Genesis 3:15 - Ohiatonhseratokénti

¹⁵ Tanon ne entsien ní꞉se ó꞉niare tánon ne tsothonwí꞉sen ne tentsatatswensehke tánon tsi nathenhontereke ne sehiohokónha tánon nakohiohokónha; thenhianonhtsistarihte, tánon ní꞉se ientshiatiatón꞉ti tánon entshiakó꞉tarike.”

Genesis 3:15 ပူးပေါင်းရင်းမြစ်များ

Genesis 49:17

Ne Dan tho nenhotonkweʼtátteronke tsi ní꞉ioht nó꞉niare nohahákta kén꞉teron, Iothniarátteron nohahákta kén꞉teron, Ne ne iakokáriahs ne kohsá꞉tens konʼkotarà꞉ke, katíʼ ne kohsá꞉tens enwanihnaʼtshakétskwahteʼ ienhotskwahrákwahte ne rohsaténtie.

Psalms 132:11

Kwáh í꞉ken tsi iorihwaʼníron tsi nitsiararáts꞉tenhni ne Táwit né꞉ne kwáh iáh thahakwéni tahá꞉hiaʼke: “Saiáta ne sanekenterónhtshera enhinonhtí꞉iosʼte, tánon kwáh enhatkórasʼte nónenh ensenhéhionke.

Isaiah 53:12

Né ká꞉ti aoríwa kwáh enhirákwaʼse ostónha skát꞉ne ne ratishátsʼtes, tánon kwáh thensakohiakhónhaʼse ne kanénskwen skát꞉ne ne ratiʼshátsʼtes; tsioríhwa tsi iahathatáʼkaʼwe ne kenheiátʼne, tánon éh nontahonwátaʼte tsi ní꞉ioht ne ionkwetaksénskwa; ethohʼsàne wahathá꞉wa ne karihwáneren ne iakotsiokowánen akorihwáke, tánon wasakoʼterenhnaiénhase ne iakorihwaneraháts꞉kon.

Isaiah 7:14

Né ká꞉ti aoríhwa ne Roiá꞉ner rahonhatsíwa éntʼhion natenienhténtsera. Satkátho, ne kawí꞉non í꞉ken iowiraientásereh tánon enhionekenteronhtsheraiéntaʼne, tánon Immanuel enhonátonhkwe.

Jeremiah 31:22

Tohʼnikaríhwes tsi tahsehrihóroʼke, iáh teʼthisehwetáhkwen tsiónkwe? Ne Roiá꞉ner knahótenk róh꞉son áse ó꞉ni ohianí꞉ioht ne tsi ionwenhtsiáte, eh nióre tsi ohianí꞉ioht né꞉ne iónkwe thóhnes ne rónkwe.”

Daniel 9:26

Ne nó꞉nen ienwatókten enhonwário ne Rawenni꞉io raonkwé꞉ta ne kwáh iáh thé꞉nen thahonhí꞉kon. Ne kanatowá꞉nen ó꞉ni ne ionterennaientáhkhwa tenkaríhton ne tsi enhshakonenhrénhten tsi niká꞉ien ne Rawenni꞉io roiatarákwen nákte non nithawé꞉non ne kwáh roʼshatstenhserowá꞉nen rakó꞉ra. Ne tsi ienwatókten eʼtho neniá꞉wenʼne tsi ní꞉ioht nawenhnó꞉ton, tsi enwaterí꞉ioke ó꞉ni ne karihwaiesátshera tsi eʼtho ní꞉ioht tsi rokwatákwen ne Rawenni꞉io.

Amos 9:3

Ethó꞉sane nahontáshete onontakenhiáte ne Carmel, kwáh kí thóh nón꞉we iathenkanénhteste nakheié꞉na; tánon eʼthó꞉sane nahionkataséhten kanonhkwáhke ne kaniatarakeʼkó꞉wa, kwáh kí thóh nón꞉we nenkenáhne ne oʼniarekó꞉wa, nahiakokári.

