Genesis 3:19 - Ohiatonhseratokénti

¹⁹ Ó꞉nenk tsi Tenhsáʼtarihenserón꞉hkohte ne skonhsà꞉ke ne naʼón꞉ton nohwénhtsa thé꞉nen aontaká꞉nio; kwáh tsi niió꞉re ohwentsá꞉ke nón꞉we nienséhse; tsi tho nón꞉we nitiesaiaʼténha; okèn꞉ra ní꞉se í꞉ken, tánon shé꞉kon kiʼ oʼkèn꞉ra iensehsá꞉ton.”

Genesis 3:19 ပူးပေါင်းရင်းမြစ်များ

Genesis 18:27

NʼAbraham waʼtharihwaʼserá꞉ko, “Toʼ í꞉i tekatáttahst ne taiakenihthá꞉ren ne Roiá꞉ner, ní꞉ʼi né khók noʼkèn꞉ra tánon ne waʼkenhrontákwen nitiaʼtó꞉ten.

Genesis 2:7

Eʼthó꞉ne ne Roiá꞉ner Rawenni꞉io wá꞉thrakwe nokén꞉ra tánon wahoiaʼtón꞉ni ne rón꞉kwe: tsi tehanionkáronte nón꞉we niahotonhniserón꞉ti ne ne iónhnhe aonrí꞉sera tánon ne rón꞉kwe tontáhsawen wahatónhnhete.

Genesis 23:4

“Thiwakonhontsá꞉te tánon kén꞉ʼen wakwahéston skátne tewanákereh; tationhóntion tsi naʼtesewátere né naiontatiaʼtataʼahsthake, né naón꞉ton atiaʼtáta ne khekstenhkénhen ne ne é꞉ren akhá꞉wihte nawenheión꞉ta nakhén꞉ton.”

Genesis 3:18

ohí꞉kta tánon ohnión꞉wara, entká꞉nio ne sarihwá꞉ke; tánon né꞉ne nohonteshón꞉ʼaʼs ne kanatsoháhrha enhséksheke.

Genesis 5:5

Nok tióhton tewenʼniáwe tánon áhsen niwáhsen shaʼtehaohseriiá꞉kon shahrénheie.

Job Tánon ne Raoronhiakensera 1:21

Wahèn꞉ron, “Akenehóskonk tsi nitewakè꞉non nakeʼnisténha tsi iewiraráhkwah, tánon akenehóskonk ki tsi thóh nón꞉we nienhénske; ne Roiá꞉ner taʼkáwis, tánon ne Roiá꞉ner ieshá꞉has; tehiontenonhwerá꞉ton ne raosénhna ne Roiá꞉ner.”

Job Tánon ne Raoronhiakensera 10:9

Shehiá꞉rak né꞉tho í꞉se tatieronhtón꞉ni ionawastakarí꞉io nón꞉we nitiawé꞉non; tánon kwáh ken ní꞉se thenshesetkaraté꞉ni okénhra shé꞉kon ienská꞉ton

Job Tánon ne Raoronhiakensera 19:26

tánon nó꞉nenh ne kanratarihnétshera iotekwí꞉son tsi wakenewá꞉re, tsi ná꞉he shé꞉kon nihiónnhetie natierón꞉ta, kwáh kí enhí꞉ken ne Rawenni꞉io.

Job Tánon ne Raoronhiakensera 21:26

Kwáh ne shá꞉ka tsi waʼhontsatiónhnite nokénrake, tánon ohtsinonwanhéta taiakoróhroke.

Job Tánon ne Raoronhiakensera 34:15

akwé꞉kon tsi nahó꞉ten ne iónhne skátne tsi enkón꞉ton, tánon onkweʼtakwé꞉kon okén꞉ra ientiónton.

Job Tánon ne Raoronhiakensera 4:19

thóh ónhte ní꞉ioht tsi sénha tsi niiá꞉kon ne thóh rathiʼterón꞉ton tsi kanonshó꞉tons nó꞉tara í꞉ken, okenrá꞉ke khók tiʼthotitskwá꞉here, ne thenkonwanaskwáhseron tsi ní꞉ioht ne kokhó꞉wa.

Psalms 103:14

Asèken roteriénhtare tsi nahó꞉ten ionkhiʼiatonhniáton; réhiare tsi okènra nitewaʼhiatóten.

Psalms 104:23

Ethóhʼne nonkweshón꞉ha ienhatihiákenhne nahotiʼióten enhotiʼióten tsi nió꞉re ientsókaraʼwe.

Psalms 104:29

Nó꞉nen éhʼren enséhsete, enhotíteronhne; nó꞉nenh ensehsékwah ne rahonhnonhnísera, enhonhníheʼie tánon okénhra ienshón꞉ton tsi kiʼnón꞉we nithoné꞉nonh.

