhóten tsi niwahétken tsi nahshatieráhnion tsi ní꞉ioht ne onónha.

Numbers 16:13

Iáh kén tshiatekaiéri tsi teʼteskwahiatinekénhʼen ne hiohonhtsiʼióne ne Egypt nónhwe né naskwahnonhwariákon ne karakhonkówa nónhwe? Kwáh kén ó꞉ni ioterihwíson naskwatenonhtí꞉ioste?

1 Corinthians 4:3

Nónwah, iáh ne tekanonthónnions né í꞉se taskwahiatórethe tóhka ó꞉ni tsi nahiakohianerenseroténhake nonkwesónha; akwékon iáh nonʼní꞉i tekatatkenʼénʼions.