Micah 5:3

Ne Káti aorì꞉wa kwáh kí enshakotsakwarísi tsi nió꞉re ienkáhewe ne nó꞉nen tsi niká꞉ien ne ioroniáken enhiowiraién꞉taʼne; ethò꞉ne ne ronátiaʼkes ne raowá꞉tsires ienshón꞉ne niatahonsahontiéste nonkweshón꞉as Nisraeró꞉nonke.

Matthew 1:23

Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.

Matthew 1:25

Nok ki tanon iah othenon tehaieren tsiniiore iarennakerate ne takoȣanen roienha; nok Iesos ȣahonatonkȣe.

Matthew 12:34

Seȣaȣatsiraksenskȣa, oh nahoni naiaȣenne naontakariȣaierike tsi aeseȣatati, akȣase tsionkȣetaksen, aseken tsinitkananon naȣeriane eh kiniiot tsi ienȣatati naȣennasa.

Matthew 13:38

Nok ne kaehta neh tsi ionȣentsiate; kanenhiio Niio sakoienhokonha, kanenhaksen otkon sakoienhokonha.

Matthew 23:33

Oniare, kaȣatsiraksenskȣa! oh nenseȣaiere naonseseȣaniakenne tsi tiotekha nʼonesson?

Matthew 3:7

Nok tanon ȣasakoken Kentiokoȣanen, ne Pharisien, oni Sadusean ratiriȣanontons aontenekȣaeste, ȣasakaȣenhase: Kaȣatsiraksenskȣa! Onka ietsirori naeseȣatekȣase ne Niio raonakȣensera?

St. Mark 16:18

Enkonȣatiiena noniare; iah othenon taiakoiataȣen nenhienekira ne iakoriotha, entsieieȣentane nʼia-kononȣaktani nensakonanisnonsaerhase.

Luke 1:76

Nok nise seksaa, Niio roȣennenhaȣe enhiesanatonkȣake, aseken hentsenteste ne Roianer nok hentsiahahaseronnien.

Luke 10:19

Onȣa kati ȣakȣasastenseron ne taietsiniarorarake ne Kaniaraksens oni ienseȣasahate tsini hosastensera ne raksȣens: iah oni othenon taeseȣaiotastse.

Luke 22:53

Niateȣenniserake sane teȣakȣekonhatieskȣe ononsatokentikoȣane nok iah teskȣaiena; onenki iakaheȣe ne seȣennisera, nok asatakonronon ahosaststensera.

Luke 24:27

Ethone oni ȣasakohnikonraientaten tsini hotiiaton nʼOiatonseratokentike, ne Moïs oni ne Rotitokensehakȣe ne raonha raiatatake.

John 8:44

Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsiseȣanikonraierite tsini hoskanektseroten ne etsiseȣaniha. Ok onkȣe shiraks tsi tiotasaȣe, iah oni tehokȣenion nahoriȣatokenhake, aseken iah tehoien ne tkariȣaieri. Ne hens nakȣa raȣerientakesson nahanoȣente; aseken ronoȣen, neh oni Ronȣaniha ne kohnoȣen.

Acts 13:10

tánon wahénron, “I꞉se iaiénha nótkon! Í꞉se neh seriwásons tsi nahoténson ne ioʼianere. Kwáh tiatanánon tsi nahóten ne kariwáksens taseiéron, tánon tiókonte satheniéntha nonówen asónni ne Roiá꞉ner rahoriwakwarishióntseras!

Romans 16:20

Tanon Rawenni꞉io, neh nonkwaiatakweniʼióhtsera ne skénnen, kwáh iostóre tenhoskwaserónkwaʼte ne ranesonrónon ne sewasitókon. Ne rahoténrat ne Sonkwaianer Ié꞉sos sewakweʼkónhak.

