Genesis 29:2 - Ohiatonhseratokénti

² Tsi iahatkáhtho, wahatkáhtho iohnáwerote kahentà꞉ke tánon áhsen niiotitióhkwake teiotinaʼkarontón꞉ʼa thóh ákta kontí꞉teron; tánon thóh nón꞉we nikonwatihnekanón꞉tenhskwe ne shakotiʼnikón꞉rare ne teiotinaʼkarontón꞉ʼa. Kaneniowá꞉nen kanontékhon tsi iohnáwerote,

Genesis 29:2 ပူးပေါင်းရင်းမြစ်များ

Genesis 24:10

Eʼthó꞉ne ne rahnhá꞉tshera, oié꞉ri nihá꞉ti iahshakoiaʼténhawe ne raiaʼtakweʼní꞉io raotshenenʼó꞉konʼs iotiniaʼkwáhere tánon wahahtén꞉ti, rahawinóntie né kwáh tioiánereʼs natatawíhtsheraʼs tsi nontaháhawe ne róhnhaʼs tsi thonónhsote tánon Mesopotamia niahá꞉re, ne ne kanatowanèn꞉ke tsi nón꞉we thanákere ne Nahor.

Genesis 24:11

Shiahá꞉rawe, wahshakaónnien ne iotiniaʼkwáhere takontentshó꞉ten nohnawerákta ne꞉ne átsteʼ naʼkanà꞉tati iohnáwerote ne ne siioʼkarahsnéha sikahá꞉wi, tho nikahá꞉wi ne konnón꞉kwe tkontihnekotsènheʼskwe.

Genesis 24:13

Kén꞉en ákta í꞉kete tsi iohnáwerote, tánon ne raotiiaʼtaseʼtsheraʼshón꞉a ne kanatakonhró꞉nonʼs kenʼ nitkonnéhtha tkontihnekotsénheʼs.

Genesis 29:3

ne nó꞉nen iotitiohkwakwé꞉kon ne teiotinaʼkarontón꞉a thóh nón꞉we nenkonteró꞉roke, ne shakotiʼnikón꞉rare enhatineniakahrhatéhiaʼniate tsi enhatihrá꞉ko tsi iohnáwerote, tánon enhshakotihné꞉kanonte ne teiotinaʼkarontón꞉ʼa, tánon eʼthó꞉ne enhshatineniá꞉ren.

Psalms 23:2

Raʼkerihwáʼwis thóh nón꞉we nakatorísen tsi nón꞉we nikahentí꞉ios; ienhakkéntenhse ákta ne tsi watnekíne ne kanekí꞉io;

Isaiah 49:10

kwáh iáh tahontonkárhiake khés nahotiniatákʼthen, iáh ne iowerataríhen khés ne kará꞉kwah thaʼtahiakowisenhéiate, asèken tsi nikáien né tesahkoró꞉ton kwáh né ensakohéntenhse, tánon ákta tsi kaionhatáties nonèkanos nón꞉we nenhsakohénthenhse.

John 4:14

Nok tanon nenhanekira nenhinekanonte iah nonȣenton tiiahonsahoniatathen, aseken ok nehe nenhinekanonte ienȣatnaȣeronni ne rahonhake ne iah taonsteske tiotkon tanon enhiohnekotake tsi niienhenȣe.

John 4:6

Eh oni nonȣe nihotnaȣerotakȣe ne Jacob: ȣathaȣishenheie ne Iesos tsi rathahine, eh ȣahatorishen akta tsi ionaȣerote, onen toka neh nahoten ne iaiakhaton siioȣistahehratie.

Revelation 7:17

séken ne teiotinaʼkarontón꞉a owí꞉ra ne thóh í꞉res nashén꞉non tsi niwanitskwaratseró꞉te kwáh raónha enshekonónhna, tánon raónha kwáh iensakohéntenhse ne tsi tioné꞉kote ne iónhne, tánon Ní꞉io kwáh enshakokaseró꞉kewe ne niatekakahserá꞉ke ne ratiká꞉rakes.”

Judges 5:11

Sewathahónsatʼtat! Tsi nihiotʼtsarókwen ne ákta tsi ionaweró꞉thes né ronatroriátons ne Roiá꞉ner rahotesenhniétsheras, ne rahonatesenhniétsheras Israerʼró꞉nons onhkweshón꞉as! Ethòne ne Roiá꞉ner rahonkwetaʼshón꞉as tahotinenhríhne tsi nonhtahónhne ne rahotinathowánenhkes tsi iotenhenrakarónhtons.