Psalms 127:2

Iáh othènen tekariwástha noronhkéstsi asatkétsko tánon karíwes niahisénhtaʼwe nokarasné꞉ha tsi tesatskáhon ne tesatatenikónhraʼre nahisahióthen; asèken ne Roiá꞉ner sakoiéritʼtse ne sakonorónhkwa tsi nikaríhwes rotí꞉tas.

Psalms 22:15

nakeshaststénhsera iostatʼthénhen tsi ní꞉ioht ne ionawasthakarí꞉io kát꞉tse, tánon ne kenhnasáke tsientáke iorahnénhtats; Thóh wastsiatónhti nakí꞉heie okenhráhke.

Psalms 22:29

Ratikwé꞉kon ne ronthatónhni nonkwé꞉shon ne tsi iowenhtsáte rahonháke thenhontsákete; tsi nihiákon ne Roiá꞉ner iáh tesakorihwáwi nahiakónnheke rahohénton thenhiontsákete. Tánon kíʼ ní꞉i enkónnheke ne rahón꞉ha raorihwáke.

Psalms 90:3

Okenhrá꞉ke niesehsehiathénhas nónkwe, satón꞉nions, “Okenhráke nionhshá꞉sewe.”

Proverbs 21:16

Kenhé꞉ion iakohrhá꞉re nónhka é꞉ren èn꞉ienhte ne kaʼnikonhrí꞉io.

Ecclesiastes 1:13

Iewakenikonhrakonhthá꞉kwen tsi entkenhenhion ó꞉ni enkatéweiensthe oriwahkwékon tsi nikahioténhen ne kénʼen ionwenhtsáte. Rawenni꞉io rokèron ne ioteríhonkok tsi nahionkwahiátawen.

Ecclesiastes 1:3

Tsi nishón꞉nes sathatioténston, sharonhiáken, tánon nahó꞉ten sáien naséhnestʼte?

Ecclesiastes 12:7

Nonhkwahieronhtasónhas okènrah iensehwáton ne tsi ionhwenhtsáte, tánon nahonhnísehra ne tsi iakónhnhe kwáh nenhné꞉e Rawenní꞉ioke niénsehwe, tsi nikáien ne tesonhkwáhwi.

Ecclesiastes 3:20

Ratikwékon né sahonákʼtha tsi niahonenonhátie—né nokenhráhke. Tetsáron thóh nónhwe nithonénon; tenitsáronh kíʼ thohniénsʼne.

Ecclesiastes 5:15

Entsitewahténhti né kénʼen ionwenhtsáien kwáh kíʼ tsi ní꞉ioht tsi tsionkwahtawehiá꞉thon tewanhéhonk thiʼkènhʼne—kwáh iáh othénenh tethewaháwihne. Tsi niʼiáwens kwáh tsi níkonh hionkwahioténʼen kwáh iáh othénenh tahónton niahitewá꞉hawe.

Daniel 12:2

Ronatiohkowá꞉nen ne ó꞉nen ronenhé꞉ion shé꞉kon enshontónnhete: ó꞉tiaʼke tsi nén꞉we enhonatonnhárake, ó꞉tiaʼke tsi né nén꞉we enhonatehénʼen.

1 Corinthians 15:47

Ne thóh tierentákwen Á꞉ton, okénrah ronwahiatonniáton, okenráhke nón nitawénon; ne tekeníhaton Á꞉ton karonhiáke nón nitawénon.

Ephesians 4:28

Tóhkaʼ senenskwáskwe, ónenk tsi ensátkaʼwe tánon tasatásawen satehʼnhatserónni, ehnahontáwe kwáh ioiánere tsi asathathonʼnhakéna ó꞉ni naskwéni aseiénawase ne iakóten.

1 Thessalonians 2:9

Orihwiʼioʼónwe sewahteriéntare, tewahtenrosónhas, tsi ní꞉ioht tsi ionkwahiotén꞉en tánon ioioʼtenhserahní꞉ron! Kontahsésons tánon asontakwékʼkons wahonkwaióten né꞉ne tóh꞉sa thènen takwahnikonráhren tsi enkwahteriwahnótʼthase ne karíhwí꞉ios tsi nitsawénon ne Ni꞉ióʼne.

2 Thessalonians 3:10

Tsi náhe skátʼke íteweskwe, kwahróriskwe, “Ónhka nenierahiátakwe nahiakohióten iáh tehiakohianerenseráhien ne tahiontskáhon.”

Hebrews 9:27

Onhkwetaʼkwékon ónenk tsi énskak khók tsi enhiaiéheie, tánon eʼthò꞉ne ónen Rawenni꞉io teshakohiatórethe.