Genesis 29:1 - Ohiatonhseratokénti

¹ Eʼthó꞉ne né Jacob waʼthatháhahkwe, iahá꞉rawe tsi thonnonhóntsaien nonkwehshón꞉ʼa ne tsitʼkarahkwínekenʼs nón꞉we.

Genesis 29:1 ပူးပေါင်းရင်းမြစ်များ

Genesis 24:10

Eʼthó꞉ne ne rahnhá꞉tshera, oié꞉ri nihá꞉ti iahshakoiaʼténhawe ne raiaʼtakweʼní꞉io raotshenenʼó꞉konʼs iotiniaʼkwáhere tánon wahahtén꞉ti, rahawinóntie né kwáh tioiánereʼs natatawíhtsheraʼs tsi nontaháhawe ne róhnhaʼs tsi thonónhsote tánon Mesopotamia niahá꞉re, ne ne kanatowanèn꞉ke tsi nón꞉we thanákere ne Nahor.

Genesis 25:20

NʼIsaac kaié꞉ri niwáhsen shaʼtehaohseriiá꞉kon shahotíniake ne Rebekah, ne ne Bethuel shakoièn꞉ʼa (Aramró꞉non ne ne Paddan-aram), ne ne Laban iatenoʼsénha Aramró꞉non.

Genesis 25:6

Nok naotinekenhteronʼtsheraʼshón꞉ahs nó꞉ia tehatiiahsé꞉ne ne rotiwiraientá꞉seron ne Abraham niaʼté꞉kon wahshakowíhon, ne ne shé꞉kon sirónhnhehkwe, tánon é꞉ren wahshakoiaʼtenhá꞉wihte tsi non nihanákere ne Isaac. Tsitkarahkwínekenʼs nonkwá꞉ti tionhóntsaien nón꞉we iahshakoténniehte.

Genesis 35:1

Rawenni꞉io wahawènhahse ne Jacob, “Téstaʼn, Bethel nón꞉we niahá꞉se, tánon thóh nón꞉we ionsasatenà꞉taien. Thóh nón꞉we nahtshónnien ne ietsenhahráhkhwah ne Rawenni꞉io tsi ráonha iatotahshién꞉ni nó꞉nen shonsahtshaté꞉kwahse ne tsatateʼkén꞉ʼa Esau.”

Genesis 35:7

tánon thóh nón꞉we nahrón꞉ni ne ietsenhahráhkhwa tánon ne wahanà꞉tonhkwe ne El-bethel, tiorí꞉wa tsi ehʼ nón꞉we ne kwáh ráonha Rawenni꞉io nihototahshièn꞉ni ne shonsahoté꞉kwahse ne iatateʼkén꞉ʼa.

1 Kings 4:30

Né Solomon sénha ronikonhrowanénhne tsi ní꞉ioht ne nakonhákas ne ronhtenikonhratʼthókas khés ne ronhtenikonhratʼthókas ne Egypt nónhwe.

Psalms 119:32

Tenhwasteríhen nakatewénhnarakwe ne sahtsiawenhráhtseras, tsioríhwa tsi sénha wé꞉so entéskon ne kanikonhraienthátsera.

Psalms 119:60

Kwáh iáh tewakatenhniskwáhton tsi natewasteríhen nakatewénhnarahkwe ne satsiawenhráhseras.

Ecclesiastes 9:7

Wáhs satatʼthén꞉test—tesatskáhon tánon satonnhárak; snekíra ne sanèka otsiatsa tánon satʼtsenhnonhnihák. Thóh seh nihotenikonhrónhni ne Rawenni꞉io nashé꞉re.

Hosea 12:12

Ne Jacob tsi tiohontsá꞉ien ne Aram nón꞉we niahá꞉re, thóh nón꞉we ne nahónton ahanakwahtsénhri ó꞉ia rónkwe wahohiò꞉thenhse wasakothenhnikónhraren ne rahotshenenhó꞉kons teiotinaʼkarontón꞉as.

Numbers 23:7

Ne Balaam wahathárakwe kí꞉ken iekaríhwaken: “Balak ronhnonhtí꞉io íken ne Moab nónhwe thaʼtiaténha ne kénʼen Syria tsiotásawe, tsi nióre ne Ná꞉kon nòkwah ne tsi iononhtharónhnions. ‘Káts taktháras,’ wahénron. ‘Seréwat nonhkweshón꞉ʼas NÍsraerʼró꞉nonke.’

Judges 6:3

Né nó꞉nen Nisraerʼró꞉nons enhatiʼientʼthósehron ne rahotiʼientʼthótsheras, ne Midianró꞉nons entʼthónhne skát꞉ke ne Amalekró꞉nons tánon ne iahonwentsiathénken ratitsiókwahien tánon ienhonwanatsatónhti.

Judges 6:33

Ethòne rathikwékon ne Midianró꞉nons, ne Amalekró꞉nons, tánon ne iahonwenhtsiatʼténhken ratitsókwahiens wahontsataróhroʼke, wathatihiáiake ne Jordan Kaniatarathátse, tánon Jezreel ahonráhkwahkon nónhwe iahonhthatosehrohthónhnion.

Judges 7:12

Ne Midianró꞉nons, ne Amalekró꞉nons, tánon ne iahonwenhtsiátʼtenhke ratitsiókwahien tsiatehonarénion nahonráhkwahkon tsi ní꞉ioht ne tsistárare iotihonwenhrenháwi, tánon thóh níkon rotinaskwahiéntons ne iotiniakwáhere tsi kíʼ níkonh tekatsinetaró꞉tarons nonesarónhkwas natsatʼthontse.

Judges 8:10

Ne Zebah tánon ne Zalmunna Karkor nónhwe itneskwe skát꞉ke ne rahonnonhkwetaʼshón꞉as ronterí꞉ios, tsi nihothitsiókwasʼkwe kát꞉nonhne 15,000 khók nisátikwe né꞉ne 120,000 niháti ronhwatinonhwarhiákon.