Romans 3:13

Tsi rathisakáronte neh teskaieróntare ne tehiotsionwakaráwen tsi iehiáta; ronʼnasákes rónsta tsi nihathinikonrátha, tánon nowennasónhas ne iakoriótha, kwáh tsi ní꞉ioht nóniare eniakorióten nenʼiakokári, nàkon ne rathisáke;

Galatians 4:4

Nók nónen shiaʼhontenniseríhewe ne Rawenni꞉io shiatoriwaiéntase, tahothéniethe ne Roiénha. Tsi wáraʼwe iakónkwe kanisténsera wahónton neh ronwaiénha waháton tsi warennákerathe, tánon neh skátʼke rathiteróntakwe nehne thoʼnethákwen ne Sitaerononké꞉ha kaianerénsera.

Ephesians 4:8

Tsi niwáton nohiatonseratokénti, “Ne sonsahatharátate, roʼnhatiokowánen ne rathiʼnhótonkwe iasakoiaténhawe; iathékon wasakowíʼon nonkwesónha.”

Colossians 2:15

Tánon thóh ne kaiásake nón꞉we ne Kerístos sahatatiathotaríhsi tsi nokwáh ne raotisatsténhseras ne ratinikonrátsens ó꞉ni ne ratikoráhsons; tánon onhkwè꞉ne nón꞉we niasakohiaténhawe nahonwahnateró꞉roke tsi sí꞉ken ní꞉ioht ne ratinóton sakosarí꞉ne tsi rotkwenionhátie.

Hebrews 2:18

Tánon nónwah enhakwéni nashakosʼniénon tsi niháti ne iontahtenikonrotákwas, tsoríwah raʼónha ó꞉ni ronatheniénten nahonwahnikonrotáko tánon roronhiakén꞉en.

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.

1 Sawátis 3:10

Kén nónwe kwá teioswátʼte tsi natetsiatʼtíhen tsi natehóntere ne Rawenni꞉io sakoienokónha tánon ne ranesonrónon sakoienʼokónha: tsi niʼiákon ne iáh thóh teiehiéra nahóten ne ioiánere tóhka ó꞉ni iáh tesakotinorónkwa nakorénsons iáh Rawenni꞉io tesakoienʼokónha.

1 Sawátis 3:8

Ónka ieniontasónteren naieriwánerake ranesonrónon rahonkwéta, asèken ne ranesonrónon kwá tsitiotásawe thoriwáneren. Ne neh kwá ne aoriwáke tsi tawénon ne Rawenni꞉io Roiénha, ne nahariwáthonte tsi nihoiéren ne ranesonrónon.

1 Sawátis 5:5

Ónka akonwasénni ne tsi ionwentsiáte? Kwáh nék khók tsi nikáien ne tiakawetákwen ne Ié꞉sos tsi Rawenni꞉io Roiénha.

Revelation 12:17

Eʼthó꞉ne ne rononwarontiétha wahanákwase ne iónkwe, tánon thóh niahá꞉re nasakoteriioserónhnien ne ronátiaʼkes ratitsaokónha, tsi nihá꞉ti ronatienawáston ne raoriwatátsheras ne Ní꞉io tánon ronatienawáston ne raotrorhiá꞉tshera ne Ié꞉sos.

Revelation 13:7

Kwáh ó꞉ni wahonwarí꞉hon nasakoteriioserónhnien ne roʼtiiatatokéntis tánon nashakosénhni. Tsi thonwá꞉wi ne kaweniá꞉tshera ne entsakororókte niateiakotióhkwakes ó꞉ni nonkweshón꞉as ó꞉ni naronkhátsera ó꞉ni niakahontsakerónons,

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.

Revelation 20:10

Tánon ne otkonseráksen tsi raón꞉ha sakonikonraténhniskwe thóh iahonwaiatónti otsirá꞉ke tánon ne iotékha ne watenatentástha, thóh nón꞉we ne katsinoniowá꞉nen tánon ne iáh teotiriwató꞉ken roʼtitokénhse iehón꞉nes, tánon enhotironhiakénhake kontatsésons ó꞉ni aontakwé꞉kons né꞉ne tsi nienhénwe ó꞉ni tsi nénhwe enkenhá꞉ker.