Genesis 3:10 - Ohiatonhseratokénti

¹⁰ Tontaharihwaʼserá꞉ko, “Waʼkonwenná꞉ronke ne kahéhtakon, tánon ónkteronʼne, tiorí꞉wa tsi akenéhonʼk thí꞉ken tánon wakatashete.”

Genesis 3:10 ပူးပေါင်းရင်းမြစ်များ

Genesis 2:25

Ne rón꞉kwe tánon ne ión꞉kwe tehnitsá꞉ron raotinéhóskonk thi kén꞉ne, ók iáh kíʼ tehonatehenseraièn꞉htahkwe.

Genesis 3:11

Waʼhén꞉ron, “Ónhka iesahró꞉ri tsi sanéhoskonk thí꞉ken? Wahshá꞉iake kenh tsi niká꞉ien ne konhró꞉ri ne tóhsa ahsá꞉iake?”

Genesis 3:7

Eʼthó꞉ne kwáh tenitsà꞉ron wathiatkakwarísi, tánon wahiáttoke tsi raotinéhonʼk khók thí꞉ken; iáh oʼthé꞉nen tehonatsherón꞉ni sók ne waniníkhonnion ne tionhnionwarontonhakówa onerahteʼshón꞉as watnikhánion tánon ne wahiateniiontahtserónniaʼte tánon ne wá꞉iaste.

Job Tánon ne Raoronhiakensera 23:15

Ne kí aorì꞉wa tsi nihitsá꞉nis; nó꞉nen ne enkanontónhnionʼwe, ne watsatananónkta kateronhkwá꞉tshera.

Job Tánon ne Raoronhiakensera 31:33

tó꞉ka wakehró꞉ron nakerihwaneraháktshera tsi ní꞉ioht ne ronátiaʼkes tsi wakaséhton nakerihwaneraháktsheras thóh kenskwé꞉nakon,

Psalms 119:120

Í꞉se saríhwa tsi wák꞉terons; tánon ne wakteronhkwénhnis ne sarihwenhthátshera.

Exodus 20:18

Nónen nonhkweshón꞉ha sahakothónteʼne tsi iowèren ó꞉ni ne iehonrawátstha tsi nihiorahkaréni tánon wahontkátho tsi natewanineʼkarahwánions tánon tsi natehioienkwaráhien ne tsi iononhtáhere, wahakohiatíshonhkwe tsi nahakóteronhne tánon ahʼínon nióre thontahatítaʼne.

Exodus 20:19

Wahonwénhase ne Mahís, “Tó꞉ka enskwathárahse, enhiakwataʼhónsahthate; ók hionkwáterons tó꞉ka ne Rawenni꞉io ashonkwaʼthárahse, enhiakwénheie.”

Exodus 3:6

Í꞉i Naʼkení꞉io ne sesotʼthonkonhkénʼen, né꞉ne Rahotiní꞉io ne Abraham, lsacc, ó꞉ni ne Jacob.” Káti ne Mahís wahatʼkonhsàh꞉sehʼte, tsioríwa tsi wahaʼtsàhniʼke nahó꞉ken ne Rawenni꞉io.

Exodus 32:25

Ne Mahís wahatkátho nètho Aaron tsi washaʼkoríhon nonhkweshón꞉ʼa ne tsitʼtiahatiʼhieránion tánon nahonthatenonhwarorithónti rahotihénton ne tehontátʼtsions.

Isaiah 33:14

Né rotirihwaneraháts꞉kon ne Zion nón꞉we kwáh rotíterons; ne iakohiatiʼshiónkwah ne wahakoiéna ne iáh teotiniʼioseráien: “Ónhka tsi nítsion ahitewakwéni né kénʼen ahitiónnheke ne iakotónhtha ótsire? Ónhka tsi nítsion ahitewakwéni thóh nahiʼtiónnheke ne tsi nénhwe í꞉ken notonhkókon?”

Isaiah 47:3

Tsi sanehóskonk thí꞉ken kwáh kí thenwenehaʼke, tánon ne satehénsera kwáh kí enhiontkathó꞉seron. Kwáh kí entewakenákwen, tánon iáh ónhka thiaʼtahonshónhkenre.

Isaiah 57:11

Ónhka wahiaterónhkwe tánon wesaterónhne né ká꞉ti tsi wasanó꞉wenhte, tánon iáh teskehiaʼráhon khés naskanontonniónhon? Iáh kén sák thiwakatatónhni tánon tewakateronhwékon, tánon ká꞉ti iáh tesketsaníkon?

Deuteronomy 5:25

Ók nonhtié꞉ren tsi shé꞉kon ateʼsénhna tahitewatʼká꞉neren tsi ahionkinonhwarià꞉kon? Né꞉tho tehiotsenhanònhiani enhionkwathónte. Orihwí꞉io iontsón꞉ni tsi eniakwénheie tó꞉ka enhionkwathónhteʼne ne Roiá꞉ner Onhkwaní꞉io shé꞉kon enshatá꞉ti.

1 Sawátis 3:20

Tóhkaʼ nonkwanonthonnióntsera enhionkwáthonte, ionkwateriéntare sénha Rawenni꞉io rosastenserowánen tsi ní꞉ioht nonkwanonthonnióntsera tánon ó꞉ni kwá oriwakwékon rotheriéntare.

Revelation 16:15

(“Satkáto, tsi nontonkenonhá꞉tie thóh niiót tsi niiót ne ranénskwas! Roʼtaskats nónhka ne rotiewá꞉te tánon rotierónhni, tánon rotienawáston ne tehatewehiarákwas iáh kíʼ teonostóskon tèken tánon naréhneste atehénsera.”)